Filippi 3:5 - Bible Ni Thothup

⁵ Ya gag e ni maad’ad ngog nnap’an e ta’reb e wik yangreg. Ni gargel nigeg ni gu be’ u Israel, ni gu be’ ko fare ganong rok Benjamin, nri gub racha’ nu Hebrew nde ma’athuk reb e racha’ nga racha’eg. Ma fa’anra murung’agen rogon ni yima ayuweg e Motochiyel rok yu Israel, me ere gag e ug moy ni gag reb e Farise,

Filippi 3:5 Iomraidhean Croise

Genesis 14:13

Machane bay be’ nib mo’on ni thay me yib i yog ngak Abram ni ba Hebrew nma par nib chugur nga yu ke gek’iy ni oak ni fi’in Mamre, ma cha’nem e ba Amorite, nib mo’on ni walagen Eshkol nge Aner, ni yad Abram nga baraba’.

Genesis 40:15

Ya ni fekeg ko nam rok e Hebrew nda nnangeg, mu roy e da gu rin’ ban’en nib kireb riy ni gomanga ir tapgin ni ngan teg nga kalbus.”

Genesis 41:12

Ma bay ba pagel ni Hebrew romow, ni ir e sib rok e en ni kapten rok girdi’en e matanag, ma gamow weliy ngak e lik’ay romow. Me weliy fan ngomow, nra bagamow me weliy fan e birok e lik’ay ngak.

Jonah 1:9

Me fulweg Jonah ni ga’ar, “Gu ba Hebrew; gu ma liyor ngak SOMOL, ni fare Got nu tharmiy, ni ir e sunumiy e binaw nge day.”

Luke 1:59

Ma gonap’an e nga reb e wik yangren fare tir marbad ya nga ni maad’ad ngak fare tir; ma kar fineyed ni ngar tunguyed ngachalen e chitamngin ngak ni Zakariah.

Luke 2:21

Me reb e wik nga tomuren, ni aram e ngiyal’ ni ngan maad’adnag fachi tin min tunguy fithingan ni Jesus, ni aram fare ngachal ni tunguy fare engel ngak u m’on ko ngiyal’ ndawor ni parnag riy.

Luke 5:38

Danga’! Wayin nib be’ech e ngan ngal’uweg ngalan e tutuw nib be’ech ni keru’ e gamanman!

Acts 22:3

“Gu be’ u Israel, nni gargel nigeg u Tarsus u lan yu Cilicia, machane min chuguliyeg u roy u Jerusalem, me gag reb e bitir ni sukul nigeg Gamaliel. Rib gel e sukul ntay ngog u murung’agen fare Motochiyel rok e pi chitamangidad, ma ri ug liyor ngak Got ni bod gimed e pi’in gimed bay u roy e daba’.

Acts 23:6

Ma fa’ani guy Paul ni boch i yad e re ulung nem e Sadduse ma boch i yad e Farise, me welthin u lan fare ulung ni ga’ar, “Pi walageg! I gag reb e Farise, ni gag be’ ni fak e Farise gag. Ma ngan pufthin nigeg u roy ni bochan e be l’agan’ug ngay ni yira faseg e yam’.”

Acts 6:1

Munmun ma aram e be yo’or pi gachalpen Jesus i yan, me yib i malu’ag thin piyu Israel ni pi’in yad ma non ni thin ni Greek nge pi’in nni gargelegrad u Israel. Tin ni ba’aram e girdi’ nu Israel ni yad ma non ni Greek e rogned ni tirorad e ppin ni pi’in ke yim’ figirngirad e gubin e rran ni yira f’oth ban’en ma yibe pagrad.

Roma 11:1

Ere nggu fith ni nge lungug: I n’ag Got girdi’en fa danga’? Rib muduwgil ndanga’! Er rogon gag ni gu be’ u Israel, ni gag reb i owchen Abraham, ni gag girdi’en e ganong ku Benjamin.

2 Korinth 11:22

Bogi Hebrew e pi cha’nir? Ku errogon gag. Piyu Israel e pi cha’nir? Ku errogon gag. Yad bogni’ ni owchen Abraham? Ku errogon gag.

1 Samuel 4:6

Me rung’ag e pi Filistine lamrad ni yad be tolul, me lungurad, “Mu telmed ko tolul ni yibe tay ko gin nike par e salthaw nu Hebrew ngay! Gur be mang e ren’em?” Ma fa’anra nanged nike taw fare Kahol ko M’ag rok SOMOL ko gin ke yib i par e salthaw nu Hebrew ngay,