Filippi 3:16 - Bible Ni Thothup

¹⁶ Demturug rogon, machane ngdarod i yan ngam’on ni bod rogon fapi motochiyel ni ud folgad riy ke yan i mada’ ko chiney.

Filippi 3:16 Iomraidhean Croise

Roma 12:16

Nge par ni ta’reb rogon urngin e girdi’ u wun’med. Dabi tolangan’med, ma dab mu siyeged e maruwel nib sobut’. Ma dab um leam niged ni gimed e llowan’.

Roma 15:5

I Got ni ir e ma yib e gumaen’ nge athamgil laniyan’ rok ngodad e nge ayuwegmed ngu’um folwokgad rok Kristus Jesus mi gimed par nike ta’reban’med,

Galatia 5:7

Um mon’oggad i yan! Me ere mini’ e talegmed ndab ku um folgad ko tin riyul’? U rogon ni tuwesriymed?

Galatia 6:16

Nge yib e gapas nga laniyan’ e pi’in yad be fol ko re bugithin ney, me runguyrad Got, ni yad nge urngin e girdi’ rok Got!

Filippi 1:27

Ere n’en nth’abi ga’ fan ni ngam rin’ed e nge par pangimed ni bod rogon ni be yog e thin rok Kristus, ya demturug ko ke yag fa de yag ni gub gguymed, machane mu gu rung’ag ni kam pired ni gimed bmuduwgil nta’a ban’en e gimed be nameg, ma gimed be athamgiliy u ta’ab yang ni ta’a ban’en e gimed be athpeg ni aram e nge mich u wan’ e girdi’ fare Thin Ni Bfel’.

Filippi 2:2

Ere ri gu be wenig ngomed ni nge ta’reb e leam romed, me bigimed mi i t’ufeg bigimed, ma ba ta’reban’med, ngam felfelan’ niged gag.

Filippi 4:2

Euodia nge Sintike, wenig ngomew, mu guyew rogon nge ta’reban’mew ni bod rogon e walag ni ppin nma par u fithik’ Somol.

Kolose 2:6

Ke mich u wun’med ni Kristus Jesus e ir e Somol romed, ere um pired rok.

Kolose 4:2

Dab mpaged e meybil, mu tiyan’med ko ngiyal’ ni gimed be meybil riy, ma gimed be pining e magaer ngak Got.

Revelation 3:3

Mu tafinaynag e n’en nni fil ngom nge rogon ni mu rung’ag; ere mu fol riy ma ga pi’ keruum ko denen ni ga be rin’. Ya fa’anra dab mu od ma bay gub ngom ni bod be’ nib moro’ro’, ya dab mu nang e re awa ni gu ra taw riy.