Filippi 2:26 - Bible Ni Thothup

²⁶ Be finey ni manga yigi guymed ni gimed gubin, ma kari kireban’ ni bochan e kam rung’aged nib m’ar.

Filippi 2:26 Iomraidhean Croise

2 Samuel 13:39

machane nap’an ni m’ay e kireban’ rok ko yam’ nni tay Amnon, ma ke tawrengnag fare mo’on ni fak i Absalom.

2 Samuel 24:17

Me guy David fare engel ni be thang e fan rok e girdi’, me ga’ar ngak SOMOL, “I gag e ba kireb e rog. I gag e kug rin’ e kireb. Mang e ke bucheg e pi girdi’ ni gafgow ney? Susun e gag nge tabnaw rog e ngam gechignag.”

BABYOR NI JOB 9:27

Fa’an gu ra siminmin ngguy rogon ni nggu pagtalin e amith rog, me sul gubin e gafgow rog ngog nge k’ar marus ngog; Gu manang ni Got e ke yuluy e kireb nga dakenag.

Psalms 69:20

Thin ni kireb ni yibe yog ngog e ke kireban’ug ngay, ma kug par ndabiyag ni gu ayuwegneg. Kug finey ni mang e runguyeg be’, ma dariy be’ nike runguyeg; ara be’ ni nge fal’eg lanin’ug, ma da gur pir’eg be’ nra rin’.

Proverbs 12:25

Magfan’ e rayag ni iring e felfelan’ rom, machane thin ni bfel’ e ra ba’udeg lanin’um.

Isaiah 61:3

Mu gu pi’ e felfelan’, ngak e pi’in ni kar pired u Zion nike kireban’rad, nge yan nga luwan e kireban’ rorad. Ba tang ko ogmagaer e nge yan nga luwan e gafgowan’. Bay ra boded yuke gek’iy ni SOMOL e yung. Yad gubin ni bay rin’ed e n’en ni bfel’, mi ni pining e sorok ngak Got ko n’en ke rin’.

Matthew 11:28

“Mired ngog, ni gimed gubin e pi’in ke aw parowmed i fek e n’en nib tomal ni gimed be fek, mu gu pi’ e toffan ngomed.

Matthew 26:37

Me fek Peter nge fa gali cha’ ni fak Zebede ngar uned ngak. Me yib e taganan’ ngak Jesus nrib gel me thamiy ni gowa kan chuchuy nga but’,

Acts 21:13

Machane me fulweg ni ga’ar, “Mang e kam rin’ed ni gimed be yor gimed be kirebnag an’ug? Kug fal’eg rogog ni gathi kemus ni ngan m’ageg u Jerusalem machane mus ni nggum’ ni fan ngak Somol Jesus.”

Roma 1:11

Ri gub adag ni nggub gguymed nggu pi’ e thin rok Got ngomed nge gelnagmed.

Roma 12:15

Mu uned ko felfelan’ ngak e pi’in kar felfelan’gad, mi gimed un ko meyor ngak e pi’in yad be yor.

Roma 9:2

Rib ga’ e kireban’ ni gu be tay, ma rib ga’ e amith ni bay u lan gum’ircha’eg nder chuw, ni bochan pi girdi’eg ni gamad ta’ab ufin nge ta’ab racha’!

1 Korinth 12:26

Fa’anra gafgow bang u dowey, ma urngin e yu yang ni kabay e yad ma un ngak ko gafgow; fa’anra nog e sorok ngak bang riy, ma urngin e yu yang ni kabay riy ni yad ra un ngak fa gi nem ko felfelan’.

2 Korinth 9:14

Ma aram e bay ra pi’ed e meybil romed ngak Got ni bochan e kari mu t’ufgad rorad ma bochan e ayuw nike pi’ Got ngomed nike pag rogon.

Galatia 6:2

Nge bigimed me ayuweg bigimed nge un i fek gilban fa’anem, ireray rogon ni gimed ra rin’ ma aram e kam folgad ko fare motochiyel ni pi’ Kristus.

Efesus 3:13

Ere gu be wenig ngomed ni dabi mulan’med ya gu be gafgow ni fan ngomed; ni urngin ni gimed e nge yib fan ngomed.

Filippi 1:3

Gubin yay ni gimed ra yib ngan’ug ma gu ma pining e magaer ngak e Got rog ni bochmed ni gimed urngin;

Filippi 1:8

I Got e manang ni gu be yog e tin riyul’ ni fa’anra lungug e ri gimed urngin ni gimed ba t’uf rog ni ta’reb rogon ngarogon ni gimed ba t’uf rok Kristus.

Filippi 2:25

Gu be finey ndabisiy ni nggu l’oeg walagdad ni girdi’en Kristus i Epafroditus nge sul, ni ir e i un ngog ko maruwel nge athamgil, mi ir e be ayuwegneg nrogon ni mol’oged ni nge rin’.

Filippi 2:27

Riyul’ ni yib e m’ar ngak nge chugur i yim’. Machane i Got e runguy; ni gathi go ir ya ku errogon gag, nde pag Got e kireban’ nib gel nge yib ngog.

Filippi 4:1

Pi walageg ni girdi’en Kristus, ri gimed ba t’uf rog, ma kug tawreng nagmed, ma kam felfelan’ niged gag, ma kari felan’ug ngomed! Pi walageg ni girdi’en Kristus ni gimed ba t’uf rog, ireray rogon ni ngam pired ni gimed bmuduwgil ko ngongol romed u fithik’ Somol.

1 Peter 1:6

Ere mfelfelan’gad ngay, ni yugu aray rogon e chiney ndabisiy ni nge taganan’med nib ngoch nap’an ni bochan e bo’or mit e gafgow ni gimed be tay nib sikeng ngomed.