Filippi 2:13 - Bible Ni Thothup

¹³ ya Got e gubin ngiyal’ ni be maruwel u fithik’ i lanin’med ni be pingeg lanin’med ni nge m’agan’med ngay ni ngam folgad ko tin be finey.

Filippi 2:13 Iomraidhean Croise

1 Kings 8:58

mang e yigi gagiyeg nagdad ngu’ud folwokgad rok, nge yag ni u da pired ni gubin ngiyal’ nrogon ni ba’adag, mu ud folgad u urngin fapi motochiyel nge thin rok ni pi’ ngak pi chitamangidad ni kakrom.

2 Kronicles 30:12

Ma ku errogon Got ni be maruwel u lan yu Judah me ta’rebnag laniyan’ e girdi’ nge yag nra dugliyed u wan’rad ni ngar folgad ko tin nib m’agan’ ngay ni aram e ngar folgad ko tin keyog fare pilung nge pi tolang ko salthaw rok.

Ezra 1:1

Re duw i n’en ni som’on ni emperor Cyrus u Persia, me gagiyegnag SOMOL laniyan’ nge yog bbugithin nga ni yoloy nga babyor nga ni be’eg ngak e girdi’ u gubin yang ni be gagyegnag. Nrin’ e ren’ey ya nge yib i m’ug nib riyul’ e tin ni yog SOMOL u l’ugun Jeremiah ni profet.

Ezra 1:5

Ma pi lolugen e yu ke girdi’ ko pi ganong rok Judah nge Benjamin, nge pi prist nge pi Levite, nge urngin e pi’in ke tay Got nga lanin’rad ni ngranod e ra fal’eged rogorad ni ngranod ngar toyed e Tempel rok SOMOL u Jerusalem.

Ezra 7:27

Me ga’ar Ezra, “Ke magaer SOMOL ni fare Got rok pi chitamangidad ni kakrom! Ke gagiyegnag fare pilung ke m’agan’ ngay ni nge tay fan e Tempel rok SOMOL ni bay u lan yu Jerusalem ni aray rogon!

Nehemiah 2:4

Me fith fa en ni pilung ngog ni ga’ar, “Mang e gab adag ni nggu ayuwegnem riy?” Mu gu meybil ngak fare Got nu tharmiy,

BABYOR NI JOB 33:29

Ma rin’ Got urngin e pin’ey bayay nge bayay;

Psalms 110:3

Rofen ni ga ra cham ngak e pi to’ogor rom e ra ognag e tirom e girdi’ ngom ni ngar uned ngom. Rogon e wa’angachal ni bay nri kakadbul, e aram rogon e pi’in pagel ni girdi’ rom ni bay rabad ngom nga daken fapi burey nib thothup.

Psalms 119:36

Mu pi’ chogowen ngog ni nggu fol ko pi motochiyel rom ma gathi nge yo’or ban’en rog.

Psalms 141:4

Mu talegneg ni dab kug adag ni nggu rin’ e kireb ara nggu’un ko pi’in kireb e leam rorad ko ngongol rorad ni kireb. Mang e yigi dab gu un nga ban’en ko modnam rorad.

Proverbs 21:1

I SOMOL e ma gagiyegnag lanyan’ ba pilung nrib mom ni bod nma pow’iy wo’en e lul’.

Isaiah 26:12

SOMOL, bay mu pi’ e fla’ab ngomad, ya urngin e tin gamad ma thognag ma wom’ngin e n’en ni ga ma rin.

Jeremiah 31:33

Ra taw ko ngiyal’nem, ma ba’aray e bin be’ech e m’ag ni bay gu ngongliy u thilmad e girdi’ nu Israel: bay gu tay e motochiyel rog nga lanin’rad mu gu yoloy ngalan ngorongorrad. Bay gu mang Got rorad, ma bay ra manged girdi’ rog.

Jeremiah 32:38

Ma aram e bay ra manged girdi’ rog, ma bay gu mang Got rorad.

Luke 12:32

“Gimed e chi ulung ney e dab mu tamdaggad! Ya Chitamangimed e ba’adag ni nge pi’ e gin nsuwon ngomed.

Luke 2:14

“Ke sorok Got ni bay ko thal nth’abi tolang e tharmiy! Ma nge yib e gapas nga fayleng ngak e pi’in yad bfel’ u wan’ Got!”

John 3:27

Me fulweg John ni ga’ar, “Dariy be’ nra yag ban’en ngak ni gathi Got e pi’.

John 6:45

Pi profet e ra yoloyed ni lungurad, ‘Got e bayi machibnag urngin e girdi’.’ Urngin e pi’in nrung’aged e thin ko en ni Chitamangiy me mit e tin nike yog ngorad e bay rabad ngog.

John 6:65

Me ul ul ngay nge ga’ar, “Ri ireray fan ni kug weliy ngomed ndariy be’ nrayag ni nge yib ngog ni fa’anra gathi en ni Chitamangiy e gagiyegnag nge yag ni nge yib ngog.”

Acts 11:21

Ma be yodorom ma bay gelngin Somol ni be un ngorad, ma bo’or e girdi’ ni mich Jesus u wun’rad ngar piggad ngar manged girdi’en Somol.

Roma 12:3

Ke runguyeg Got ke pi’ e salap ngog, ma aram fan ni nggog ngomed ni gimed gubin ndab um tolang niged gimed u lanin’med nge pag rogon e leam nsusun e ngu’um ted, machane ngu’um leamgad u fithik’ e leam nib sobut’, me bigimed me gonopiy u wan’ e tin nrayag rok nib m’ag nga gelngin e michan’ rok ngak Got nike pi’ Got ngak.

Roma 9:11

Machane bochan ni mel’eg Got bagayow fa gali pumo’on ni nge yib fan ko tin ni be finey Got, ma aram me ga’ar Got ngak Rebeka, “En nib ilal e bayi pigpig ngak e en ni bitir.” I yog Got e re bugithin ney ndawor ni gargelegrow, ma dawor ra ngongliyew ban’en, ni ban’en ni bfel’ fa ban’en nib kireb; ere rogon ni turguy Got bagayow e bay rogon ko pong ni tay ngak, ma dariy rogon nga ban’en ni manga kar ngongliyew.

Roma 9:16

Ere dariy rogon ko n’en ni ba’adag e girdi’ fa n’en ni yad be rin’, ya kemus ni yigo’o runguy rok Got e bay rogon ngay.

1 Korinth 12:6

Ba thilthil rogon e tin nrayag rok be’ nge be’ ko pigpig, machane ta’ab Got e be pi’ e salap ngak urngin e girdi’ ni fan nga urngin e pigpig.

1 Korinth 15:10

Machane Got e runguyeg nge ayuwegneg me pingegeg nggu par ni bod rogog e chiney, ma ayuw ni tay ngog e de aw nib m’ayfan. Ya ke thil, nike gel e maruwel ni kug tay ngak urngin e pi apostel, machane gathi gag e gu be rin’ u gelngig, ya Got e be ayuwegneg.

2 Korinth 3:5

Ya dariy rogomad ni nggogned nrayag ni gu ngongliyed e re maruwel ney. Ya gelngimad ni nggu muruwliyed ngay e Got e ke pi’ ngomad:

Efesus 1:11

Ya urngin ban’en ma kan rin’ nrogon ni kem’ay i leamnag rok Got ke tay nge rogon ni turguy; mi Got e ir e turguy ni ngad manged girdi’en ko ta’ab girdi’ ni ngad ted Kristus ni fan ko tin ke leamnag, ni tin be finey ni kem’ay i duwgiliy rok aram ko tabolngin.

Efesus 1:5

ma aram fan ni turguy Got nu daken Jesus Kristus e nge fulwegdad riy ngak ni kad manged pifak — ireray e tin ni ba’adag nge tin ni leamnag.

Efesus 1:9

e rin’ riy e tin ke finey, me dag ngodad e n’en nike tay nib mith nike mu’ i leamnag rok ni nge libguy u daken Kristus.

Efesus 2:8

Yu daken e runguy rok Got ngodad e ir e ke thapegmed riy ngak, ni bochan e ke mich Jesus u wun’med. Gathi gimed e mmuruwliyed nge yag, ya ba tow’ath nike pi’ Got ngomed.

2 Thessalonika 1:11

Ireray fan ni gubin ngiyal’ ma gamad be pi’ e meybil romed ngak Got. Gamad be wenignag ngak e Got rodad ni nge ngongliymed nge bung rogon ni mpired ko re mit i pangin nike piningmed Got ni ngam pired riy. Nge ayuwegmed gelngin ngam marod mpired ni kam manigilgad nrogon ni gimed be yim’ ni bochan, me ayuwegmed nge libug e maruwel ni gimed be muruwliy u fithik’ e michan’ nge pagan’ romed ngak.

2 Timothy 1:9

Ke thapegdad ngak ma ke piningdad ni ngad manged girdi’en, ni gathi bochan e tin ni bfel’ ban’en ni kad ngongliyed, machane bochan e tin ke leamnag nge runguy rok ngodad. I runguydad u daken Kristus Jesus u m’on ndawori sunumiy e fayleng riy,

Hebrews 13:21

I Got ni ir e Got ko gapas e nge pi’ ngomed urngin e tin ni bfel’ ni nge yag ngomed nge yag ni mu rin’ed e tin nib m’agan’ ngay, me rin’ u fithik’ i lanin’dad e tin ni ir e bm’agan’ ngay, ni nge rin’ u daken Jesus Kristus. Mi Kristus e ngad ted fan e chiney i yan ngam’on ndariy n’umngin nap’an! Amen.

1 Peter 1:3

Ngad pininged e magaer ngak Got ni ir e Chitamngin e Somol rodad i Jesus Kristus! Ya bochan e ri be runguydad me pi’ e yafos nib be’ech ngodad ni fan e faseg Jesus Kristus ko yam’. Ireray fan ni kad nanged ni tin ke l’agan’dad ngay e bay yib i m’ug nib riyul’,