Filippi 1:6 - Bible Ni Thothup

⁶ Ere bmuduwgil u wun’ug ni Got ni ir e tabab i ngongliy e re maruwel ney ni bfel’ u fithik’ i lanin’med e bayi muruwliy i yan nge yan i mada’ ko Rofen ni nge mus riy, ni aram e Rofen ni nge sul Jesus riy.

Filippi 1:6 Iomraidhean Croise

Psalms 138:8

Bay mu rin’ urngin e tin kam micheg; SOMOL, tuf’eg rom e ba manemus. Mmu’nag e maruwel ni kam tababnag.

John 6:29

Me fulweg Jesus ngorad ni ga’ar, “Ba’aray e ren’en ni ba’adag Got ni ngam rin’ed: nge mich u wun’med e en nike l’oeg ke yib.”

Acts 11:18

Fa’an rrung’aged e re bugithin ney, miyad tal ndakur thibthib niged Peter miyad pining e magaer nge sorok ngak Got ni be lungurad, “Ere ku errogon nike bing Got e wo’ ngak e pi’in gathi yad piyu Israel ni ngar kolgad ngan’rad ngar pi’ed keru’rad ko denen miyad fos!”

Acts 16:14

Ma bagayad e pi cha’nem ni i motoyil ko thin ni gamad be yog e Lydia ni yib u Thyatira, nma folchuway’ ko mad nib purple ram’en. I ir be’ ni bpin nma meybil mma liyor ngak Got, me tamilangnag Somol laniyan’ ni nge uthum tel ko n’en ni be weliy Paul.

1 Korinth 1:8

Ma ku bayi ta’med ni gimed bmuduwgil nge mada’ ko tomur, ni fan e nge yan i m’ug ndariy thibngimed ko Chirofen ni bay sul e Somol rodad i Jesus Kristus.

2 Korinth 1:15

Rib mich u wun’ug e re bugithin ney, aram fan ni gu leamnag ko som’on ni ngug guymed ni fan e nge gaman l’agruw yay ni gu ayuwegmed.

2 Korinth 2:3

Aram fan ni gu yoloy fa gi babyor ngomed, ya dabug ni nggub ngomed me kireban’ug ni pi’in nsusun e nge felan’ug ngorad e yad e ngar kireb niged lanin’ug. Ya gu manang nra gu felfelan’, ma ku errogon gimed ni gimed ra felfelan’.

2 Korinth 7:16

Kari gu felfelan’ ni fan e rayag ni gu toer ngomed!

2 Korinth 9:4

Ya richey me un e girdi’ nu Macedonia ngog nggu bad miyad pir’eg ndawor mu fal’eged rogomed ni ngam pi’ed e ayuw, ma ri gamad ra tamra’ ni fan e kari pagan’mad ngomed, ma kab gel e tamra’ ni gimed ra tay!

Galatia 5:10

Machane kab pagan’ug ngomed. Taab girdi’ ni kad ted u fithik’ Somol e ir e ke pi’ e pagan’ ngog ni gu manang ni dabi thil rogon e tafinay romed, ma cha’ ni ir e be athkuy lanin’med, e demturug ko mini’, ma ke muduwgil ni Got e bayi gechignag.

Efesus 4:12

I rin’ e ren’ey ni nge ngongliy rogon urngin e girdi’ rok Got ngar pigpiggad ngak Got ni aram e maruwel rok girdi’en Kristus, miyad ayuweg girdi’en e dowef rok Kristus ngar ilalgad i yan.

Filippi 1:10

nge yag ni ngam mel’eged e tin ni ir e ba th’abi fel’. Me yag ni um pired ni kam gilafgad nga orel ko urngin mit e kireb nge n’en ni yira yog e tagan riy ngomed ko Chirofen nra sul Kristus riy.

Filippi 1:29

Ya ke mel’egmed Got ni ngam pigpiggad ngak Kristus, ni gathi kemus ni ngam pired nib mich u wun’med, machane ngku um gafgowgad ni fan ngak.

Filippi 2:12

Ere pi tafager rog, um moyed ni gubin ngiyal’ ni gimed be fol rog ko ngiyal’ ni ug moy romed, me ere chiney nda kug moy romed e ri ba ga’ fan ni ngam folgad rog. Um ngongolgad ni bay madgun Got u wun’med mu um t’on gad ko marus nge mada’ ko ngiyal’ ni kam marod ngak Got,

Filippi 2:13

ya Got e gubin ngiyal’ ni be maruwel u fithik’ i lanin’med ni be pingeg lanin’med ni nge m’agan’med ngay ni ngam folgad ko tin be finey.

Filippi 2:16

mi gimed weliy e thin rok Got ngorad ni murung’agen e yafos ndariy n’umngin nap’an. Fa’anra mu rin’ed ni aray rogon mra yib tapgin ni nggu felfelan’ ngomed ko Chirofen ni bay sul Kristus riy; ya aram e ra m’ug ni urngin e athamgil nge maruwel ni ug tay e de yan i aw nib m’ayfan.

Kolose 2:12

Ya fa’an ntawfe nagmed, ma aram e kan unegmed ngak Kristus kan k’eyagmed, ma tawfe ntay ngomed e ir e kun unegmed riy ngak Kristus ngan fasegmed ko yam’ u daken e michan’ romed nga gelngin Got ni be maruwel, ni Got ni ir e faseg Kristus ko yam’.

1 Thessalonika 1:3

Ya der m’ay u wun’mad u p’eowchen e Got rodad ni ir e Chitamangidad u rogon ni kam maruwelgad ko michan’ romed, nge rogon nike ngongliymed rogon nib t’uf Got romed nge girdi’ kam maruwelgad nrib gel, nge rogon ni kari l’agan’med ngak e Somol rodad i Jesus Kristus.

2 Thessalonika 1:11

Ireray fan ni gubin ngiyal’ ma gamad be pi’ e meybil romed ngak Got. Gamad be wenignag ngak e Got rodad ni nge ngongliymed nge bung rogon ni mpired ko re mit i pangin nike piningmed Got ni ngam pired riy. Nge ayuwegmed gelngin ngam marod mpired ni kam manigilgad nrogon ni gimed be yim’ ni bochan, me ayuwegmed nge libug e maruwel ni gimed be muruwliy u fithik’ e michan’ nge pagan’ romed ngak.

2 Thessalonika 3:4

Ma ke pagan’mad ngak Somol nib muduwgil ni gimed be rin’ e tin kug weliyed ngomed ma bay um rin’ed i yan.

Filemon 1:21

Gu be yoloy e re bugithin ney ma mmudugil u wun’ug ni bay mu rin’ e tin kug wenignag ngom — ma ri gu manang ni bayi pag rogon e tin ni bay mu rin’ ko tin ni gu be wenignag ngom.

Hebrews 10:35

Ere dabi mulan’med ngu’um pired nib pagan’med, ya bay wenegan ni ba ga’ nra yib ngomed.

Hebrews 12:2

Ma gad par ni kad l’eged owchedad ngak Jesus, yi ir e be toer e michan’ rodad ngak ko tabolngin nge yan i mada’ ko tungun. Ya de pag ir ni bochan fare kuruth! Machane bochan e felfelan’ ni be sonnag ma daki tafinaynag e tamra’ nra tay ko yam’ ni nge tay u daken e kuruth, me ere chiney e ke par nga but’ u ba’ ni mat’aw rok Got u tagil’ Got.

1 Peter 5:10

Ya bay mu gafgowgad ni dabi n’uw nap’an mi Got ni ir e ke pi’ urngin ban’en ngodad, ni ir e ke piningmed ni ngam ta’ab girdi’gad Jesus Kristus ma ngam uned ko fla’ab rok ndariy n’umngin nap’an, e ir e bayi yal’uwegmed, me ta’med ni gimed bmuduwgil, me gel nagmed me ta’med nga daken e def nib muduwgil.

2 Peter 3:10

Ya chirofen ni Rran rok Somol e bayi taw ni bod rogon ba moro’ro’. Chirofen nem e bay yan nga bayang lanelang ni be falgear lingan, ma urngin e tin ni bay u lanelang ban’en ni bayi yik’ nge kireb, ma fayleng nge urngin e tin bay riy e bayi chuw.