Filippi 1:1 - Bible Ni Thothup

¹ Re babyor ney e yib rok Paul nge Timothy, ni yow e tapigpig rok Kristus Jesus — Ngak urngin e girdi’ rok Got ni yad be par u Filippi, nike mich Kristus Jesus u wun’rad, nge pi’in yad be tay murung’agen girdi’en e galesiya nge pi’in yad be ayuweg girdi’en e galesiya.

Filippi 1:1 Iomraidhean Croise

Mark 13:34

Susun e be’ nib mo’on ni digey e tabinaw rok me yan ko milekag, me pag fan urngin ban’en ngak e pi tapigpig rok, nra bagayad ma maruwel rok; me yog ngak e en nma matanagiy e mab ni nge tiyan’ ko matanag.

John 12:26

En ni ba’adag ni nge pigpig ngog e thangri un ngog, ya en ni tapigpig rog e bay i par rog ko gin ni gu bay riy. Ya Chitamag e ra tayfan e cha’ nma pigpig ngog.”

Acts 1:20

“Ya kan yoloy ngalan e babyor ko Psalm ni ga’ar, ‘Naun rok e dabi par be’ riy, dab ni pag be’ nge par u lan.’ Ma ku bay ni kan yoloy nike ga’ar, ‘Nge yin’ be’ luwan nge maruwel.’

Acts 20:28

Mu ayuweged gimed nge fare ulung i saf ni fare Kan Nthothup e ke taymed ni ngu’um ayuweged. Gimed e ngam pired ko galesiya rok Got ni bod e pi’in nma ayuweg e saf, ya girdi’en e galesiya rok Got e rmanged girdi’en Got u daken e yam’ ni tay Fak.

Acts 9:13

Me fulweg Ananias ni ga’ar, “Somol, bo’or e girdi’ ni karogned ngog murung’agen e re mo’on nem, ni murung’agen urngin e kireb nike rin’ ngak e tirom e girdi’ u lan yu Jerusalem.

Roma 1:1

Re babyor ney e yib rok Paul, ni tapigpig rok Kristus Jesus, ni ir ba apostel ni Got e mel’eg me pining ni nge machibnag ngak e girdi’ e Thin Ni Bfel’ ni yib rok Got.

Roma 1:7

Ere gu be yol ngomed ni gimed gubin e pi’in gimed bay u Roma ni gimed ba t’uf rok Got nike piningmed Got ni ngam manged girdi’en ni be lungug: I Got ni Chitamangidad nge Somol Jesus Kristus e ngu’ur ayuwegew gimed ma yow be pi’ e gapas nga lanin’med.

1 Korinth 16:10

Fa’anra yib Timothy ngomed ma ngam guyed rogon nge par romed nike pagan’, ya be maruwel rok Somol ni bod rogog.

2 Korinth 1:1

Re babyor ney e yib rok Paul, ni mang apostel rok Kristus Jesus ni Got e leamnag, nge rok Timothy ni walagdad ni girdi’en Kristus — Ngak girdi’en e galesiya rok Got u Korinth, nge ngak urngin e girdi’ rok Got u Greece ni polo’:

Galatia 1:10

Re bugithin ney ni kugog e gimed be finey ma gu be guy rogon ni nggu wan nga laniyan’ e girdi’? Danga’! I Got e gu be finey ni nggu wan nga laniyan’! Ara gimed be finey ni gu be guy rogon ni nggu fel’ u wan’ e girdi’? Fa’an mang e gu be guy rogon ni nggu fel’ u wan’ e girdi’, ma dab gu mang reb e tapigpig rok Kristus.

Galatia 3:26

Yu daken e michan’ romed ngak Kristus e ir e ke yag ni mmanged pifak Got riy ni gimed gubin, ni aram e kam ta’ab girdi’gad Kristus Jesus.

Galatia 3:28

Ere ta’reb rogon piyu Israel nge pi’in gathi yad piyu Israel, ma ku errogon e pi’in yad e sib nge pi’in gathi yad e sib, ma ku errogon e pi’in pumo’on nge ppin, ni bochan e gimed gubin ma kam ta’ab girdi’gad Kristus.

Efesus 1:1

Re babyor ney e yib rok Paul, ni Got e leamnag nge mang reb e apostel rok Kristus Jesus — Ngak girdi’en Got ni yad ma par u Efesus, ni pi’in nib yul’yul’ e ngongol rorad u fithik’ Kristus Jesus:

Efesus 1:15

Ireray fan ni kanap’an ni gu rung’ag murung’agen rogon e michan’ romed ngak Somol Jesus nge murung’agen rogon nib t’uf romed urngin e girdi’ rok Got,

Efesus 6:24

I Got e ngi i ayuweg urngin e pi’in nib t’uf rorad e Somol rodad i Jesus Kristus, ma rogon nib t’uf rorad e nge dabi math bi’id.

Filippi 2:19

Ba pagan’ug ngak Somol Jesus ni bayi gagiyegnag nge yag ni gu l’oeg Timothy nge yib ngomed ni kane’, ya nge sul nge weliy salapmed ngog nggu felfelan’.

Filippi 2:5

Rogon e leam nge pangin ni nge yag ngomed e fare leam nge fare pangin ni immoy rok Kristus Jesus ni ba’aray:

Filippi 3:12

Dagur yog nike yag ngog e ren’ey, ara kug taw ko n’en ni yibe nameg. Ku gu be yan ni gu be guy rogon ni nge yag ngog ni fan e ke milfag ngak Kristus Jesus.

Filippi 3:3

Ya gathi yad e picha’ nike yag e bin riyul’ e maad’ad ko dowef ngorad, ya gadad, ni bochan e gadad ma liyor ngak Got ma gadad ma meybil ngak u daken e Kan Nthothup rok, ma gadad be felfelan’ ko yafos ni yag ngodad u daken Kristus Jesus. Dabi pagan’dad nga yalen e tin yibe ngongliy nga wuru’ i dowdad.

Filippi 3:8

Ni gathi kemus ni pin’em; ya urngin ban’en ma kug matha’eg ngay ni kari yan i aw ni lus ni bochan e bin ni kab ga’ fan e nggu nang Kristus Jesus ni ir e Somol rog. Bochan Kristus ma aram fan ni kug n’ag urngin ban’en; ya kug finey ni go’ chabung, ni fan e nge yag Kristus ngog,

1 Thessalonika 1:1

Re babyor ney e yib rok Paul nge Silas, nge Timothy — Ngak e girdi’ ko galesiya nu Thessalonika, ni yad girdi’en Got ni Chitamangiy nge Somol Jesus Kristus: I Got e ngi i ayuwegmed ma be pi’ e gapas nga lanin’med.

1 Thessalonika 2:2

Gimed manang rogon e gafgow ntay ngomad nge thin nib kireb ni unog ngomad u Filippi u m’on riy ndawor gu bad ngomed nga Thessalonika. Machane Got rodad e pi’ e athamgil nga lanin’mad ni nggu weliyed ngomed fare Thin Ni Bfel’, ni yugu ireram gelngin e togopluw ni yibe tay ngomad.

2 Thessalonika 1:1

Re babyor ney e yib rok Paul, nge Silas, nge Timothy — Ngak girdi’en e galesiya nu Thessalonika ni yad girdi’en Got ni Chitamangidad nge Somol ni Jesus Kristus:

2 Thessalonika 1:10

ya re Rran ni ba’aram nra yib ni nge yog urngin e girdi’ rok e sorok ngak, me liyor urngin e girdi’ ngak nike michan’rad ngak, e ku errogon gimed ni gimed ra un nga fithik’rad, ni bochan e ke mich u wun’med e thin ni yib rok Got ni kug weliyed ngomed.

1 Timothy 1:2

Ngak Timothy, nike mang be’ nri fakag u daken e mich u wun’uy ngak Kristus: I Got ni Chitamangiy nge Kristus Jesus ni ir e Somol rodad e ngu’ur ayuwegew gur ma yow be runguyem, ma yow be pi’ e gapas nga lanin’um.

1 Timothy 3:8

Pi’in ni ngu’ur ayuweged e galesiya e ku errogon nthingar ur pired ni bfel’ pangirad ma yad ba yul’yul’ ko maruwel rorad; ma thangri dab ra unumed e wayin ni pire’ ara ur chogow niged e salpiy;

Titus 1:1

Re babyor ney e yib rok Paul, ni tapigpig rok Got, me ir reb e apostel rok Jesus Kristus. Ni turguyeg nga nol’igeg ni nggu ayuweg e pi’in ke mel’egrad Got ni ngar manged girdi’en nge mich Kristus u wun’rad, mu gu pow’iyrad ko tin nib riyul’ ni be fil e ba’ rodad e taliw,

Titus 1:7

Ya ke milfan e maruwel rok Got ngak, aram fan ni cha’ ni ir e be yog e thin rok e galesiya e nge par nib yal’uw. Ma thangri dabi ufanthin fa reb e ba papey e damumuw ngak, ara ba tamuun rrum, ara ba tacham, fa reb e ma chogownag e salpiy.

Filemon 1:1

Re babyor ney e yib rok Paul ni kemang reb e kalbus ni bochan Kristus Jesus, ma ki yib rok walagdad i Timothy — Ngak e fager romow i Filemon ni gamad nga ta’ab maruwel,

Hebrews 13:23

Gub adag ni ngam nanged ni walagdad ni girdi’en Kristus i Timothy e ka ni pag u kalbus. Fa’anra ke yib ngog, ma gamow ni bay gu bow ngad mada’gad.

James 1:1

Re babyor ney e yib rok James, ni ir reb e tapigpig rok Got nge Somol i Jesus Kristus: Nge felan’ Got ngak urngin e girdi’ rok ni yad ba wear u daken e re fayleng ney ni polo’.

1 Peter 2:25

Ya um moyed ni gimed bod e pi saf ni kar olobochgad; machane chiney e kan fulwegmed ni ngu’um leked Fa’anem ni ir e ma gafaliy e saf me ir e ma ayuweg lanin’med.

2 Peter 1:1

Re babyor ney e yib rok Simon Peter, ni ir reb e tapigpig me ir reb e apostel rok Jesus Kristus — Ngak e pi’in nu daken e mat’aw rok Got rodad nge Jesus Kristus ni ir e ma thapeg e girdi’ ngak Got e ke yag riy ngorad e michan’ nta’reb rogon feni ga’ fan ko biromad e michan’:

Jude 1:1

Re babyor ney e yib rok Jude ni ir reb e tapigpig rok Jesus Kristus, ni be’ nib mo’on ni walagen James — Ngak e pi’in nike piningrad Got, ni yad be par ni yad bt’uf rok Got, ni ir e Chitamangiy, ma be yororiyrad Jesus Kristus:

Revelation 1:1

U lan e re ke babyor ney e kan yoloy fa pin’em ngay ni fini dag Jesus Kristus nga ni guy. Pin’ey e pi’ Got ngak John ni nge dag ngak e pi tapigpig rok Got e n’en nthingari m’ug ndab ki n’uw nap’an. Kristus e l’oeg e engel rok nge yan i dag me weliy e pin’ey ngak John, ni ir e tapigpig rok Kristus.

Revelation 1:20

Ba’aray e n’en nda nnang fan mi murung’agen fa medlip i t’uf ni ba’aray ni ga be guy u lan e ba’ ni mat’aw i pa’ag, nge fa medlip ley i tagil’ e magal ni ba’aray ni kan ngongliy ko gol: re medlip i t’uf ney e ireray fa medlip i engel ko fa medlip i galesiya, ma medlip ley i tagil’ e magal ney e fa medlip i galesiya.”

Revelation 19:10

Mu gu paraw nga but’ u to’oben rifrifen ay nggu siro’ ngak, machane me ga’ar ngog, “Dab mu rin’ ni errogon! Ya gag reb e tapigpig ni bod gur nge pi walagem, ni urngin fa pi’in yad be fol ko fapi thin nib riyul’ ni fa’ani yib i yog Jesus ngan nang. Ere mu tayfan Got ma ga meybil ngak!” Ya tin nib riyul’ ni yib i yog Jesus ngan nang e ireram fapi thin ni yib i yog e Kan Nthothup rok Got u l’ugun e pi profet.

Revelation 2:12

“Mu yol ngak fare engel ko galesiya nu Pergamum ni nge lungum: “Ba’aray e thin nike pi’ fa’anem ni ir e bay fare saydon rok ni ruw raba’ ma mm’uth.

Revelation 2:8

“Mu yol ngak fare engel ko galesiya nu Smyrna ni nge lungum: “Ba’aray e thin nike pi’ fa’anem ni ir e en ni tabolngin ma ku ir e en ni tungun, ni ir e yim’ ngki fos ko yam’.

Revelation 22:9

Machane me ga’ar ngog, “Dab mu rin’! Ya gadow l’agruw ma tapigpig, ma ta’reb rogog ngak pi walagem ni aram fapi profet, nge urngin e pi’in yad be fol ko thin ni bay u lan e re ke babyor ney! Ere mu siro’ ma ga meybil ngak Got!”