Filemon 1:20 - Bible Ni Thothup

²⁰ Ere walageg u daken Kristus, wenig ngom mu ayuwegneg ko re bugithin ney ni bochan Somol; mu felfelan’ nigeg, ya gur be’ ni walageg gur u daken Kristus!

Filemon 1:20 Iomraidhean Croise

1 Korinth 16:18

ma kar felfelan’ niged gag ni bod rogon nra felfelan’ niged gimed. Girdi’ ni aray rogon e bay rogon ni ngan pining e magaer ngorad.

2 Korinth 2:2

Ya fa’anra nggu kirebnag an’med, me ere mini’ e kabay ni ra fal’eg lanin’ug? Kemus ni fa pi’in kug kirebnag lanin’rad!

2 Korinth 7:13

Ireray fan me yib e athamgil nga lanin’mad. Gathi kemus ni yib e athamgil nga lanin’mad; ya ri ba ga’ e felfelan’ ni pi’ Titus ngomad ko felfelan’ nike tay u rogon ni mu ayuweged ni gimed gubin nge felfelan’.

Filippi 1:8

I Got e manang ni gu be yog e tin riyul’ ni fa’anra lungug e ri gimed urngin ni gimed ba t’uf rog ni ta’reb rogon ngarogon ni gimed ba t’uf rok Kristus.

Filippi 4:1

Pi walageg ni girdi’en Kristus, ri gimed ba t’uf rog, ma kug tawreng nagmed, ma kam felfelan’ niged gag, ma kari felan’ug ngomed! Pi walageg ni girdi’en Kristus ni gimed ba t’uf rog, ireray rogon ni ngam pired ni gimed bmuduwgil ko ngongol romed u fithik’ Somol.

Filemon 1:12

Kug pi’ e chiney ke sul ngom, nike un lanin’ug ngak.

Filemon 1:7

T’ufeg rom, i gur walageg ni gab t’uf rog, e ba gel e felfelan’ nike pi’ ngog, ma ba ga’ e athamgil nike pi’ nga lanin’ug! Ya kam pi’ e felfelan’ nga laniyan’ urngin e pi’in girdi’en Got.

Hebrews 13:17

Mu folgad ko thin rok e pi’in yad be yog e thin romed. Ya yad be matanagiy lanin’med ndarir talgad, ni bochan e riyad ra weliy ngak Got rogon ni ur ngongliyed e marwel rorad. Ya fa’an gimed ra fol rorad ma ra ur ngongliyed e maruwel rorad nib felan’rad ngay; ya fa’anra dangay ma bay ur ngongliyed nib taganan’rad, ma aram e dabi fel’ rogomed riy.

1 John 3:17

Fa’anra bo’or ban’en rok be’ ma be guy be’ ni walagen ni girdi’en Kristus nike gafgow nthingari yag ban’en ngak, me fek owchen rok, mra di’in me ga’ar e ba t’uf Got rok?

3 John 1:4

Dariy ban’en nrib gel e felfelan’ nra pi’ ngog ko bin ni nggu rung’ag murung’agen pifakag ni yad be fol ko tin riyul’.