Filemon 1:10 - Bible Ni Thothup

¹⁰ Ere gu be wenig ngom ni bochan Onesimus, ni ir e kemang be’ ni fakag u daken Jesus Kristus; yu roy u kalbus e kug mang ba matam ngak, ya kug pow’iy ke thap ngak Kristus.

Filemon 1:10 Iomraidhean Croise

2 Samuel 18:5

Me ga’ar ngak Joab nge Abishai nge Ittai, “Mu leam niged gag nge dab mu maad’adgad ngak fachi cha’ i Absalom.” Urngin e salthaw ni rung’ag e re bugithin ney ni yog David ngak urngin e pi tolang ko salthaw.

Mark 9:17

Me fulweg be’ u fithik’ fapi girdi’ ni aram urngin ngak Jesus ni ga’ar, “Tamchib, kug fek fakag ni pumo’on i yib ngom, ya ke ying ba mo’onyan’ ngak ndabkiyag ni nge non.

Roma 12:1

Ere pi walageg, bochan e ri be runguydad Got, ma aram fan ni nggu wenig ngomed ni ngam pi’ed gimed ngak Got, ngam manged maligach nib fos ngak, ni kam pi’ed gimed ko maruwel rok ma gimed bfel’ u wan’. Ireray e bin riyul’ e liyor ni susun e ngam pi’ed ngak Got.

1 Korinth 4:14

Kug yoloy e babyor ni aray rogon ke yib ngomed, ni gathi bochan e gub adag ni nggu tamra’ nagmed; kug rin’ ni bochan e nggu fonow nagmed ni gowa gimed pifakag ni gimed ba t’uf nog.

1 Korinth 4:15

Ya yugu ra ragag i biyu’ e tamchib ni fonow nagmed ko ngongol romed ko ta’ab girdi’ ni kam ted Kristus, machane ri ta’reb e chitamangimed ni bay. Ya ngongol romed ko ta’ab girdi’ ni kam ted Kristus e kug mang chitamangimed riy ni fan e gag e gu fek i yib ngomed fare Thin Ni Bfel’.

Galatia 4:19

Pifakag ni gimed ba t’uf rog ni gimed girdi’en Kristus! Ke gaman e l’agruw yay ko yaney ni kug bod be’ ni bpin ni nge gargel, ireray e mit i amith nike yib ngog ni bochmed, ni bayi par rog nge yan i mada’ ko ngiyal’ nra bigimed ma ke sum rarogon Kristus nga fithik’.

Kolose 4:9

Ma ke un Onesimus ngak, ni ir fa’anem ni walagdad ni girdi’en Kristus nrib t’uf rodad ma ba yul’yul’, me ir bigimed. Yow e bay ra weliyew ngomed urngin ban’en ni yibe rin’ u roy.

1 Timothy 1:2

Ngak Timothy, nike mang be’ nri fakag u daken e mich u wun’uy ngak Kristus: I Got ni Chitamangiy nge Kristus Jesus ni ir e Somol rodad e ngu’ur ayuwegew gur ma yow be runguyem, ma yow be pi’ e gapas nga lanin’um.

Titus 1:4

Gu be yol ngak Titus, ni en nriyul’ ni fakag u fithik’ e michan’ romow ngak Kristus ni be lungug: I Got ni Chitamangiy nge Kristus Jesus ni ir e ma thapegey ngak Got e ngu’ur ayuwegew gur ma yow be pi’ e gapas nga lanin’um.

Filemon 1:11

Kakrom e immoy e cha’ney i Onesimus ndariyfan ngom, ma chiney e ke ga’ fan ngom nge gag.

Filemon 1:13

Gu ba’adag ni nggu tay rog u roy e ngiyal’ney ni gu ba’ u kalbus ni bochan fare Thin Ni Bfel’, ni fan e nge yan nga luwam nge ayuwegneg.

3 John 1:4

Dariy ban’en nrib gel e felfelan’ nra pi’ ngog ko bin ni nggu rung’ag murung’agen pifakag ni yad be fol ko tin riyul’.