Ezra 1:4 - Bible Ni Thothup

⁴ Fa’anra bay reb i girdi’en u reb e nam nib kalbus ni ba’adag ni nge sul, ma girdi’ ni yad bbuguliyoror e ngar pi’ed e re ayuw ni ba’aray ngak. Ngar pi’ed ngak e silber nge gol, nge chugum nge gamanman nma fek e chugum, nge tow’ath ni ngan pi’ u lan e Tempel rok Got u Jerusalem.”

Ezra 1:4 Iomraidhean Croise

1 Kronicles 29:17

Gu manang ni ga ma changar nga gumircha’en gubin e girdi’ ma bfel’ u wun’um e girdi’ ni bfel’ laniyan’. Gu be pi’ gubin e pin’ey ngom nrib fel’ lanin’ug ma kug guy rogon e girdi’ rom ni kar mu’ulunggad e ngaray nib felfelan’rad ngay ni ngar pi’ed e pi maligach rorad ney ngom.

1 Kronicles 29:3

Ma ku gon’ nga daken e tiney ni gubin e tirog e silber nge gol ni bochan e rib t’uf rog e Tempel rok Got.

1 Kronicles 29:9

I pi’ e girdi’ e pin’ey ngak SOMOL nrib m’agan’rad ngay, ma ri yad ba felfelan’ ngay ni bo’or ban’en ni kan pi’. Me David ni Pilung e riki felfelan’ nib gel.

2 Kronicles 31:14

Kore nib mo’on ni fak Imnah ni reb e girdi’ nib Levite ni ir e ba tolang ko pi tamatnag ko fare Garog ni Ngek ko fare Tempel, ma ku ir e ba milfan ngak e pi tow’ath ni yibe pi’ ngak SOMOL nge tin nge wereg ko pi prist nge pi Levite.

Ezra 1:3

Mang e yigi par Got romed ni gimed gubin, gimed e pi’in girdi’en. Ngam marod nga Jerusalem ngam toyed bayay fare Tempel rok SOMOL, ni ir fare Got nu Israel, ni fare Got ni yima liyor ngak u Jerusalem.

Ezra 1:5

Ma pi lolugen e yu ke girdi’ ko pi ganong rok Judah nge Benjamin, nge pi prist nge pi Levite, nge urngin e pi’in ke tay Got nga lanin’rad ni ngranod e ra fal’eged rogorad ni ngranod ngar toyed e Tempel rok SOMOL u Jerusalem.

Ezra 9:15

SOMOL ni Got nu Israel, ri gab mat’aw, machane ka mu pag bochi gamad ke par nib fos. Gamad be weliy e kireb romad ngom; dariy mat’awmad ni nggu bad nga p’eowchem.”

Exodus 35:29

Gubin e girdi’ nu Israel ni ppin nge pumo’on nib magan’rad ngay e yi go’ ra feked ban’en i yib ni fan ko fare maruwel nike yog SOMOL ngak Moses ni ngan rin’.

Isaiah 10:21

Bochu’uw e girdi’ nu Israel nra sul ngak e Got rorad nib gel gelngin.

Acts 24:17

“Nga tomuren in e duw ni ug milekag i yan nda gu moy u Jerusalem, mu gu sul nga Jerusalem ni kug fek bogi salpiy ni nggu pi’ ngak e girdi’ ko nam rog ni girdi’en Kristus mu gu pi’ bogi maligach.

Galatia 6:2

Nge bigimed me ayuweg bigimed nge un i fek gilban fa’anem, ireray rogon ni gimed ra rin’ ma aram e kam folgad ko fare motochiyel ni pi’ Kristus.