Ezra 1:3 - Bible Ni Thothup

³ Mang e yigi par Got romed ni gimed gubin, gimed e pi’in girdi’en. Ngam marod nga Jerusalem ngam toyed bayay fare Tempel rok SOMOL, ni ir fare Got nu Israel, ni fare Got ni yima liyor ngak u Jerusalem.

Ezra 1:3 Iomraidhean Croise

1 Kings 18:39

Fa’ani guy e girdi’ e ren’em miyad paraw nga but’ ma yad be non ni ba ga’ lamrad ni be lungurad, “I SOMOL e ir e Got; kemus ni SOMOL e ir e Got!”

1 Kings 8:23

me meybil ni ga’ar, “SOMOL ni Got rok yu Israel, dariy reb e kan u tharmiy ngu but’ ni bod gur! Ri gab yul’yul’ ko m’ag ni kam ngongliy u thilmed e tirom e girdi’, ma ga be dag e t’ufeg rom ngorad ni fa’anra yad be par ni yad be fol rom u polo i lanin’rad.

1 Kronicles 28:20

Me ga’ar David ni Pilung ngak Solomon ni fak, “Nge pagan’um me muthan’um. Mu tabab ko maruwel ma dab mu pag ban’en nge talegem. I SOMOL ni Got, ni ir e gu ma pigpig ngak e bayi par rom. Dabi pagem, machane ra par rom nge mada’ ko ngiyal’ ni kam mu’ i muruwliy fare Tempel rok.

Ezra 1:4

Fa’anra bay reb i girdi’en u reb e nam nib kalbus ni ba’adag ni nge sul, ma girdi’ ni yad bbuguliyoror e ngar pi’ed e re ayuw ni ba’aray ngak. Ngar pi’ed ngak e silber nge gol, nge chugum nge gamanman nma fek e chugum, nge tow’ath ni ngan pi’ u lan e Tempel rok Got u Jerusalem.”

Ezra 4:3

Me yog Zerubbabel, nge Joshua, nge lolgen fa yuke girdi ngorad ni lungurad, “De t’uf e ayuw romed romad ko fare tempel ni nggu toyed ni fan ngak SOMOL ni Got romad. Bayi mang gamad e gu toyed, ni bod rogon nike yog Cyrus ni Emperor nu Persia ngomad.”

Ezra 5:13

Ma aram u lan e bin som’on e duw ni gagiyeg Cyrus ni Pilung nu Babylonia, me pi’ Cyrus e thin ni ngan toy bayay fare Tempel.

Ezra 5:3

Ma kangiyal’ nem me yib Tattenai ni governor ko ley ni ngal u Eufrates, nge Shethar Bozenai, nge pi tolang rorad nga Jerusalem ni yad be ga’ar: “Mini’ e cha’ nike yog ngomed ni ngam toyed e re Tempel ney?”

Ezra 6:7

ma dab marod mmagawon niged e maruwel riy. Mpaged e governor nu Judah nge pi’in yad be yog e thin ko pi Jew ngar toyed bayay fare Tempel rok Got ko gin immoy riy ni som’on.

Psalms 132:13

I SOMOL e ke mel’eg yu Zion; ba’adag ni nge ngongliy e tabinaw rok u rom, ya ga’ar:

Psalms 83:18

Mang e yugur nanged ni kemus ni gur e SOMOL, ni gur fare tagagiyeg Nib Th’abi Tolang u polo’ e fayleng.

Isaiah 37:16

“SOMOL, ni Gubin ma Rayag Rok, ni Got nu Israel, ni ga be par ngalang ko fare kerubim, kemus ni go’ gur Got, ni ga be gagiyegnag urngin e lung nu fayleng. I gur e mu sunmiy e fayleng nge lanelang.

Isaiah 44:28

Ke lungug ngak Cyrus, ‘Gur e bay mu gagiyeg ni pa’ag; bay mu rin’ e n’en ni gu ba’adag ni ngam rin’: bay mog ni ngan fulweg yu Jerusalem nga rogon mi ni ubung e def ko Tempel.’”

Isaiah 45:5

“I Gag e SOMOL; dakuriy yugu reb e got ngabang. Gelngim ndabisiy ni nge yag ngom e bay gu pi’ ngom, ni yugu aray rogon nda mu nangeg.

Jeremiah 10:10

Machane gur SOMOL, e gur e bin rriyul’ e Got, ni gur fare Got nib fos ni pilung ni manechibog ko pi chibog. Gur e nap’an ni ga ra damumuw, me rur e fayleng; ni dabiyag ni nge lubeg e pi nam e damumuw rom. (

Daniel 2:47

Me ga’ar e en ni pilung ngak, “Got rom e ir e th’abi ga’ u fithik’ urngin e pi got, me ir e SOMOL rok e pi pilung, me ir e ma dag e pin’en ni bay nda nnang, ni bochan e ke yag rom ni ngam weliy fan e ren’ey ni ban’en nda nnang.”

Daniel 6:26

Gu be yog ni ga’ngin e gin gu ma gagiyegnag e nge par gubin e girdi’ riy ni bay madgun fare Got rok Daniel u wun’rad ma ngu’ur liyorgad ngak: “I ir ba Got ni be par nib fos ma bayi gagiyeg ni dariy n’umngin nap’an. Ma gagiyeg rok e dariy e n’en nra rin’ me yag nni kirebnag, ma gelngin e dariy e n’en nra rin’ me mus.

Matthew 28:20

mi gimed fil ngorad rogon ni ngu’ur folgad u gubin e tin kugog ngomed ni ngu’um rin’ed. Ma dab mpaged talin ni gubin ngiyal’ ma gu bay romed, nge yan i mada’ nga tomuren e fayleng.”

Acts 10:36

Gimed manang e thin ni pi’ nge yib ngak e girdi’ nu Israel, ni be weliy fare Thin Ni Bfel’ ni murung’agen e gapas nrayag ngodad u daken Jesus Kristus, ni ir e Somol rok urngin e girdi’.

Deuteronomy 32:31

Pi to’ogor rorad e manang ni tirorad e got e ba waer, dar gelgad ni bod rogon e Got rok yu Israel.

Joshua 1:9

Mu tay u wun’um ni kugog ngom ni ngam par ni ga ba gel ma dab mu rus! Dab mu tamdag ma dabi mulan’um, ya Gag, SOMOL ni Got rom, e gu bay rom ko yungi n’en ni bay um man riy.”