Exodus 5:3 - Bible Ni Thothup

³ Me lungurow, “Fare Got rok e girdi’ ni Hebrew e kug mada’gad. Wenig ngom, mu pagmad nggu milekaggad ngalan e ted ni desert ni dalip e rran nggu pi’ed e maligach ngak SOMOL ni Got romad. Fa’anra danga’, mra pi’ e liliy ara mael nge thang owchemad.”

Exodus 5:3 Iomraidhean Croise

2 Kings 17:25

Nap’an nra pired u rom ni som’on ma dar liyorgad ngak SOMOL, ma aram me l’oeg e gamanman ni layon nge thang e fan rok boch i yad.

2 Kronicles 30:8

Dab mu gel niged lanin’med ni bod nrin’ed, ya ngam folgad rok SOMOL. Mired ko fare Tempel nu Jerusalem, ya aram e re gin’en nike tay SOMOL ni Got romed nib thothup ni manemus, ngam liyorgad ngak ya nge dabki damumuw ngomed.

Ezra 7:23

Thingar mu guyed rogon ngam pi’ed urngin ban’en ni dabisiy ni nge fanay fare Got nu tharmiy ko Tempel rok, ya ngar mu guyed rogon nge dabi damumuw ngog ara pifakag ni bay rabad nga luwag ngar manged pilung.

Exodus 3:18

Girdi’ rog e yad ra motoyil ko n’en bay mog ngorad. Ma aram e thingar mman ngak e pilung nu Egypt ni gimed e pi’in yad be yog e thin rok piyu Israel nge lungum ngak, ‘I SOMOL, ni ir e Got rok e Hebrew e ke m’ug ngomad. Wenig ngom, mu pagmad nggu milekaggad nga daken e ted ni desert ni dalip e rran ma gamad taw, nggu pi’ed e maligach ngak SOMOL ni Got romad.’

Exodus 7:16

Me lungum ngak, ‘I SOMOL, ni Got rok e Hebrew e ke l’ugeg ni nggub gog ngom, ni ngam pag e girdi’ rok ngranod ngar meybilgad ngak u lan e ted ni desert. Machane ke mada’ ko chiney ma dawor mu fol riy.

Exodus 8:1

Me ga’ar SOMOL ngak Moses, “Mman ngak Farao ni pilung ngamog ngak ni be ga’ar SOMOL, ‘Mpag e girdi’ rog ngranod nge yag nra meybilgad ngog.

Exodus 8:20

Me ga’ar SOMOL ngak Moses, “Nga mman nri kakadbul ngam mada’gow fare pilung ko ngiyal’ nike yan riy ko lul’, ngamog ngak ni be ga’ar SOMOL, ‘Mpag e girdi’ rog ngranod nge yag nra meybilgad ngog.

Exodus 8:27

Thingar gu milekaggad ni dalip e rran i yan ngalan e ted ni desert nggu pi’ed e maligach ngak SOMOL ni ir e Got romad, ni bod rogon nike yog ngomad ni nggu rin’ed.”

Ezekiel 6:11

I SOMOL ni Th’abi Tolang e ga’ar, “Mu pirdi’iy ngorngorem mag fafalig nga but’! Mu yor nag e gafgowan’ ni bochan gubin e kireb nge pin’en nib sunsonogor nike rin’ piyu Israel. Bay ram’ad u tan e mael ara uyngol ara liliy.

Levitikus 26:25

Bay gu pag e mael nge yib ngomed ni nge gechig nagmed ya kam th’abed fare m’ag u thildad, ma fa’an gimed ra mukun ngalan e pi binaw romed ni fan e nge dabi buch ban’en romed, ma bay gu pi’ e m’ar ndariy falayyin nge yib nga fithik’med, ma bay mpired nike math e liyeb ngomed mi gimed m’ing ngak e to’ogor romed.

Deuteronomy 28:21

Bayi pi e m’ar nge yib ngomed nra chuw bmit me taw bmit nge taw ko ngiyal’ ndakuriy ta’ab gimed ni ku ra magey u lan fare nam nike chugur ni ngam tafned.