Exodus 26:1 - Bible Ni Thothup

¹ “Mu kum ngongliyed langgin e Tent rog nib Thothup nga ragag yang i mad ni linen nib wech nni uneg bunu’en e saf ngan lifith nga fithik’, ni kan k’ad nib ra’en mak’ef, purple, nge row. Mi gimed sisyunag ya’an bogi kerubim nga daken.

Exodus 26:1 Iomraidhean Croise

2 Samuel 7:2

Ma aram me ga’ar David ni Pilung ngak Nathan ni profet, “Mu sap! Gu be par ko naun ni ren ni cedar e ni fanay ngay, machane fare Kahol ko M’ag rok Got e bay u lan ba tent!”

1 Kings 6:29

Rungrung ko fa bin ni ba ga’ e senggil nge fa bin Th’abi Thothup e senggil e ka ni ker ya’an e kerubim ngay ni bay pon, nge ya’an e gek’iy ni palm, nge floras.

1 Kronicles 17:1

Ere chiney e be par David u naun rok ni tafen e pilung. Me yan i reb e rran me l’oeg e pong nge yan ngak Nathan ni profet me ga’ar ngak, “Gu be par u lan ba naun nni toy ko ren e gak’iy ni cedar, machane fare Kahol ko M’ag rok SOMOL e kan tay u lan ba tent!”

1 Kronicles 21:29

Ma fare Tent u p’eowchen SOMOL ni ngongliy Moses u daken e ted, nge fapi altar ni yima pi’ e maligach ni mo’oruf riy e go’ kabay ko gin tagil’ e meybil u Gibeon e ngiyal’nem;

Exodus 25:18

Mi gimed ammanag e gol ngeb ya’an l’agruw i Kerubim riy,

Exodus 25:4

nge mad nib wechwech, nge bunu’en e saf nib ra’en mak’ef, nge purple, nge row, nge mad nni lifith ko bunu’en e kaming;

Exodus 25:8

Ma pi girdi’ nir e thingar ra ngongliyed ba Tent nib thothup ni tagal’ig, ya nge yag ni ug par u fithik’rad.

Exodus 26:2

Ngam ngongliyed e yungi mad ney ni ta’reb ga’ngin, ra bang ma ragag nge aningeg e yard n’umngin, ma l’agruw e yard radan.

Exodus 26:31

“Min ngongliy bang i kateng ko mad nib wech ni kan ngongliy u bunu’en e saf kan k’ad ko ra’en mak’ef, purple, nge row. Minip’ ya’an bogi kerubim nga daken.

Exodus 26:36

“Min ngongliy bangi kateng ni nge mang mban fare Tent. Mu ngongliyed e re gi kateng nem ko mad ni wech ni kan ngongliy u bunu’en e saf ni kan k’ad ko ra’en mak’ef, purple, nge row, ma kan sisyunag daken ni nunuw riy.

Exodus 31:7

fare Tent u p’eowcheg, nge fare Kahol ko M’ag nge upongen, nge gathon fare Tent,

Exodus 35:11

ni aram fare Tent, nge upong riy, nge pi lam riy nge pi chayam riy, nge pi ralap riy, nge pi rumog riy nge pi ayan;

Exodus 35:35

Ke pi’ e salap ngorow u gubin mit ban’en ni yima ker ya’an nga daken e malang, nge rogon i yoloy ya’an ban’en, nge rogon i lifith e mad ni wech; nge bunu’en e saf ni kan k’ad ko ra’en mak’ef, purple, nge row; nge ku boch e mad. Yow manang rogon i muruwliy gubin e maruwel, ma yow ba salap i yoloy ya’an, nge ker ya’an ban’en.

Exodus 35:6

nge mad ni wech; fa bunu’en e saf ni kan k’ad ke ra’en mak’ef, purple, nge row; nge mad nni ngongliy u bunu’en e kaming;

Exodus 36:35

Ra ngongliyed bangi kateng ko mad ni wech miyad lifith bunu’en e saf u fithik’ nib ra’en mak’ef, purple, nge row, miyad sisyunag ya’an e pi kerubim nga daken.

Exodus 39:3

Ra pirdi’iyed e gol ngari gilgith miyad th’ab nrib achig radan ngar yin’ed u fithik’ fare gi mad ni wech nge nga fithik’ fapi bunu’en e saf ni kan k’ad nib ra’en mak’ef, purple, nge row.

Exodus 40:2

“Bin m’on e rran ko bin som’on e pul e ngam suweg ngalang fare Tent u P’eowchen SOMOL.

Numbers 3:25

Yad e ba mifan e maruwel ko fare Tent ngorad, ni upong u langgin, nge upong u wuru’, nge fagi kateng u langan e mab,

Numbers 4:25

fare Tent, upong riy u langgin, upong riy u wuru’, nge fare gi keru’ e gamanman ni bfel’ ni kan upunguy nga daken, nge kateng ni fen langan e mab riy,

John 1:14

Re Thin nem e yib i ngal’ nib girdi’ nge yib i par ngodad. Kad guyed fel’ngin nge feni gol nge feni yul’yul’. Ireray fel’ngin ni pi’ e Chitamngin ngak, ya kari maagirag rok.

John 2:21

Machane re Tempel ni ba’aram ni be weliy Jesus murung’agen e aram downgin.

Hebrews 8:2

Be ngongliy e maruwel ko Prist ni Th’abi Ga ko Gin Th’abi Thothup, ni aram e lan e bin riyul’ e tent ni Somol e ngongliy rogon, ma gathi girdi’ e ngongliy rogon.

Hebrews 9:2

Ni toy ba tent, ma bin ngam’on e senggil nike lunguy fa Gin’en nib Thothup e ir e bay fare magal u lan, nge fare tebel ni bay e flowa u daken ni kan pi’ ngak Got.

Hebrews 9:9

Ren’em e be yip’ fan e re ngiyal’ i n’ey ni gadad bay riy, ni fan e ren’em e tin ngan pi’ ngak Got nge gamanman ni yibe li’ ngan pi’ ni maligach ngak Got, e dabiyag ni nge pingeg laniyan’ e pi’in yad be tayfan ma yad be meybil ngak Got ngar pired ni kar yal’uwgad u mit Got.

Revelation 19:8

Ya ka ni pi’ mat’awun ni nge yin’ e mad nib be’ech ma ba wechwech ni be galgal ram’en.” (Mad nib wechwech e ireram e ngongol nib mat’aw ni i rin’ e pi’in ni girdi’en Got.)

Revelation 21:3

Mu gu rung’ag ba lam ni ba ga’ ni be non u tagil’ Got ni be ga’ar, “Chiney e keb i par tafen Got nga fithik’ e girdi’! Bayi par rorad, ma bay ra manged girdi’en. Mi Got e bay i par rorad, mi ir e bayi mang Got rorad.