Exodus 24:3 - Bible Ni Thothup

³ Me yan Moses nge weliy ngak e girdi’ urngin e tin ngan rin’, nge urngin e pi motochiyel rok SOMOL. Me fulweg urngin e girdi’ nta’abyay ni lungurad, “Bay gu rin’ed gubin e tin keyog SOMOL ni nggu rin’ed.”

Exodus 24:3 Iomraidhean Croise

2 Kronicles 15:14

Miyad micheg u fithingan SOMOL nib ga’ lamrad ni yad ra fol ko re m’ag nem, miyad tolul miyad thoy e rappa.

2 Kronicles 15:15

Gubin e girdi’ nu Judah nra felfelan’gad ni bochan e ka ra ngongliyed e re m’ag ney u polo’ i gumircha’rad. Ma rib fel’ u wan’rad ni yad ma liyor ngak SOMOL, miyad fel’ u wan’ SOMOL me pi’ e gapas ngorad u gubin yang.

Psalms 50:5

Be ga’ar, “Mu kunuy ngog e girdi’ rog nib yul’yul’, ni pi’in nra ngongliyed ba m’ag u thilmad ko maligach nra pi’ed.”

Exodus 19:8

Me fulweg fapi girdi’ ni gubin nta’abyay ni lungurad, “Bay gu rin’ed urngin e tin keyog SOMOL.” Me weliy Moses e tin keyog fapi girdi’ ngak SOMOL.

Exodus 24:2

Kemus ni gur e ga ra yib nga to’obeg; ma dariy bagyad e pi’in kar uned ngom nra yib nga to’obeg, ma tin ke magey e girdi’ e dab ra uned nga daken e burey.”

Exodus 24:7

Me fek fare ke babyor ni babyoren fare m’ag u thilin Got nge piyu Israel nge be’eg ngak piyu Israel ni ba ga’ laman, me ga’ar piyu Israel, “Bay gu rin’ed urngin e tin keyog SOMOL ni nggu rin’ed; bay gu folgad rok.”

Jeremiah 11:4

Irera’ fare m’ag ni gu ngongliy u thilmad e pi chitamangirad u nap’an ni gu chuwegrad u Egypt, ni fare nam ni bod ba nifiy ni be daramram ngorad. Gog ngorad ni ngar folgad rog miyad rin gubin e tin kugog ni ngan rin’. Gog ngorad ni fa’an yad ra fol, ma yad ramang girdi’ rog mu gu mang Got rorad.

Jeremiah 34:13

ni Got nu Israel, e yog ngog ni ngugog ko girdi’ ni nge lungug: “Gu ngongliy ba m’ag u thilmad e pi chitamangimed u nap’an ni gu chuwegrad u pa’ yu Egypt nggu pithigrad ko sib ni ur ted. Mu gog ngorad ni

Haggai 2:5

Nap’an nimbad nga wuru’ yu Egypt, mug micheg ngomed ni gubin ngiyal’ ni gu bay romed. Ere kug bay romed, dab mu rusgad.

Malaki 2:10

Gathi gadad gubin ni ta’reb e chitamangidad? Gathi ta’ab Got e sunmiydad ni gadad gubin? Ere mangfan ni gadad be th’ab e tin ni kad micheged ngodad ni ngad rin’ed, ma mangfan ni gadad be fananikay fare m’ag ni ngongliy Got u thilrad e pi chitamangidad kakrom?

Deuteronomy 11:1

“Thangri t’uf romed SOMOL ni Got romed, mi gimed fol ko urngin e motochiyel rok ni gubin ngiyal’.

Deuteronomy 4:1

Me ga’ar Moses ngak e girdi’ nu Israel, “Ngu’um folgad u urngin e pi motochiyel ni ba’aray ni nggu fil ngomed, ni ngu’um pired ni dabi buch ban’en romed, mi gimed par u lan fare nam ni SOMOL ni Got rok pi chitamangimed e bayi pi’ ngomed.

Deuteronomy 4:45

Nga tomuren ni karbad nga wuru’ yu Egypt ni yad bay ngalan e loway u ngek ko lul’ nu Jordan, ni bay fare binaw ni Bethpeor nga barba’ riy, me pi’ Moses e pi motochiyel ney ngorad. Gin’ey e immoy ko gin ba milsuwon ngak Sihon ni Pilung ko Amorite, ni ir e i gagiyeg u lan fachi binaw nu Heshbon. I Moses nge girdi’ nu Israel e ra gelgad ngak u nap’an nra chuwgad u Egypt.

Deuteronomy 4:5

“Kug fil ngomed urngin fapi motochiyel nrogon ni yog SOMOL ni Got rog ngog ni nggu fil ngomed. Ngu’um folgad riy u lan e re nam ni ba’aram ni ngam koled ngam pired riy.

Deuteronomy 5:1

Me pining Moses urngin fapi girdi’ nu Israel nga ta’bang me ga’ar ngorad, “Girdi’ nu Israel, motoyilgad nga urngin e pi motochiyel ni nggu pi’ ngomed e daba’. Mu filed ma nopa’med ni ngu’um folgad riy.

Deuteronomy 5:31

Machane, gur Moses e ngam par rog u roy, ma bay gu pi’ urngin e pi motochiyel rog ngom, nge urngin e tin kug taychilen. Mu fil e pin’ey ngak e girdi’, ya nge yag ni ngu’ur folgad riy u lan fare nam ni bay gu pi’ ngar tafned.’

Deuteronomy 6:1

“Irera’ urngin fapi motochiyel ni SOMOL ni Got romed e keyog ngog ni nggu fil ngomed. Ngu’um folgad riy u lan e re nam ni ba’aram ni ngam marod ngay ngam pired riy.

Joshua 24:21

Me ga’ar piyu Israel ngak Joshua, “Danga’! Ya bay ug pired ni gamad be pigpig ngak SOMOL.”

Joshua 24:22

Me ga’ar Joshua ngorad, “Gimed e kam manged mich romed ko re bugithin nir ni kam duwgiliyed ni ngu’um pigpiggad ngak SOMOL.” Me lungurad, “Er rogon, kug pired ni gamad e mich riy.”

Joshua 24:24

Me ga’ar piyu Israel ngak Joshua, “Bay ug pigpiggad ngak SOMOL ni ir e Got romad, mu ug folgad ko tin keyog ni nggu rin’ed.”