Exodus 16:3 - Bible Ni Thothup

³ ni lungurad ngorow, “Fa’an mang e li’mad SOMOL nggu m’ad u Egypt ma kabfel’. Yu rom e gamad ma sabol riy ko th’ib nib sug ko ufin ma gamad kay urngin e ggan ni gamad ba’adag. Machane kam fekew gamad i yib ngalan e ted ni desert ni nggu m’ad nriyul’ ko uyongol.”

Exodus 16:3 Iomraidhean Croise

2 Samuel 18:33

Me ri kireban’ David ni Pilung. Me yan ngalang ko fare senggil ni bay u daken e chigiy ko garog nge yor. Ma nap’an ni be yan ngalang ma be yor ni be ga’ar, “Absalom ni fakag! Absalom ni fakag! Fa’an mang e gu wan nga luwam nggum’ ma kabfel’! Absalom ni fakag! Absalom ni fakag!”

BABYOR NI JOB 3:1

Me mang Job e non nge yibil ni nge buch wa’athan e rofen nni gargaleg riy.

BABYOR NI JOB 3:10

Mu bucheg wa’athan e re nep’ nem ni bochan e pag ngan gargel nigeg, me teg nga fithik’ e buchbuchan’ nge biligt’ay e gafgow.

BABYOR NI JOB 3:20

Mang ni nge par e girdi’ ngi i gafgow? Mang ni ngan pi’ e tamilang ngak e girdi’ ni be par u fithik’ e kireban’?

Psalms 107:5

ra pired ni karm’ad ko bilig nge belel, ndakur fineyed ni ku yad ra fos.

Psalms 78:19

Ur nonod nib togopluw ngak Got, ni be lungurad, “Rayag rok Got ni nge yagnag e ggan u daken e ted ni desert?

Psalms 78:25

Ere ra ked gan e pi engel, me pi’ Got ngorad urngin ni yad ba’adag.

Exodus 14:11

Me lungurad ngak Moses, “Bochan e dariy e taliw ko yam’ u Egypt ma aram fan ni kam fekmad i yib ngaray nga daken e ted ni desert ni nggu m’ad? A mu guy e n’en ni kam rin’ ngomad ni bochan e kam fekmad nga wuru’ yu Egypt!

Exodus 17:3

Machane kari gel e belel ngak e girdi’, mu ur gun’gun’ niged Moses. I lungurad ngak, “Mangfan ni mfekmad nga wuru’ yu Egypt? Bochan e ngam li’mad nriyul’ ko belel, nge pifakmad, nge gamanman romad?”

Exodus 2:23

Me munmun me yim’ e pilung nu Egypt. Machane piyu Israel e kuyad be gowol ko gafgow ni yibe tay ngorad ko sib niyad be tay rok piyu Egypt, miyad yornag e ayuw ngalang. Me yan lamrad ngalang ngak Got,

Exodus 5:21

me lungurad ngorow, “I SOMOL e be guy e tin kam rin’ew, ma bayi gechig nagmew ni bochan e gimew e kam k’arngew i Farao nge pi tolang ni bay u tan pa’ kar fananikayed gamad. Gimew e ka mu k’arngew ni nge yib tapgin ni ngan thang e fan romad.”

Jeremiah 2:6

I m’ay fag u wun’rad, ni yugu aram rogon ni gu chuwegrad u tan pa’ yu Egypt nggu pow’iyrad i yan u daken e ted, u lan ba nam nib sug yungi desert riy nge bogi low, nib fengfeng ma ba sug ko maad’ad ndariy be’ nma par riy, ma der milekag be’ riy.

Jeremiah 44:17

Gamad ra rin’ gubin e tin kugogned ni gamad ra rin’. Bay ug pi’ed e maligach ngak e got romad, ni fare Queen nu Tharmiy, bay gu pu’oged e wayin ni aram e ba maligach ngak, nri bod ni ug rin’ed nge pi chitamangimad, nge pilung romad nge pi tayugang’ romad u lan e yochi binaw nu Judah ngu lan e yupa’ i kanawo u Jerusalem. Ma aram me par ganmad nike yo’or, ma kefel’ rogmad, ma dakriy e oloboch e pulwonmad.

Lamentations 4:9

Pi’in karm’ad u tan e mael e kabfel’ boch ko pi’in fin ram’ad, nib sasag’al ni li’rad e bilig, ya dariy e ggan ni aywegrad ngar pired ni yad bfos.

Numbers 11:15

Fa’anra irera’ e n’en ni ngam rin’ ngog, me ere mu runguyeg ngam thang e pogofan rog nggu chuw ko gafgow.”

Numbers 11:20

ya reb e pul ni ngam ked ngan chichingeg nga owchemed ni kam dabuyed gol’ochngin, ni bochan e kam pi’ed keru’med ngak SOMOL ni be par u fithik’med ma gimed be gun’gun’nag ma be lungumed a susun e dab mu chuwgad u Egypt.”

Numbers 14:2

Ma yad be non nib togopluw ngak Moses nge Aron ni be lungurad, “Fa’an mang e da m’ad u Egypt ara u roy u daken e ted ma kabfel’!

Numbers 14:3

Mangfan ni nge fekdad SOMOL i yan ngalan e re nam nem? Ya yira li’dad u fithik’ e mael, min fek pi le’engidad nge pi fakdad. Gathi kabfel’ ni gadad ra sul nga Egypt?”

Numbers 16:13

Mog dawori fel’ u wun’um ni kam fekmad nga wuru’ yu Egypt nib nam nib yong’ol e but’ riy ngamub mu thangmad ngaray u lan e gi ted ney? Ere gur e ngkum par nib ga’ lungum romad?

Numbers 16:41

Me reb e rran riy me tabab yu Israel i gun’gun’nag Moses nge Aron ni be lungurad, “Kam thangew e pogofan rok boch e girdi’ rok SOMOL.”

Numbers 21:5

miyad non nib togopluw ngak Got nge Moses ni lungurad, “Mangfan ni mfekmad u Egypt ni nggu m’ad u roy u daken e re gi ted ney ndariy e ggan nge ran riy? Ya kar gu dabuyed e tiney e ggan ni gamad be kay!”

Acts 26:29

Me fulweg Paul ni ga’ar, “Demturug ko ba ngoch nap’an ara ba n’uw nap’an, ma meybil rog ngak Got e gur nge gimed urngin e pi’in gimed be motoyil ngog e daba’ e manga yugu mboded gag — kemus ni pi chen ney e dabug ni nga ni m’ag ngomed!”

1 Korinth 4:8

Urngin e tin ni nge yag ngomed e go’ ke yag ngomed! Yigo’o ke yo’or ban’en romed! Kam pilunggad ma gamow e dawor! Ku gum’ ni bochan ni gomanga errogon ma rriyul’ ni kam manged bogi pilung, nge yag ni gu unew ngomed ko pilung.

2 Korinth 11:1

Manga yugu mu gumaen’ niged gimed rog, ni yugu ra kugog e thin nike dake thin ko balyang. Wenig ngomed!

Deuteronomy 28:67

Gubin ban’en ni gimed be guy e bayi t’on gumircha’med riy ko marus. Gubin e kakadbul ma bay um athpeged ni nge blayal’, mra blayal’ ma bay um athpeged ni nge kadbul.

Deuteronomy 8:3

Me pagmed ngam pired ndariy ban’en ni gimed ra kay, me pi’ e manna ngomed ni ngam ked, nib ggan ni dawor mu ked bi’id ma ku arogon e pi chitamangimed ni kakrom. I rin’ e ren’ey ngomed ni fan e nge fil ngomed ni gathi go’ flowa e ma tay e girdi’ nib fos, machane gubin bug e thin ni yib u langan SOMOL e ra tay e girdi’ nib fos.

Joshua 7:7

Me ga’ar Joshua, “SOMOL nib Th’abi Tolang! Mangfan ni mu fekmad nggu th’abed fare lul’ ni Jordan nga ba’ney? Mog, bochan e ngam pi’mad ngak e pi Amorite, ngar thanged owchemad? Mangfan ni yug da gu pired u ba’nem e Jordan?