Ester 9:5 - Bible Ni Thothup

⁵ Ere pi Jew e yag ni ngar rin’ed e tin yad ba’adag ngak e pi to’ogor rorad. Ra chamgad ko saydon ngar li’edyad ngarm’ad.

Ester 9:5 Iomraidhean Croise

Nehemiah 9:24

Ra gelgad ko nam nu Kanaan; mu gel ngak e girdi’ nma par u rom. Mpi’ mat’wun e tirom e girdi’ e ngiyal’nem ni ngar rin’ed e tin yad ba’adag ngak e girdi’ nge pi pilung ko nam nu Kanaan.

Ester 3:13

Girdi’en e mil e ra feked e yungi babyor ney nga gubin yang e nug u lan gil’ilungun fare pilung. Bay riy ni kanog ni rofen ni ragag nge dalip ko pul ni Adar e ngan thang e fan rok gubin e Jew, ni fel’ yangren nge pilbithirl, nge ppin nge bitir. Yira li’rad ko saydon ni dab ni runguyrad mi ni fek rorad e tin nib milfan ngorad.

Ester 8:11

Bay ko yungi babyor nem ni be yog fare pilung ko pi Jew, nra yib e cham ngorad, ma ngar ayuweged e pogofan rorad. Demturug e re mit i girdi’ u lan fa yungi nug ni yad ra yib ni cham ngak e Jew, fa ngak pifakrad, fa ppin rorad, mra yag ni ngar chamgad ngorad ngar thanged owcherad; miyad fanay e tirorad.

Ester 9:6

Go’ lan yu Susa ni aram fare binaw ntochuch ma 500 e girdi’ ni thang e pi Jew e pogofan rorad.

Psalms 92:12

Pi’in nib mat’aw e bay ra dommalgad ni bod e gek’iy ni palm; yad ra ilal ni bod e cedar nu Lebanon.

Jeremiah 18:21

Machane chiney SOMOL, e gu be wenig ngom ni ngam pag pifakrad nge math e fan rorad ni uyongol; ma ga pagrad ngan li’rad u fithik’ e mael. Mu pag e pi’in ni ppin nge thay figirngirad nge pifakrad u pa’rad; mu pag e pi pumo’on ngarm’ad ko liliy, ma ga pag e pi’in ni pagel ngan li’rad u fithik’ e mael.

2 Thessalonika 1:6

Ya Got e bay rin’ e tin nib mat’aw: ni bayi fek e gafgow nga daken e pi’in yad be gafgow nagmed,