Ester 9:4 - Bible Ni Thothup

⁴ Go’ nnang u lan gil’ilngun fare pilung ni ngiyal’nem e ke ga’ lungun Mordekai u lan tafen e pilung ma ka be ga’ lungun i yan.

Ester 9:4 Iomraidhean Croise

2 Samuel 3:1

Bun’uw nap’an ni i cham e yu raba’ i salthaw nma ayweg e tabnaw rok Saul nge tin nma ayweg David. Nap’an ni be gel David i yan, ma aram e pi’in yad be togopluw ngak e yad be waer i yan.

1 Kronicles 11:9

David e i gel gelngin i yan, ni bochan SOMOL ni Gubin ma Rayag Rok ni bay rok.

1 Kronicles 14:17

Me garer bugwan David u gubin yang nib sorok, me pingeg SOMOL gubin e nam ngar rusgad ngak.

Ester 10:2

Urngin e pin’en ni i rin’ ngi i gilbugwan riy, nib mu’un ngay murung’agen Mordekai ni tolangnag e liw rok, e go’ kan yoloy ngalan Chepin e Pilung nu Persia ngu Media.

Psalms 1:3

I ir e bod ba ke gek’iy nike tugul u to’oben ba lul’; gubin ngiyal’ nma k’uf ko ngiyal’ nra taw ngay ni nge k’uf, ma der mororoy yuwan. Urngin e tin ma ngongliy e ma yan i aw ni bfel’.

Psalms 18:43

Kam ayuwegneg u pa’ e girdi’ ni tatogopluw, kam teg ni nggu gagiyegnag e pi nam; ni bogni’ ni dagnangrad e kar pired e chiney nga tan pa’ag.

Psalms 92:13

Yad bod e gek’iy nni yung ngalan e naun rok SOMOL, ni be dommal u lan e Tempel rok e Got rodad,

Exodus 11:3

Me gagiyegnag SOMOL piyu Egypt ngar m’inggad nga tan yu Israel. Ya pi tolang nge girdi’ nu Egypt e ra ted Moses ni ir be’ nrib sorok.

Proverbs 4:18

Fare pa’ i kanawo’ nma yan e girdi’ nib mat’aw u daken e bod e yal’ ni nge m’ug, ni be ga’ ra’en i yan nge mada’ ko ngiyal’ ni kari rran.

Isaiah 9:7

Gelngin lungun nib pilung e bay i ga’ i yan; gin bay i gagiyeg riy e yugu bay i par u fithik’ e gapas. Bayi gagiyeg ni ir e ke yan nga luwan David ni Pilung, ma gagiyeg ni bay i tay e mmat’aw ma ba yal’uw, e chiney nge yan i mada’ ko tungun. I SOMOL ni Gubin ma Rayag Rok e ke turguy ni nge rin’ urngin e pin’ey.

Zefaniah 3:19

Arme nge taw ko fa ngiyal’! Ni bay gu gechignag e pi’in ur gafgow naged gimed; Bay gu ayweg e pi’in nib mugutgut mug fulweg e pi’in yad ba kalbus nga taferad. Bay gu pingeg e tamra’ rorad ko tayfan, ma gubin e nam ni bay rogned e sorok ngorad.

Matthew 4:24

Me wear murung’agen u daken e nam nu Syria ni ga’ngin, ma aram mi i fek e girdi’ i yib ngak urngin e pi’in bay e liliy rorad ni gubin mit, nge pi’in kar gafgowgad u urngin mit e gafgow; ni girdi’ nike ying e mo’onyan’ ngorad, nge girdi’ ni bay e m’ar rorad ni epilepsy, nge pi’in ndariy gelngin bang u dowrad, ma yigo’ gol nagrad Jesus ko liliy ni yad gubin.

Joshua 6:27

Ere SOMOL e i par rok Joshua, me gilbuguwan u daken e re nam nem ni ga’ngin.

1 Samuel 2:30

I gag, fare SOMOL ni Got rok piyu Israel, e gu micheg kakrom ni girdi’ nu tabinaw rom nge kerom e girdi’ e bay ur pigpiggad ngog ni prist ni gubin ngiyal’. Ere chiney e gu be yog ni dabki par riy ni aram rogon! Bay gu tay fan e pi’in yad be tay fag, ma bay gu darifannag e pi’in yad bfananikeg.