Ester 9:3 - Bible Ni Thothup

³ Gubin e pi tolang nu lan e yungi nug i yan, nge pi governor, nge pi tayugang’ ko am, nge pi’in owchen e en pilung e go’ ra ayuweged e pi Jew nem, ni bochan e go’ yad be tamdag ngak Mordekai.

Ester 9:3 Iomraidhean Croise

Ezra 2:2

Pi’in nra uned ngorad e Zerubbabel, Joshua, Nehemiah, Serayah, Reelayah, Mordekai, Bilshan, Mispar, Bigvai, Rehum, nge Baanah. Ba’aray fithingan e yuke girdi’ nu Israel, nge urngin e girdi’ u bakan ngu bakan nra sulod:

Ezra 8:36

Mu kura feked fare gi babyor nike yoloy fare pilung ke pi’ ngorad ngar pi’ed ngak e pi governor nge pi tayugang’ u ley ni ngal e nug nu Eufrates, ma aram me pi’ e pi cha’ney e ayuw ngak fapi girdi’ nge fare Tempel.

Ester 3:12

Aram, me rofen ni ragag nge dalip ko bin m’on e pul me pining Haman e pi tayol rok e en pilung nge yog ngorad ni ngar yoloyed e babyor ni ngan pilyeg e thin riy nga gubin mit e thin ni yima yog u ga’ngin gil’ilungun fare pilung, mi ni pi’ nge garer ko gubin e pi’in yad ma gagiyeg, nge pi governor, nge pi tolang ko salthaw. Yungi babyor nem e fithingan fare pilung i Xerxes e ni tay nga daken, mi ni pag e hung rok nga daken ni fare luwaw rok e ni fanay ngay.

Ester 8:17

Mu lan urngin e pi binaw nge pi yungi nug nnap’an ni yira be’eg fare thin nike yib rok e en pilung, me tabab e pi Jew ko madnom nge mur ni kar felan’gad. Ma aram me yo’or e girdi’ ko taliw rok e pi Jew e ngiyal’nem ni bochan e kar rusgad ngorad.

Ester 8:5

“Fa’anra bfel’ u wun’um i gur pilung ma fa’anra gub t’uf rom, ma ga be finey nib mat’aw, ma wenig ngom mu yoloy bang e babyor ngam siyeg e tin keyog Haman nib mo’on ni fak Hammedatha ni owchen Agag, ni ngan rin’ ni fan e nge mathmit gubin e Jew ni bay u tan gil’ilungum.

Ester 8:9

Pin’ey e buch ko rran ni rliw’ nge dalip ko pul ni dalip ni fare pul ni Sivan. Me pining Mordekai fapi tayol rok fare pilung me yog ngorad ko mang e ngar yoloyed ngak e pi Jew nge ngak e pi governor, pi tolang ko am, nge pi tayugang’ u gubin fa 127 yang i nug ni tabab u India me yan i mada’ nga Sudan. Fa yung i babyor e go’ ni yoloy nthin rok e pi girdi’ ko yungi nug nem nge yol rorad.

Daniel 3:2

Me pi’ e en ni pilung e thin ni nge mu’ulung urngin e pi tolang ni bay u tan pa’, ni pi governor, nge pi’in yad migid ngorad, nge pi pilung ko pi binaw, nge pi lolugen e yu raba’ i maruwel, nge pi’in nib mil fan e salpiy ko pi binaw ngorad, nge pi’in ni tapuf oloboch, nge urngin e tin ni kabay e pi tolang ko yungi nug. Yad gubin ni ngarbad ngar madnom naged fare liyos ni yog Nebukadnezzar ni Pilung ni ngan n’uf u rom.