Ester 9:27 - Bible Ni Thothup

²⁷ me tay e pi Jew nib motochiyel rorad nge pi’in owcherad, nge pi’in ra pachegedyad ko Jew, ni gubin e duw ko gali rran nem, ma yira madnom nrogon nike yog Mordekai ni ngu’un rin’.

Ester 9:27 Iomraidhean Croise

Ester 8:17

Mu lan urngin e pi binaw nge pi yungi nug nnap’an ni yira be’eg fare thin nike yib rok e en pilung, me tabab e pi Jew ko madnom nge mur ni kar felan’gad. Ma aram me yo’or e girdi’ ko taliw rok e pi Jew e ngiyal’nem ni bochan e kar rusgad ngorad.

Ester 9:20

Me tay Mordekai e pin’ey nga babyor nge pi’ babyoren nge yan ngak gubin e pi Jew ni tin nib chugur nge tin nib palog ni yad ma par ko fare nam nu Persia,

Ester 9:21

ni be yog ngorad ni ngu’ur madnom niged e rofen ni ragag nge aningeg fane pul nge rofen ni ragag nge lal fane pul ko pul ni Adar ni gubin e duw.

Ester 9:28

Mi ni duwgiliy ni gubin e pi tabnaw rok e pi Jew u gubin e nam nge gubin e mfen i yan nga m’on e dab ra paged talin ni ngu’ur madnom niged fa gali rran ni Purim ni dariy n’umngin nap’an.

Psalms 78:7

Ni aray rogon ma aram e bay ra ted e pagan’ rorad nga daken Got ma dab ra paged talin e n’en ke rin’, ma gubin ngiyal’ ni bay ra ted u gil’ e tin ke ta’chiylen.

Isaiah 2:3

ma girdi’ ko pi nam nem e bayi lungurad, “Ngdarod ko fare burey rok SOMOL, ko Tempel rok fare Got nu Israel. Ya ngad filed e n’en ni ba’adag ni ngad rin’ed; mu u darod ko yu pa’ i kanawo’ nike turguy. Ya thin rok SOMOL e yib u Jerusalem; u Zion e non riy ko girdi’ rok.”

Isaiah 56:3

Girdi’ nu bang ni karbad ra pethgad nga girdi’en SOMOL e dabi ga’ar bagyad, “I SOMOL e dabi pageg nggu’un ko girdi’ rok nggu liyorgad ngak.” Ma reb e eunuch e dabi leamnag ni bochan e dabki fakay e bitir, ere dariy liben me mang reb i girdi’en Got.

Isaiah 56:6

Me ga’ar SOMOL ko pi girdi’ nu bang ni kar manged boch e girdi’ rok, nib t’uf rorad miyad ma pigpig ngak, ma yad ma tay fan e Sabbath miyad ba yul’yul’ ko fare m’ag rok:

Ezekiel 16:61

Bay i yib ngan’um e gafarig rom, ma bay mu tamra’ ngay ko ngiyal ni bay i sul gal walagem ni ppin ni en ni nganni’ nge bin wen. Bay gu tay row ni bod fakam ni ppin, ni yug aray rogon ni gathi bang ko m’ag u thildow.

Zekariah 2:11

Re ngiyal’ i n’em e ba yo’or e nam nra yib ngak SOMOL ngar manged girdi’en. Bayi par u fithik’med, mi gimed nang ni ir e ke l’oegeg kugub ngomed.

Zekariah 8:23

U lan e pi rran nem e bayib ragag e girdi’ nu bang ra ga’argad ngak reb e Jew, ‘Gamad ba’adag ni nggu uned ko gin ngam man ngay, ni bochan e kug rung’aged ni bay Got rom.’”

Numbers 15:15

Ma chiney i yan ngaram e ta’bogi gafal e ngam faned nge girdi’ u boch e nam ni yad ma par u fithik’med. Ta’reb rogomed nge pi cha’nem u mit SOMOL;

Deuteronomy 5:3

gathi go’ fan ngak e pi chitamangidad, ma ku fan ngodad gubin e girdi’ ni kagdad bfos e biney e rran.

Joshua 9:15

Me fal’eg Joshua ba tha’ ni ngar tafgergad e girdi’ nu Gibeon ma ngan pagrad ni dab nli’rad. Pi’in yad ma yog e thin ko ulung nu Israel e ra dugliyed ni ngar ted e ra tha’ nem nib mich.

Judges 11:40

nma yan e pi’in ppin nu Israel nga daken e ted ni aningeg e rran u reb e duw ngu’ur yor niged fare pin ni fak Jefthah nu Gilead.

1 Samuel 30:25

Me tay David e ren’ey nib motochiyel, ma aram me par ni ban’en nma rin’ yu Israel.