Ester 9:22 - Bible Ni Thothup

²² Irera’ e pi rran ni thang pi Jew owchen e pi to’ogor rorad; irera’ e re pul ni meyor nge marus ni un tay e thil nge yib e felfelan’ nge fel’ laniyan’ nga luwan. Minog ngorad ni ngu’ur madnom niged e gali rran ney ni yad be mur u fithik’ e felfelan’, ma yad be pi’ rorad e ggan ni tow’ath ma ngkur pi’ed boch ko pi’in gafgow.

Ester 9:22 Iomraidhean Croise

Ester 9:19

Irera’ fan ni pi Jew ni yad ma par u lan yuchi binaw nib achig e yad ma tay e rofen ni ragag nge aningeg e rran ko pul ni Adar ni yaran e falfelan’, nge mur, ma yad be thilyeg e tow’ath rorad ni ggan.

Ester 9:21

ni be yog ngorad ni ngu’ur madnom niged e rofen ni ragag nge aningeg fane pul nge rofen ni ragag nge lal fane pul ko pul ni Adar ni gubin e duw.

Ester 9:23

Ma aram me fol e pi Jew ko tin keyog Mordekai ni ngar rin’ed, me par fare madnom nib yalen ni yima rin’ ni gubin e duw.

Psalms 103:2

Lanin’ug, mu pining e sorok ngak SOMOL, ma dab mu pag talin feni gol.

Psalms 149:7

ngar li’ed e pi nam miyad gechignag e girdi’;

Psalms 30:11

Ka mu pilyeg e kirban’ rog kemang ba churu’ ni felfelan; ka mu chuweg e gafgow’an rog, ma ka mu longbiyeg ko felfelan’.

Psalms 30:12

Ere dab gu th’ab gulungag; bay gu tangnag e sorok ngom. SOMOL, I gur e Got rog; Bay gu pining e magaer ngom ni manemus.

Psalms 37:15

machane saydon rorad e ir e bay nli’rad ngay, min t’et’ar e gat’ing rorad.

Isaiah 14:3

I SOMOL e bayi pithig yu Israel ko amith nge gafgow nge maruwel nib gel ni un motogel ngorad ni ngar rin’ed.

Zekariah 8:19

“Fare pag abich ni yima tay ko bin ni aningeg, lal, medlip, nge bin ragag e pul e nge par ni bogi madnom ko felfelan’ nge paslagan’ rok e girdi’ nu Judah. Thangri t’uf romed e tin rriyul’ nge gapas.”

Matthew 5:4

“Nge felan’ e pi’in be kireban’rad, ya ra fal’eg Got lanin’rad!

Luke 11:41

Ere mpi’ed e n’en ni bay u lan e kap nge plet romed ngak e pi’in gafgow, me yan i par ni urngin ban’en ma ke be’ech u puluwmed.

Galatia 2:10

Machane kemus nn’en nra wenig niged ngomow e ri dab gu pagew talin e pi’in gafgow ni yad bay u fithik’rad, nri ireram e ren’en ni ug athamgiliy ngu’ug rin’.

Deuteronomy 15:7

“Fa’anra bay be’ ni ku reb e girdi’ nu Israeli nib gafgow u lan reb fapi binaw nu lan fare nam ni nge pi’ SOMOL ni Got romed ngomed, ma dab mu si’in gad ngak ngam paged ni dab mu ayuweged.

Deuteronomy 16:14

Mi gimed felfelan’ u ta’bang, ni gimed nge pifakmed, nge pi tapigpig romed, nge pi Levi, nge girdi’ nu boch e nam, nge pi’in kanim’ rorad, nge pi’in ke yim’ figirngirad ni yad ma par u lan e yochi binaw romed.

Deuteronomy 16:15

Mathangeluwol naged SOMOL ni Got romed ko re mur ney ni ngam ted ni medlip e rran ko ta’gin’en ni tagil’ e liyor. Nge felfelan’med, ya SOMOL e ke fal’eg wa’athmed ko wom’ngin e woldug nge maruwel ni gimed be tay.

Revelation 11:10

Ma girdi’ nu fayleng e bay ra felfelan’gad nike yim’ e gali cha’nem. Bay ra madnomgad ngar tow’ath niged yad, ni bochan e gali profet nem e ba ga’ e gafgow nra tiyew ngak e girdi’ nu fayleng.

1 Samuel 25:8

Kemus ni ngam fithrad miyad weliy ngom. Kugbad ko re rran ni yaran e madnom, ma be wenignag David ngom ni ngam gol ngomad nggu fel’gad u wun’um. Wenig ngom mu pi’ e tin nrayag ni ngam pi’ ngomad e pi tapigpig rom nge ngak e fager rom i David.’”