Ester 7:4 - Bible Ni Thothup

⁴ Gamad e pi girdi’ rog e ka ni pi’mad nchuway’ ni ngan thang e fan romad. Fa’anra mang e kemus ni kan pi’mad ni chuway’ ni bod e sib, ma ku gu th’ab gulngag ndab gu magawon nigem riy; ma biney e ngan thirifmad u but’ mi ni thang owchemad!”

Ester 7:4 Iomraidhean Croise

Nehemiah 5:5

Gamad ta’bogi girdi’ ngak e tinef e Jew. Gathi ta’reb rogon pifakmad ngak pifakrad nga ferad fel? Machane ke yan i aw ni nggu pi’ed pifakmad ngar manged sib. Boch i pifakmad ni ppin e ka ni chuw’iyrad ni ngar manged sib. Dakriy u gelngimad ni nggu ayweged, kan fek u pa’mad e yungi flang romad nge fi’imad grape.”

Ester 3:13

Girdi’en e mil e ra feked e yungi babyor ney nga gubin yang e nug u lan gil’ilungun fare pilung. Bay riy ni kanog ni rofen ni ragag nge dalip ko pul ni Adar e ngan thang e fan rok gubin e Jew, ni fel’ yangren nge pilbithirl, nge ppin nge bitir. Yira li’rad ko saydon ni dab ni runguyrad mi ni fek rorad e tin nib milfan ngorad.

Ester 3:9

Fa’anra ba m’agan’um ngay i gur Pilung ma ga ngongliy ba motochiyel ni ngan thang e pogofan rorad. Fa’an ga ra rin’, ma gu be micheg ngom ni gu ra pi’ 375 e ton e silber ngom ni ngam tay ko chubgil ko pilung ni ngan maruwel ngay u lan gil’ilungum.”

Ester 7:5

Aram me fith Xerxes ni Pilung Ester ni ga’ar, “Mini’ e en nike thiyan’ ma ke leamnag ban’en ni errogon? Bu uw e re mo’on nir?”

Ester 7:6

Me fulweg Esther ni ga’ar, “En ni to’ogor romad, ni ir e be tay thibngimad, e re mo’on ni kireb ney i Haman!” Me sap Haman ngak fare pilung nge fare queen ni kari rus.

Ester 8:11

Bay ko yungi babyor nem ni be yog fare pilung ko pi Jew, nra yib e cham ngorad, ma ngar ayuweged e pogofan rorad. Demturug e re mit i girdi’ u lan fa yungi nug ni yad ra yib ni cham ngak e Jew, fa ngak pifakrad, fa ppin rorad, mra yag ni ngar chamgad ngorad ngar thanged owcherad; miyad fanay e tirorad.

Ester 8:6

Bu uw rogon i lubeg rog e biney e riya’ ni nge aw ko tirog e girdi’, ni ngan thang owcharad?”

Ester 9:25

Machane yan Ester ngak e en pilung, me yoloy fare pilung e tin ngan rin’ ni Haman e nge aw fare gafow ngak ni tanomnag ni nge aw ko pi Jew, ir nge pifak ni pumo’on e ni uchliyrad ko fare tafen e mo’ochol

Daniel 6:2

Me duwgiliy Darius Daniel nge ku l’agruw e girdi’ ni yad e ngu’ur guyed e maruwel ko fapi governor miyad guy ngu’un tay nga tagil’ e tin keyog.

Joel 3:6

Kam feked e girdi’ nu Judah ngu Jerusalem nga orel ko nam rorad kam pi’ed yad nchuway’ ngak piyu Greece.

Amos 2:6

Be ga’ar SOMOL, “Girdi’ nu Israel e kar denen gad bayay nge bayay, ni erfan nri bay gu gechig nagrad. Ya kar pi’ed nchuway’ e girdi’ ni yul’yul’ ni daworiyag ni ngar thanged e malfith rorad, ni bogi gafgow ni mus nga ta’reb e sus ma dabyag ni ngar pi’ed puluwon.

Luke 12:45

Ma fa’anra ga’ar e re tapigpig nem u wan’, kab n’uw nap’an mfini sul e masta rog, ma aram me tabab i pirdi’iy fa tinem e tapigpig, ni pumo’on nge ppin, mi i abich ma be garbod ma be unum e rrum ngi i balyang ngay,

Deuteronomy 28:68

Bayi fulwegmed SOMOL u barkow nga Egypt, ni yug aram rogon nike ga’ar dakuriy rogon miki gimed sul e ngaram bayay. Mu rom e bay um guyed rogon ni ngam pi’ed gimed nchuway’ ngak e pi to’ogor romed ni aram e ngam manged sib rorad. Machane dariy ta’abe’ nra m’agan’ ngay ni nge chuw’iymed.”

Joshua 9:23

I Got e bayi kirebnag wa’athmed ni bochan e ran’ey ni ka mu rin’ned. Tiromed e girdi’ e bay urpired ni gubin ngiyal’ ni yad bogi sib, ngu’ur the’bad e l’ud ma yad be mat’eg e ran i yib ko naun rok e Got rog.”

1 Samuel 22:23

Mu par rog ma dab murus. Ba’adag Saul ni nge thang e fan rodow ni gadow l’agruw, machane ga ra par rog ma dariy ban’en nra buch rom.”