Ester 6:6 - Bible Ni Thothup

⁶ Ma aram me yib Haman nga naun, me ga’ar fare pilung ngak, “Ba’aray be’ nrug be athepeg ni ngan tayfan. Mang e thingar gu rin’ ko re mo’on ney?” Me leamnag Haman rok ni ga’ar, “Mog, mini’ e be finey e en pilung ni nge tayfan? Ri dariy be’, ya bmuduwgil ni gag.”

Ester 6:6 Iomraidhean Croise

Ester 1:15

Me ga’ar ngak e pi pumo’on ney, “I gag i Xerxes ni Pilung e gu l’oeg e pi tapigpig rog ngranod ngak Vashti ni Queen ni nga rogned ngak e tin kugog ni nge rin’, ma de fol riy! Ere mang e be yog e motochiyel ni ngad rin’en ngak?”

Ester 5:11

Me par ngi i ufan sorok nga feni fel’ rogon, nge feni yo’or e pagel ni fak, nge rogon nike tolangnag e en pilung ko liw rok, nge feni rib ga’ fan u fithik’ urngin e pi tolang u tan pa’ e en pilung.

Ester 6:11

Ma aram me yan Haman i fek fapi madan e pilung nib n’uw nge fare os, me yin’ fapi mad nga daken Mordekai. Me af Mordekai nga daken fare os me yannag Haman i Mordekai u lukngun binaw, ni be tolulnag ko girdi’ e ngiyal’nem ni yow be yan ni be ga’ar: “Amuguyed aray rogon nma girdi’nag pilung e cha’ nike felfelan’ ngak!”

Ester 6:5

Ma aram me fulweg fapi tapigpig ni lungurad, “Ke taw Haman ni be son nigem.” Me ga’ar fare pilung, “Mu pow’iyed nga naun.”

Ester 6:7

Ma aram me ga’ar Haman ngak fare pilung “Re mo’on ni ba’adag pilung ni nge tayfan,

Ester 6:9

Ma gog ngak reb e tin th’abi tolang e tayugang’ rom nge yin’ fare mad rom nga daken e re mo’on nir, me tay nga daken fare os me kol gufan nge yannag u lukngun e binaw i yan. Ni be tolul ni be ga’ar: ‘Amuguyed aray rogon nma girdi’nag pilung e cha’ nike felfelan’ ngak!’”

Psalms 35:27

Pi’in yad ba’adag ni nge m’ug ni bfel’ e rog e mang e yigur tolul niged e felfelan’ ma yad be non ni dab ra talgad ni be lungrad, “Kari sorok SOMOL! Ya bfel’ u wan’ e tapigpig rok nike man’og.”

Proverbs 1:32

Girdi’ ndawori yo’or ban’en nikar guyed e yad be yim’, ya bochan e yad be siyeg e gonop. Girdi’ ni pinat e yad be yim’, ni bochan e dariy ban’en ni bay fan u wan’rad.

Proverbs 16:18

Tolngan’ e be sor i yan ko riya’, ma ufanthin e be sor i yan ko gin yira mul riy.

Proverbs 18:12

Pi’in tolangan’ e yad be bibiy e riya’ i yan; dariy be ni yira tayfan nge mada’ ko ngiyal’ nike sobut’an.

Proverbs 30:13

Bay boch e girdi’ ni yad ma leamnag nriyad bmanigil — rib sororad u wan’rad!

Isaiah 42:1

Be ga’ar SOMOL, “Ba’aray e tapigpig rog ni ku gu pi’ gelngin, ni fa’anem ni gag e kug turguy ni ir e bfel’ u wun’ug. Ku gu suguy ko kan nthothup rog, bayi fek e tin nib yal’uw i yib ngak urngin e nam.

Jeremiah 32:41

Bayi fel’ lanin’ug ngay ko tin nib manigil ni nggu rin’ ngorad, ma bay gu dugliyrad ni dariy n’umngin nap’an u lan e re nam ney.

Obadiah 1:3

Tolngan’ rom e ir e ke ban nigem. Tochuch rom e kan yororiy ko war nib el; tafnam e bay ngalang u fithik’ e pi burey, ma kam ga’ar u wun’um, ‘Mini’ e rayag rok ni girngiyeg nga but’?’

Matthew 3:17

Me non ba lam u tharmiy ni ga’ar, “Ireray Fakag nib t’uf rog ni kari felan’ug ngak.”

Luke 14:9

ma cha’ ni non ngomew ni ngam bow e ra yib me ga’ar ngom, ‘Mu guy rogom nge mang e cha’ ni ba’aray e par ko ginnir ni ga bay riy.’ Ma aram ma ga tamra’ ma ga yan mpar ko gin ntagil’ e girdi’ ni sobut’.

John 5:23

ya nge gubin e girdi’ me liyor ngak e en ni Fak Got ni bod rogon ni yad ma liyor ngak e en ni Chitamangiy. Ma en nder liyor ngak e en ni Fak Got e der liyor ngak e en ni Chitamangiy ni ir e l’oeg nge yib.