Ester 6:4 - Bible Ni Thothup

⁴ Me fith fare pilung ni ga’ar, “Bay reb e pi tolang rog u lan e re naun ney e chiney?” Ngiyal’nem ma kafni thum’ Haman ngalan e yoror; ke yib ni nge yog ngak e en pilung ni ngan uchuliy Mordekai ko fare fen e mo’ochol ni kafin ni mu’nag.

Ester 6:4 Iomraidhean Croise

Ester 4:11

“Demturug be’ nib pumo’on fa be’ ni bpin nra yan ngalan e yoror ni nge guy e pilung ni dawor nni pining, ma yira thang e pogofan rok ni dariy e maruwar riy. Ara’rogon e motochiyel; gubin e tafanow ko pilung nge girdi’ ma manang e re motochiyel nem. Ta’ab kanawo’ e ra liyeg ko re motochiyel ney: fa’anra paluweg fare pilung e sog rok ngak be’, ma aram e facha’ e dabkun thang e pogofan rok. Me gag e ke gaman reb e pul ni daworki piningeg pilung ni nggu wan gguy.”

Ester 5:1

Me yan i rofen ni gaman e dalip fen ngay nike pag Ester e abich me yon’ ba mad nib n’uw ni madan e Queen me yan i sak’iy ngalan e yoror ko naun rok fare pilung nib sap ko fare senggil ni bay e chiya ntagil’ e en pilung riy. Ma bay fare pilung u lan fare senggil nike par u daken fare chiya ntagil’ e pilung, nib changar nga langan e mab nga wean.

Ester 5:14

Ma aram e ba’aray e n’en ni yog le’engin nge pi tafager rok ngak, “Mangfan ndab mog ngan chamey ba fen e mo’ochol, ni medlip i ragag nge lal e fit tolngin? Me gabul ni kadbul ma gog ngak fare pilung ngan uchuluy Mordekai riy, ngemu’ ma ga yan ko mur ni ga ba felfelan’.” Me leamnag Haman ni bfel’ e re thin nem, ma aram me yog ngan chamey fare fen e mo’ochol.

Ester 6:3

Me fith fare pilung ni ga’ar, “Bu uw rogon ni kadted fan Mordekai nge tow’ath rok ni kad pi’ed ko biney nike rin’?” Me fulweg e pi tapigpig rok ni lungurad, “Dariy ban’en ni ka ni ngongliy ni fan ngak.”

Ester 6:5

Ma aram me fulweg fapi tapigpig ni lungurad, “Ke taw Haman ni be son nigem.” Me ga’ar fare pilung, “Mu pow’iyed nga naun.”

Ester 7:9

Ma aram me ga’ar bagyad ni Harbonah fithingan, “Cha’aney i Haman e ke chamey ba fen e mo’ochol u tafen ni bochan e nge uchuluy Mordekai riy, ni fa’anem ni ayweg e pogofan rom i gur pilung. Re fen e mo’ochol nem e medlip i ragag nge lal e fit tolngin!” Me ga’ar fare pilung, “Mu uchliyed Haman riy!”

Psalms 2:4

I SOMOL e bay u tagil’ u tharmiy ni be minmin ngorad ma be moningnag e yochi makath rorad.

Psalms 33:19

Ma yororiyrad ko yam’; nge uyongol.

Eklesiastes 9:10

Demturug ko mang e ga be rin’ ma ngam rin’ ni karimus rogom riy, ni bochan e dakriy ban’en ni ngan rin’, ma dariy e tafinay, ma dariy e llowan’, ma dariy e gonop u lan e fayleng ko yam’ — ni aram e gin ni ngam man ngay.