Ester 6:3 - Bible Ni Thothup

³ Me fith fare pilung ni ga’ar, “Bu uw rogon ni kadted fan Mordekai nge tow’ath rok ni kad pi’ed ko biney nike rin’?” Me fulweg e pi tapigpig rok ni lungurad, “Dariy ban’en ni ka ni ngongliy ni fan ngak.”

Ester 6:3 Iomraidhean Croise

Genesis 40:23

Machane fa’anem nma pu’og e wayin ngalan e kap rok Farao e daki leamnag Josef — ke pag talin murung’agen.

1 Kronicles 11:6

Me ga’ar David, “Re mo’on nsom’on nra thang e fan rok reb e piyu Jebus e ra mang ga’ ko re raba’ i salthaw ney!” I Joab ni Zeruyah e chitiningin e ir e gafaliy fare cham me mang ga’ ko salthaw.

Ester 6:2

Gin nni be’eg ngak e ku bay riy murung’agen Mordekai ni pir’eg ba makath ntay ni ngan thang e pogofan rok, ni aram fare makath ni tay Begthana nge Teresh, fa gali eunuch nu lan e naun rok e en pilung ni yow ma matnagiy e pi senggil rok fare pilung.

Ester 6:4

Me fith fare pilung ni ga’ar, “Bay reb e pi tolang rog u lan e re naun ney e chiney?” Ngiyal’nem ma kafni thum’ Haman ngalan e yoror; ke yib ni nge yog ngak e en pilung ni ngan uchuliy Mordekai ko fare fen e mo’ochol ni kafin ni mu’nag.

Eklesiastes 9:15

Ma bay be’ nib mo’on nma par u lan fare binaw ni rib gafgow, machane ir be’ nib llowan’ nrayag ni ayuweg fare binaw. Machane dariy be’ ni leamnag e re mo’on nem.

Daniel 5:16

Me ere kug rung’ag nrayag rom ni ngam pir’eg ma ga weliy fan e pin’en nda nnang. Fa’an rayag rom ni ngam be’eg e pi yol ney ngamog fan ngog, ma yira yin’ madan e pilung nib re’en purple nga dakenam, min the’ ba yil’ i chen nib gol nga belelugunam ni aram e kan tay fam, ma aram ma ga par ni gur e bin dalip e liw ni migid ngog.”

Daniel 5:29

Ka chingiyal’nem me yog Belshazzar ni nga nin’ madan e pilung nib re’en purple nga daken Daniel, min the’ ba chen nib gol nga belel’ugun ni aram e kan tay fan. Me tay ni ir e bin dalip e liw u tan pa’.

Daniel 5:7

Me tolul ni nge fek be’ e pi tamerong i yib, nge pi llowan’ nge pi’in yad ma bon ko t’uf. Ma fa’an rabad me ga’ar fa en ni pilung ngorad, “En nrayag rok ni nge be’eg e pi yol ney me yog fan ngog e yira yin’ madan e pilung nib re’en purple nga daken, min the’ ba yil’ i chen nib gol nga belel’ugun ni aram e kan tay fan, me par ni ir e migid ko en nib migid ngog.”