Ester 5:9 - Bible Ni Thothup

⁹ Nap’an ni m’ay fare madnom me yan Haman ni ka ri felan’ ma ke uf. Machane yug nap’an ni guy Mordekai u langan e garog u tafen e pilung nde sak’iy nge tayfan u nap’an ni yib u charen nge yan mri damumuw Haman ngak nib gel.

Ester 5:9 Iomraidhean Croise

1 Kings 21:4

Me sul Ahab nga tafen nike kireban’ ma ke damumuw ko fapi thin nike yog Naboth ngak. Me yan i pag ir nga chob rok nge sap ko rungrung, me par nde abich.

1 Kings 21:6

Me ga’ar, “Bochan e thin nike yog Naboth ngog. Kugog ngak ni nggu chuw’iy fa gi woldug rok ni grape, mra ba’adag ni nggu pi’ bang e woldug ni grape ngak nge yan nga luwan mu gu pi’, me ga’ar dabiyag ni nge pi’!”

Ester 2:19

Ma fa’ani mokun bayay fapi rugod nga ta’bang, ma ke par Mordekai nga but’ u langan e garog u tafen e pilung.

Ester 3:2

Me yog fare pilung ngak urngin e pi tolang ni yad ma maruwel rok, ni ngar daged ngak Haman ni yad be tayfan, ni aram e ngar ragbuggad nga but’ ngar siro’gad ngak. Yad gubin nrin’ed ni aram rogon, kemus ni go’ Mordekai e de rin’.

Ester 3:5

Nap’an ni nang Haman ni der ragbug Mordekai nga but’ nge siro’ ngak mri damumuw,

Ester 5:13

Machane ri dariy ta’reb e pin’ey ni be fel’ u wun’ug, u n’umngin nap’an ni gu be guy e re Jew nem i Mordekai ni be yumum’ u langan e garog u tafen e pilung.”

BABYOR NI JOB 20:5

ma dariy reb e girdi’ nib kireb nike par nib felfelan’ nib n’uw nap’an.

BABYOR NI JOB 31:31

Urngin e pumo’on ni yad be maruwel rog e yad manang ni gubin ngiyal’ ni gu ma ayweg e pi milekag.

Psalms 15:4

Ma dubrad daken e pi’in ke n’agrad Got, machane yad ma tayfan e pi’in yad ma fol rok SOMOL. Ma gubin ngiyal’ ni yad ma rin’ e n’en kar micheged ni ngar rin’ed, ndemturug ko mang e ra yib riy ngorad.

Psalms 27:3

Ni yug ra longobiyeg baraba’ i salthaw, ma dab gu rus; ni ku yad ra cham ngog, ma gu ra par ni kab pagan’ug ngak Got.

Daniel 3:13

Mri damumuw fare pilung me yog ni nga ni fek fa dalip i pumo’on i yib nga p’eowchen.

Matthew 10:28

Dab mu tamdaggad ngak e pi’in yad ra li’ e dowef ngem’ machane dabiyag ni ngar li’ed lanin’uy ngem’; mu tamdaggad ngak Got, ya ir e rayag ni nge kirebnag dowey nge lanin’uy u fithik’ e nifiy.

Matthew 2:16

Ma fa’ani nang Herod ni fa pi’in nrabad u ngek e kar ban niged, me ri damumuw. Me pi’ e thin ni ngan li’ ngem’ urngin e bitir ni pumo’on u lan yu Bethlehem nge yungi n’en ni bay u to’oben yu Bethlehem, ni bitir ni l’agruw e duw yangren nga but’ — nike yan i puluweg ko fa ngiyal’ ni ba’aram ni m’ug fare t’uf riy ni bod rogon ni weliy fa pi’in nrabad u ngek ngak.

Luke 6:25

“Kam gafgowgad e pi’in gimed be fos e chiney; ya bay mm’ad ko bilig! “Kam gafgowgad e pi’in gimed be minmin e chiney; ya bayi kireban’med ngu’um yorgad!

John 16:20

Nggog e tin riyul’ ngomed; bay um yorgad ma gimed be dololoy’, machane girdi’ nu fayleng e bay ra felfelan’gad; ma gimed e bayi kireban’med; machane kireban’ romed e bayi piliyeg ko felfelan’.

Acts 7:54

Nap’an ni be motoyil girdi’en fare ulung ngak Stefen me ri gel e damumuw rorad ngak ngu’ur wochariyed nguwelrad ngak u fithik’ e damumuw.

James 4:9

Me kireban’med, mi gimed dololoy’, mi gimed yor; mu thiliyeged e minmin romed ko meyor, mi gimed thiliyeg e felfelan’ romed ko taganan’!