Ester 4:5 - Bible Ni Thothup

⁵ Ma aram me pining Ester i Hathach, ni’ir reb fapi eunuch nu lan fare naun rok e pilung nike mel’eg fare pilung ni nge mang tapigpig rok Ester, me yog Ester ngak ni nge yan ngak Mordekai nge nang ko mang e ke buch nge mangfan.

Ester 4:5 Iomraidhean Croise

Ester 1:10

Me yan i gaman e medlip fen ko fare madnom rok fare pilung, ma ke yo’or e wayin nike unum fare pilung ke ba’ud e thin rok, ma aram me pining fa medlip i pumo’on ni eunuch ni yad ma pigpig ngak ni aram i Mehuman, Biztha, Harbona, Bigtha, Abagtha, Zethar, nge Karkas.

Ester 1:12

Machane nap’an ni yan i yog fapi tapigpig ngak Vashti e tin keyog fare pilung ni nge rin’, me ga’ar dabi rin’. Mri k’aring e damumuw nib gel ngak fare pilung.

Ester 4:10

me pi’ Ester e re thin ni ba’aray ni ngan fek i yan ngak Mordekai:

Ester 4:4

Nap’an ni yog e pi tapigpig ni ppin nge eunuch rok Ester ngak e n’en ni be rin’ Mordekai me magfan’. Me pi’ boch e mad nge yan ngak Mordekai ni nge yin’ ma dabki yin’ e mad ni tutuw, machane de fek Mordekai fapi mad.

Ester 4:6

Me yan Hathach ngak Mordekai nga lukngun e binaw ko garog ni yan nga tafen e pilung.

Ester 4:9

Me rin’ Hathach ni aray rogon,

Roma 12:15

Mu uned ko felfelan’ ngak e pi’in kar felfelan’gad, mi gimed un ko meyor ngak e pi’in yad be yor.

1 Korinth 12:26

Fa’anra gafgow bang u dowey, ma urngin e yu yang ni kabay e yad ma un ngak ko gafgow; fa’anra nog e sorok ngak bang riy, ma urngin e yu yang ni kabay riy ni yad ra un ngak fa gi nem ko felfelan’.

Filippi 2:4

Ra bigimed ma ngi i leamnag bigimed ngi i ayuweg u rogon nrayag rok, ma gathi go ir e ngi i leamnag ir.

Hebrews 4:15

Re prist rodad nem ni fare Prist ni Th’abi Ga’ e gathi reb e prist ni dabi kireban’ ngodad nga fadad me’waer. Ya re prist rodad nem ni fare Prist ni Th’abi Ga’ e yib ngak urngin kanawo’en e pin’en nma waliy e girdi’ nge denen ni bod gadad, machane de denen.