Ester 3:7 - Bible Ni Thothup

⁷ Lan ragag nge l’agruw e duw nike gagiyeg Xerxes ni Pilung, u lan e pul ni ta’reb ni aram e pul ni Nisan, me yog Haman ni ngan girengiy e pow (ni “Purim,” ni yad ma yog) ni nge duwgiliy e re rran nge re pul ni bfel’ ni ngan rin’ fa pin’en ni ka ni makathnag. Ma aram me muduwgil ni rofen ni ragag nge dalip fen ko pul ni ragag nge l’agruw ni aram e pul ni Adar.

Ester 3:7 Iomraidhean Croise

Ezra 4:6

Tobolngin e gagiyeg rok Xerxes ni Emperor, ma pi to’ogor rok e pi girdi’ ni yad be par u lan yu Judah ngu Jerusalem e ra yoloyed babyoren boch e oloboch ngan togopluwnag ngorad.

Ezra 6:15

Miyad mu’nag e re Tempel nem ko rofen ni dalip ko pul ni Adar ko bin nel’ e duw ko pilung nike tay Darius.

Nehemiah 2:1

Reb e rran ko fa aningeg i pul nike thumur, nap’an ni be abich Artaxerxes ni Pilung, mu gu fek e wayin i yib ngak. Ma dawori guyeg ba ngiyal’ nib kireban’ug,

Ester 1:3

Yan i man e dalip e duw ni i gagiyeg me pi’ ba madnom ni fen urngin e pi tayugang’ nge pi tolang ko am rok. Re madnom nem e immoy e pi tolang ko yu raba’ i salthaw nu Persia ngu Media riy, nge pi governor nge bogi pumo’on nib ga’ lungrad ko yungi nug nem.

Ester 2:16

U lan e re duw ni gaman e medlip e duw ngay nike pilung i Xerxes ko pul ni ragag ni aram e pul ni Tebeth mi ni fek Ester i yan ngak Xerxes ni Pilung ngalan fare naun rok.

Ester 9:1

Me taw ko rran ni ragag nge dalip ko pul ni Adar, ni aram fare rran ni ngan maruwel ko fare thin nike yog fare pilung, ma ku rofen ni be athpeg e pi to’ogor rok e pi Jew ni ngar gafgow niged e Jew. Machane gathi aram rogon ni aw ya pi Jew e ra gelgad.

Ester 9:21

ni be yog ngorad ni ngu’ur madnom niged e rofen ni ragag nge aningeg fane pul nge rofen ni ragag nge lal fane pul ko pul ni Adar ni gubin e duw.

Ester 9:5

Ere pi Jew e yag ni ngar rin’ed e tin yad ba’adag ngak e pi to’ogor rorad. Ra chamgad ko saydon ngar li’edyad ngarm’ad.

Proverbs 16:33

Girdi’ e yad ma girengiy e pow ni ngar nanged ko mang e bm’agan’ Got ngay, machane Got e ir e ma duwgiliy e fulweg riy.

Matthew 27:35

Miyad richibiy ko fare kuruth miyad f’oth e mad rok rorad, ni yad be girngiy e pow ni nge duwgiliy e bin nge fanay bagayad.