Ester 3:1 - Bible Ni Thothup

¹ Me yan i bangiyal’ me tolangnag Xerxes ni Pilung be’ nib mo’on ni Haman fithingan nge tay ko fare liw ni kemang tolang u lan e gin ma gagiyegnag. I Haman e be’ nib mo’on ni fak Hammedatha ni be’ ni owchen Agag.

Ester 3:1 Iomraidhean Croise

Genesis 41:40

Bay gu tem ni gur e nge milfan e nam rog ngom, ma urngin e girdi’ ko nam rog ni gur e ngu’ur folgad ko pin’en ni ga be yog ni ngan rin’. Ma bay gu par ni kemus ni gag e gub tolang ngom ni bochan e gag e pilung.”

Genesis 41:55

Ma fa’ani thamiy e nam nu Egypt ni ga’ngin e uyongol, me wenig e girdi’ ngak Farao ni nge pi’ e ggan ngorad. Me ga’ar ngak urngin e girdi’ nu Egypt, “Mmarod ngak Josef mi gimed rin’ e tin bayi yog ngomed.”

Ezra 7:14

I gag nge fa medlip i girdi’ ni gamad ma puruy’ e nggu l’oeged gur ngam man nga Jerusalem nge nga Judah ngam guy ko yibe ngongol riy nrogon ni bay ko Motochiyel ko Got rom fa dangay, ni fare Motochiyel ni gur e bay u pa’am.

Ester 1:14

Pi’in ba ga’ ni yad ma puruy’ e Karshena, nge Shethar, nge Admatha, nge Tarshish, nge Meres, nge Marsena, nge Memukan — medlip i tayugang’ nu lan yu Persia ngu Media ni yad e th’abi tolang u lan gil’ilungun fare pilung.

Ester 3:10

Me luf fare pilung e luwaw rok ni bay e pow rok riy, nge pi ngak Haman ni fare togopluw rok e pi Jew, ni aram fare mo’on ni fak Hammedatha, ni reb i owchen Agag.

Ester 5:11

Me par ngi i ufan sorok nga feni fel’ rogon, nge feni yo’or e pagel ni fak, nge rogon nike tolangnag e en pilung ko liw rok, nge feni rib ga’ fan u fithik’ urngin e pi tolang u tan pa’ e en pilung.

Ester 7:6

Me fulweg Esther ni ga’ar, “En ni to’ogor romad, ni ir e be tay thibngimad, e re mo’on ni kireb ney i Haman!” Me sap Haman ngak fare pilung nge fare queen ni kari rus.

Ester 8:3

Miki non Ester ko fare pilung bayay, nike pag ir nga but u rifrifen ay ni be yor. Ma be wenig ngak ni nge taleg fare makath rok Haman nib togopluw ko Jew, ni Haman e reb i owchen Agag.

Proverbs 29:2

Mu dag reb e tagagiyeg ngog nib mat’aw ma bay gu dag e girdi’ ngom nib felfelan’. Mu dag ba tagagiyeg ngog nib kireb e leam rok ma bay gu dag ngom e girdi’ ni karm’ad ko gafgow.

Eklesiastes 10:6

Girdi’ nib pinat e ni pi’ e liw ngorad nib tolang mab ga’ lungun min fek owchey ko pi’in ba yo’or ban’en rorad.

Daniel 6:2

Me duwgiliy Darius Daniel nge ku l’agruw e girdi’ ni yad e ngu’ur guyed e maruwel ko fapi governor miyad guy ngu’un tay nga tagil’ e tin keyog.

Numbers 24:7

Pire’ e n’uw nra aw ko nam rorad, miyad yung awochngin e woldug rorad ko milay’ nike aw e n’uw ngay. Pilung rorad e ra ga’ buguwan ngak Agag, ma gagiyeg ni ngi i tay e bay i ga’ i yan.

1 Samuel 15:33

Me ga’ar Samuel, “Rogon nike gagiyegnag e saydon rom bo’or e matin karanod ra pired ndakuriy pifakrad, e aram rogon e en ni chitinam e chiney ni nge par ndakuriy fak.” Me th’eth’ab Agag ni nochiyang u m’on ko altar nu Gilgal.

1 Samuel 15:8

me fek Agag ni Pilung ko pi Amalek nde li’ ngem’, me li’ urngin e girdi’.