Ester 1:10 - Bible Ni Thothup

¹⁰ Me yan i gaman e medlip fen ko fare madnom rok fare pilung, ma ke yo’or e wayin nike unum fare pilung ke ba’ud e thin rok, ma aram me pining fa medlip i pumo’on ni eunuch ni yad ma pigpig ngak ni aram i Mehuman, Biztha, Harbona, Bigtha, Abagtha, Zethar, nge Karkas.

Ester 1:10 Iomraidhean Croise

Genesis 43:34

Mi ni fek e ggan u tebel rok Josef i yib ngorad, mi Benjamin e lal yay urngin e ggan nni pi’ ngak ko ggan nni pi’ ngorad. Ma aram miyad abich miyad unum e wayin ngar felfelan’gad.

2 Samuel 13:28

me yog ngak e pi tapigpig rok ni ga’ar: “Mu fal’eged i yaliy Amnon ko ngiyal’ nike yo’or ban’en nike unum, ma aram e nap’an ni gu ra pi’ e thin nge yib, min thang e fan rok. Dab murusgad. Ya gag e bay gu fek malngin. Mu cheag niged gimed ma dab mu tuntun gad!”

Ester 1:9

Ma ku ngiyal’ i n’em ma bay Vashti ni Queen u lan fare naun ko pilung ni yad be madnom e pi’in ppin.

Ester 3:15

Me yog fare pilung ni ngan fanay fare bbugithin ni ka ni yoloy ngan weliy u lan yu Susa ni aram fare tochuch, ma girdi’en e mil e ra feked fare thin ko pi nug i yan. Me par fare pilung nge Haman nga but’ ngar unumew ban’en e ngiyalin’em ni girdi’ nu Susa e be wagegey laniyan’rad komang e yi be rin’.

Ester 7:9

Ma aram me ga’ar bagyad ni Harbonah fithingan, “Cha’aney i Haman e ke chamey ba fen e mo’ochol u tafen ni bochan e nge uchuluy Mordekai riy, ni fa’anem ni ayweg e pogofan rom i gur pilung. Re fen e mo’ochol nem e medlip i ragag nge lal e fit tolngin!” Me ga’ar fare pilung, “Mu uchliyed Haman riy!”

Proverbs 20:1

Ra pag oren e rrum ni mu’unum me ga’ lamam me balyang ngonglem. De fel’ ni ngan chingnag.

Proverbs 31:4

Lemuel, ngam motoyil, pi’in pilung e dabi unum e wayin ara i yim’ ni bochan e rrum.

Eklesiastes 10:19

Mur e ra felfelan’ nigem ma wayin e ra ba’udeg lanin’um, machane galin’ey e dabiyag ngom ni fa’anra dariy e salpiy rom.

Judges 16:25

Yad be garus u fithik’ e felfelan’ me lungurad, “Ngan pining Samson nge yib, ya ngi i palag owchadad!” Ma fa’anra feked Samson nga wuru’ e kalbus mu’ur moninggad ngak, minib ni sak’iynag nga thilin e duga’ ko fare naun.

Judges 19:6

Ma aram me par fagal pumo’on nga but’ ngar abichgow ma yow be garbad u ta’bang. Me’ere me ga’ar e chitamngin fare pin ngak fare pumo’on, “Wenig ngom mu falegan’um ngay ngam par e nep’ ney u roy.”

Ruth 3:7

Fa’ani mu’ Boaz ko abich nge garbod, me par nike fel’ laniyan’. Me yan i pag ir nga but’ u to’oben fare ulung i barley nge mol. Me saf’og Ruth i yan nike n’ag lingan, nge yan i chuweg e gulgul u daken e rifrif u ay Boaz me pag ir nga but’.