Eklesiastes 4:1 - Bible Ni Thothup

¹ Ma aram mu gu sap bayay nga urngin e tin be buch nde mat’aw u lan e re fayleng ney. Ma pi’in ka ni gafgow nagrad e yad be yor, ma dariy be’ nra aywegrad. Dariy be’ nra aywegrad ni bochan e pi’in ni be gafgow nagrad e yad e bay gelingrad.

Eklesiastes 4:1 Iomraidhean Croise

BABYOR NI JOB 16:4

Fa’an mang e gimedgag ma gag e gimed, mra yag ni nggog urngin e tin gimed be yog. Rayag ni nggu gochum u fithik’ e gonop mug welthin ngomed ngam limochgad nga lungug.

BABYOR NI JOB 35:9

Nap’an ni yira gafgownag e girdi’, mar gel’gel’gad; ni yad be yor ngak be’ ni nge aywegrad.

BABYOR NI JOB 6:29

Ngam musgad u wur. Ya de mat’aw e n’en ni gimed be rin’. Dab mu ted e kireb nga dakenag. Ya bfel’ e rog.

BABYOR NI JOB 9:24

I pi’ Got e fayleng ngak e pi’in kireb. Me ma’ewnag gubin e pi tapuf oloboch. Ma fa’anra gathi Got e rin’, me’ere mini’ e rin’?

Psalms 12:5

Be ga’ar SOMOL, “Chiney e bay gub, ni bochan e pi’in ba t’uf e ayuw rorad e yibe gafgow nagrad ma pi’in yibe gafgow nagrad e yad be gel’gel’ u fithik’ e amith. Bay gu pi’ ngorad e re ayuw ni yad be yim’ ni bochan.”

Psalms 142:4

Gu ra changar u chireg, mug guy ndariy be’ nra aywegeg, dariy be’ nra yoror rog. Dariy be’ nra magfan’ ngog.

Psalms 142:5

SOMOL, gu be yornag e ayuw ngom; i gur, SOMOL, e manaf rog; kemus ni gur e pagan’ rog ko biney e tamilang.

Psalms 42:3

Gu be yor ni rran nge nep’, ma lu’ e ke mang ggan ngog; gubin ngiyal’ ni be fitheg e pi to’ogor rog ni be lungurad, “Bu uw e Got rom?”

Psalms 42:9

I Got, ni ir e be yoror rog, e ke lungug ngak, “Mang ni kam pag talig? Mang nthingar ug gafgow ko kireb nib gel ni be tay e pi to’ogor rog ngog?”

Psalms 69:20

Thin ni kireb ni yibe yog ngog e ke kireban’ug ngay, ma kug par ndabiyag ni gu ayuwegneg. Kug finey ni mang e runguyeg be’, ma dariy be’ nike runguyeg; ara be’ ni nge fal’eg lanin’ug, ma da gur pir’eg be’ nra rin’.

Psalms 69:21

Ra gum’ ko bilig, ma yub e yad ra pi’ ngog; mra gum’ ko belel, miyad pi’ e mugnin ni nggu unum.

Psalms 80:5

Kam pi’ e kireban’ ngomad ni nggu wed, nge ba kap i lu’ nib ga’ ni nggu umumed.

Exodus 1:16

I ga’ar ngorow, “Gimew ra ayuweg e ppin ni Hebrew ko ngiyal’ ni ngar gargelgad, ma fa’anra ba pumo’on e bitir, mi gimew thang e fan rok, ma fa’anra bpin, ma dab mu li’ew.”

Exodus 1:22

Me ga’ar Farao ngak urngin e girdi’ ko nam rok, “Urngin e bitir ni pumo’on ni yira gargeleg ngak e Hebrew e ngmon’ed ngalan e lul’ ni Nile, machane bitir ni ppin e ngan pag ngar pired ni yad bfos.”

Proverbs 19:7

En dariy ban’en rok e mus ngak e pi’in yad nga yal ma darir ta’gad ngak u ban’en; arfan ngay ni dariy be’ ni yow tafager. Ni demturug rogon feni gel ni be athmagiliy, ma dabiyag reb e fager ngak.

Proverbs 28:3

Be’ nma gagiyeg nma gafgownag e pi’in gafgow e bod e n’uw nib gel nma gathay e woldug.

Proverbs 29:2

Mu dag reb e tagagiyeg ngog nib mat’aw ma bay gu dag e girdi’ ngom nib felfelan’. Mu dag ba tagagiyeg ngog nib kireb e leam rok ma bay gu dag ngom e girdi’ ni karm’ad ko gafgow.

Eklesiastes 3:16

Gathi kemus ara’, ku er rogon ni ku gguy ni denen ni kireb e be yin’ luwan e tin yal’uw nge tin mat’aw ko biney e tamilang.

Eklesiastes 5:8

Dab mu gin ngay u nap’an ni ga ra guy ni am e be gafgownag e pi’in gafgow ma be siyeg ni nge rin’ e tin nib mat’aw ngorad nge tin mat’awrad. Gubin e pi ga’ ma bay u tan e gagiyeg rok be’ nib tolang ngak, ma yow bay u tan e gagiyeg rok e pi’in kab ga’ ngorow.

Eklesiastes 7:7

Fa’anra bannag be’ nib gonop be’ ma be ngongol ni bod e balyang. Fa’anra ga be fek puluwon e kireb ma ga be kireb nagem.

Eklesiastes 8:9

Gguy urngin e pin’ey u nap’an ni gu be leamnag rogon e pin’en ni kan ngongliy u lan e re fayleng ney, nib fayleng ni bay boch e girdi’ riy nib gel gelingrad ma boch e be gafgow u tan pa’rad.

Isaiah 5:7

Israel e fa gi woldug ni grape rok SOMOL ni Gubin ma Rayag Rok; girdi’ nu Judah e yad fapi woldug ni grape ni i yung. I leamnag ni ngu’ur rin’ed e n’en ni bfel’, machane dar rin’ed miyad par ngu’ur thanged e pogofan! I leamnag ni ngu’ur rin’ed e n’en nib manigil, machane pi’in ur gafgow niged e ra yor niged e tin bmat’aw!

Isaiah 51:23

Bay gu pi’ ngak e pi’in ku ur gafgow niged gimed, ni fapicha’ ni yad e ur gagiyeg niged gimed ngu’um thiggad nga but’ u lan yupa’ i kanawo’ mu’un yot’yot’med nga but’ ni gowa gimed e rungdu’.”

Isaiah 59:7

Kay gum par ni ga be tanomnag e kireb, mada kumur ayal ni ni ngam rin’. Damur tuntun ni nga mu fek e fan rok e girdi’ ni dariy ban’en nike bucheg. Gubin yang ni ga be yan riy ma be kireb be mogothgoth,

Jeremiah 16:7

Dariy be’ nra’ un ngak be’ nike yim’ be’ nib t’uf rok ko abich fa garbad ni bochan e nge fal’eg lanyan fa’anem. Mus ngak be’ nike yim’ e chitamngin fa chitiningin ma dariy be’ nra dag e magfan’ rok ngak.

Lamentations 1:16

“Aramfan ni lan owcheg e kesug ko lu’ ni be map’. Dariy be’ nrayag ni fal’eg lanin’ug; fa i pi’ e athamgil ngog. An to’ogor e ke gel ngog; ma pi girdi’ rog e dakriy ban’en ni magey rorad.

Lamentations 1:17

“Gu k’iyeg pa’ag, ma dariy be’ nra aywegeg. Ke pining SOMOL e pi to’ogor ni ngar togopluwgad ngog u gubin yang; Pangirad ngog e bod ni gag e dow nib alit.

Lamentations 1:2

N’umngin e nep’ ni i yor; ngi i ser e lu’ u owchen nga but’. Dariy bagyad e pi’in ni ur fagergad ni magey ni nge fal’eg lanyan’. Pi’in yad e yad e karyag niged, go’ kar togopluwgad ngak e chiney.

Lamentations 1:9

Feni alit e ba mom ni yira guy, machane de dag nike magfan’ ko mang e ke buch rok. Ir nike thay e rib gafgow; dariy be’ nra fal’eg lanyan’. I gel e pi to’ogor rok me yor ngak SOMOL ni ngan runguy.

Amos 3:10

Be ga’ar SOMOL, “Pi girdi’ ney e yad be suguy e pi naun rorad ni gagang’ ko chugum nra feked u fithik’ e kireb nge yargal. Dar nanged rogon ni ngar yul’yul’gad.

Amos 3:9

Nge lungumed ngak e pi’in yad be par u lan e pi tafen e pilung u Ashdod ngu Egypt: “Mmu’ulung gad ko pi burey nu Samaria ngam guyed gelngin e wagagey u rom ko kireb ni yibe ngongliy u lan binaw.”

Malaki 2:13

Ku ba’aray reb e ban’en ni gimed be rin’. Kam lumach niged e altar rok SOMOL ko lu’ ni gimed be yor ma gimed be dololoy’, ya dakir fek e pi maligach ni gimed be fek i yib ngak.

Malaki 3:18

Girdi’ rog e bay kur guyed bayay e n’en nib thil u thilin e pi’in yad mmat’aw nge pi’in yad be ngongliy e kireb, ngu thilin e en ni be pigpig ngog nge en nder pigpig ngog.”

Malaki 3:5

Be ga’ar SOMOL ni Gubin ma Rayag Rok, “Bay gub gu m’ug u fithik’med ni nggu pufthin, ma bay gu welthin nib togopluw ngak e pi’in yad ma pig, nge pi’in yad ma par e girdi’ ni gathi mabgol rorad, nge pi’in yad ma lifith l’ugunrad u tafen e puf oloboch, nge pi’in yad ma ban nag e pi’in yad be maruwel rorad ngu’ur pi’ed puluwrad ni buch’uw, nge pi’in yad ma gafgownag e pi’in ke yim’ figirngirad, nge pi’in kanim’ rorad, nge girdi’ nu bang, nge gubin e pi’in ndarir ted fag.”

Matthew 26:56

Machane urngin e pin’ey ma ke yodoroy ya nge m’ug nriyul’ e tin ke yoloy e profet u lan e babyor nib thothup.” Ma urngin fa pi’in gachalpen nra paged ngar milgad rok.

Deuteronomy 28:33

Yug reb e nam ndam nanged e bayi fek urngin e woldug ni kam yunged nrib gel e maruwel nim ted riy, ma dariy ban’en nra yib ngomed, ya kemus ni gafgow e bay i yib ngomed ni gubin ngiyal’ ma tin ba kireb e bay un rin’ ngomed.

Deuteronomy 28:48

Aram fan ni bay mu pigpiggad ngak e to’ogor romed ni bayi pi’rad SOMOL ngar togopluwgad ngomed. Bay yib e bilig nge balel ngomed, ma bay mu pired u tamilang ndariy e mad u dakenmed — urngin ban’en mri bayi t’uf romed. Bayi gafgow nagmed SOMOL nib gel ngarim bilged t’ay e gafgow.

James 5:4

Ma dawor mpi’ed puluwon e pi’in yad be maruwel u milay’ romed. Ere mu telmed ko tin yad be yog nib togopluw ngomed! Ma laman e mayor ko pi’in yad be kunuy womngin e woldug romed e ke taw nga yil Got, ni ir Somol ni Gubin ma Rayag Rok!

Judges 4:3

Jabin e 900 e chariot ni wasey rok, ma aram mi i gagiyegnag e girdi’ nu Israel nib gel e gafgow ni i tay ngorad ni rliw’ e duw. Me wenig piyu Israel ngak SOMOL ni nge ayuwegrad.