Eklesiastes 2:3 - Bible Ni Thothup

³ U gu trulnag e gonop, mu gu leamnag ni nggu felfelan’ nigeg ko wayin me fel’ e yafos rog. Gu leamnag ni irera’ e bin th’abi fel’ e kanawo’ ni nge par e yafos ko girdi’ riy, ni aray feni ngoch nap’an u fayleng.

Eklesiastes 2:3 Iomraidhean Croise

Genesis 47:9

Me ga’ar Jakob, “Ke gaman e 130 e duw nap’an ni gu milekag ko biney e tamilang. De yo’or e duw ma de mom e tin ni yib ngog riy, de ta’reb rogon ko pi duw ni ba’aram ni i milekag e pichitamag ni kakrom riy.”

BABYOR NI JOB 14:14

Fa’anra yim’ be’, ma gur ku rayag ni ngki fos bayay? Machane gag e bay gu sonnag e ngiyal’ ni bfel’, nggu son nge chuw e ngiyal’ney nib gafgow.

Psalms 104:15

nge yib e wayin riy ni nge felfelan’ nagmad, nge gepgep ni olive ni nggu felan’gad ngay, nge flowa ni nge pi’ gelnginmad.

Proverbs 20:1

Ra pag oren e rrum ni mu’unum me ga’ lamam me balyang ngonglem. De fel’ ni ngan chingnag.

Eklesiastes 1:17

Gu duwgiliy ni nggu fil ko mang e thil u thilin e llowan’ nge balyang, nge gonop nge aliliy. Machane gu pir’eg ni ku ta’reb rogon ko gu be lol’oeg e nifeng.

Eklesiastes 10:19

Mur e ra felfelan’ nigem ma wayin e ra ba’udeg lanin’um, machane galin’ey e dabiyag ngom ni fa’anra dariy e salpiy rom.

Eklesiastes 12:13

U tomuren urngin e pin’ey, ma ka ta’reb e kabay ni nganog: Nge yib madgun Got u wun’um, ma ga fol ko tin ke ta’chiylen, ya kemus fan e girdi’ ni sunmiy.

Eklesiastes 2:24

Bin th’abi fel’ ngak be’ ni nge rin’ e nge abich me garbad me felfelan’ ko tin ke thognag. Ma ku gu nangfan e chiney, ni mus ko biney ni yib rok Got.

Eklesiastes 5:18

Ba’aray e ren’en ni gu pir’eg: ran’en th’abi fel’ ni nge rin’ be’ e nge abich me garbad me felfelan’ ko tin ke muruliy ko chi par ney nib ngoch nap’an nike pi’ Got ngak; irera’ tol e girdi’.

Eklesiastes 6:12

Bu uw rogon me nang be’ e n’en nib th’abi fel’ ngodad ko chi yafos rodad ney nib ngoch, ma ba m’ayfan, ni ba yafos ni be thimur ni bod fon ban’en. Uw rogon ma gadad nang ko mang e bayi buch u fayleng u tomuren ni kadm’ad?

Eklesiastes 7:18

Ngam pilo’ riy ni l’agruw. Fa’anra bay madgun SOMOL rom, ma dabisiy nra fel’ rogom.

Eklesiastes 7:25

Machane ri gu tayan’ug ngay ni nggu fil e llowan’; mu gu t’ar u wun’ug ni nggu pir’eg e gonop nge fulweg ko pi duwer rog, ma nggu nang feni kireb nge feni balyang e pinat.

Eklesiastes 8:15

Ere ku gu t’ar u wun’ug nra be’ ma ngi i rin’ e tin ba’adag’, ya kemus ni felfelan’ rok be’ u lan e yafos rok, e abich nge garbad nge lanyan’ ni ngi i par ni bfel’. Rayag ni ngad rin’ed e pin’ey u fithik’ e maruwel ni gadad be rin’ nike pi’ Got ngodad u roy u fayleng.

Matthew 6:24

“Dariy be’ nrayag ni nge mang sib rok l’agruw i masta: ya ra fanenikay bagayow me t’uf bagayow rok; ya ra yul’yul’ ngak bagayow me darifannag bagayow. Dabiyag ni ngam manged tapigpig rok Got ma kigimed e tapigpig rok e salpiy.

Efesus 5:18

Dab mu balyanggad ko wayin, ya ra kireb nagmed; machane nge sug nagmed fare Kan Nthothup.

Judges 9:13

Machane me fulweg fare ke grape ni ga’ar, ‘Ra dor me ere nggu tal ndab kug ngongliy e wayin rog ni ir e ma felfelan’nag e pi got nge girdi’ ni fa’anra gag e ngu’ug gagiyeg nagmed.’

1 Samuel 25:36

Me sul Abigail ngak Nabal, ni kabay u tabnaw ni be mur ni bod e mur ko pilung. Ma ke chingnag Nabal ma ke felfelan’, ere de yog Abigail ban’en ngak nge mada’ ko kakadbul.