Eklesiastes 2:1 - Bible Ni Thothup

¹ Gu leamnag ni nggu rin’ e tin gub felan’ ngay mu ggay nggu pir’eg ko mang e felfelan’. Machane mu gu pir’eg ni ku ba m’ayfan.

Eklesiastes 2:1 Iomraidhean Croise

Luke 12:19

Ma aram mu gog ngog u lanin’ug ni lungug, Bfel’ wa’atham! Ke yag ngom urngin e tin ni bfel’ ni bay fan ngom nra par ni bo’or e duw. Mpagan’um, ngu’um abich ma ga be garbod, ma ga be rin’ e tin ni gab adag!

Eklesiastes 8:15

Ere ku gu t’ar u wun’ug nra be’ ma ngi i rin’ e tin ba’adag’, ya kemus ni felfelan’ rok be’ u lan e yafos rok, e abich nge garbad nge lanyan’ ni ngi i par ni bfel’. Rayag ni ngad rin’ed e pin’ey u fithik’ e maruwel ni gadad be rin’ nike pi’ Got ngodad u roy u fayleng.

James 5:5

N’umngin i nap’an e yafos romed u roy u fayleng e gimed be n’ag e salpiy ko tin tolang puluwon ban’en nge fafel. Kam duruw’iyed gimed kam sugsuggad ni fan ko rofen ni ba’aram ni bay nli’med ngam m’ad.

James 5:1

Ere mu telmed ngog e pi’in ni pire’ ban’en romed! Mu yorgad mi gimed dololoy’ ni bochan e gafgow ni bay yib ngomed!

Psalms 27:8

Ke lungum, “Moy ngog.” Ere bay gub ngom, SOMOL;

James 4:13

Mu telmed ngog, gimed e pi’in ni be lungumed, “Daba’ ara gabul e ngad milekaggad nga reb e binaw ngad siyobaygad riy u lan reb e duw me yag e salpiy ngodad ni pire’.”

Titus 3:3

Ya ku errogon gadad ni ud moyed ba ngiyal’ ni ud balyanggad, ma da ud folgad, ma gadad ba oloboch. Ma ud moyed ni gadad e sib rok e ar’ar nge gubin mit e tin ni yi ba’adag nde mat’aw u mit Got. Ma ud pired ni gadad be leamnag e kireb ngak e girdi’ ma be awan’dad ngak boch e girdi’; ma be fanenikaydad boch e girdi’ ma gadad be fanenikayrad.

Luke 16:19

“Immoy be’ nib mo’on ni pire’ ban’en rok nma yin’ e mad nib tolang puluwon ma tin ntolang puluwon ban’en e be kay ma be fanay ni gubin e rran.

Isaiah 50:11

Gimed gubin e pi’in gimed ma makathnag ni ngam kireb niged boch e girdi’ e gimed e gimed ra gafgow ko pi makath romed. I SOMOL e ir e ra gagiyegnag nge yodro’; gimed ra gafgow ngarim bilged t’ay e gafgow.

Isaiah 50:5

SOMOL e ke tamilangnag an’ug, ma dawor gu togopluw ngak ara gu pi’ keru’ug ngak.

Eklesiastes 11:9

Girdi’ nike taw nga yangren, mu felfelan’gad nga yangarmed. Mu felfelan’gad e chiney nike taw nga gelingmed. Mu rin’ed e n’en ni gimed ba’adag ni ngam rin’ed, mi gimed lek fiti lanin’med. Machane dabi m’ay u wun’med ni Got e ra pufthin nagmed ko tin gimed be rin’.

Eklesiastes 7:4

Be’ ni yug ma leamnag rogon e felfelan’ e bbalyang. En nib gonop e ma leamnag rogon e yam’.

Eklesiastes 2:15

Mu gu leam mug ga’ar, “N’en ni be buch rok e pi’in balyang e ku ra buch rog. Ere mang e n’en nrayag ngog u fanag gonop?” Mu gu fulweg, “Dariy, ta’abn’en ma dariy.”

Psalms 14:1

Pi’in balyang e ma lungurad u lanin’rad, “Dariy e Got!” Yad gubin nrib gel e kireb rorad, ka ra ngongliyed bogi ban’en nrib gel e kireb riy; dariy ta’abe’ ni be rin’ e tin bfel’.

Psalms 10:6

Yad ma ga’ar u wan’rad, “Dab da waergad bi’id; ma dab da mada’ niged e magawon bingyal’.”

2 Kings 5:5

Me ga’ar fare pilung ngak, “Mfek e re gi babyor ney ngam man mpi’ ko pilung nu Israel.” Me yan Naaman nike fek ragag e biyu’ yang e silber, nge nel biyu’ yang e gol, nge ragag madan e madnom.

Genesis 11:7

Darod nga but’ ngad athkuyed e thin rorad nge bagayad ma dabki nangfan e thin ni be yog bagayad.”

Luke 16:23

Me yan i par nga Hades nga fithik’ e amith ni ba ga’; me changar ngalang me guy Abraham nib mal’af, ni bay Lazarus u baraba’ i to’oben.

Isaiah 5:5

“Ba’aray e n’en ni nggu rin’ ko re gi woldug rog ney ni grape. N’en ni ku gu yung nike mang yoror riy nib liyeg e bay gu chuweg, mu gu bilig nga but’ e yoror riy ni be rungrunguy, nge yib e gamanman ni malboch ngay ngi i kay ma be yot’yot’ nga but’.

Proverbs 14:13

Minmin e mang e ra mithag e kirban’. Ma nap’an nra chuw e felfelan’, ma gafgowan’ e bay u rom ni gubin ngiyal’.

Eklesiastes 2:10

Urngin e tin ni gu ba’adag e go’ yag ngog. Dariy bmit e felfelan’ ni gu siyegneg riy. Gu uf uf ko urngin e tin ni gu maruwliy, ma urngin e pin’ey e aram puluwog.

Eklesiastes 2:25

Ya ku bu uw rogon me yag ngom ban’en ni ngam koy fa ngam felfelan’ ngay?