Deuteronomy 9:3 - Bible Ni Thothup

³ Ma bay mu guyed nga owchemed ni SOMOL ni Got romed e bayi m’on romed ni bod ba daramram nib gel. Bay i gel ngorad i yan u nap’an ni gimed be yan nga m’on, ya ngam tulufedrad mi gimed thirifrad u but’ nib machreg, ni bod nike micheg.

Deuteronomy 9:3 Iomraidhean Croise

Exodus 23:23

Angel rog e bay i m’on romed nge fekmed i yan ngalan e nam rok piyu Amor, Hitt, Periz, Kanaan, Hiv, nge yu Jebus, ma bay gu thirif girdi’en e pi nam ney u but’.

Exodus 24:17

Ma piyu Israel e yad be guy maluplupen SOMOL ni bod ba nifiy ni be daramram u daken p’ebugul e re burey nem.

Isaiah 27:4

Dak gur damumuw. Machane fa’anra tugul e rchangal ngay, ma bay gu kirebnag nggu orfeg nga but’.

Isaiah 30:27

Gelngin SOMOL nge muluplupen e yira guy nga palog. Nifiy nge ath e ma dag e damumuw rok. Ra non ma thin rok e ma yik’ ni bod e nifiy.

Isaiah 30:30

I SOMOL e bayi gagiyegnag nge rung’ag gubin e girdi’ lungun ni yima rus ngay’, miyad thamiy gelngin e damumuw rok. Ra yib e nifiy, nge n’uw nib tomgin nib almarin, nge malang ni bay e nifiy riy ni be mulmul, nge n’uw ni sarbul.

Isaiah 30:33

Kakrom e ni fal’eg rogon bangi tagil e nifiy ni ngan urfiy e emperor nu Assyria riy. Gin’em e ba to’ar ma ba ga’ radan, ma ka ni ubung e l’ud riy ngalang. Ma SOMOL e bayi pogofannag ba yil’ i daramram nge aw e nifiy ngay.

Isaiah 33:14

Girdi’ nu Zion ni yad ba sug ko denen e yad be t’on ko marus. Be lungurad, “Gechig rok Got e bod ba nifiy ni be yik ndariy n’umngin nap’an. Gur rayag rok bagadad ni nge dabi yim’ u ba nifiy ni aram rogon?”

Mikah 2:13

I Got e bayi bing e kanawo’ ngorad me fekrad nga wuru’ e re nam ni yad bay riy ni kar kalbus gad. Bay ranod nga wuru’ e garog ko fare binaw nike puf mat’wonrad. Pilung rorad ni aram SOMOL e bayi pow’iyrad nga wuru’ e pi binaw nem.

Matthew 15:10

Me pining Jesus fapi girdi’ ni aram urngirad ngarbad ngak me ga’ar ngorad, “Mu telmed, mi gimed guy rogon ngam nanged fan!

Mark 7:14

Me ere ki pining Jesus fapi girdi’ ni aram urngirad ngarbad ngak bayay me ga’ar ngorad, “Mu telmed ngog ni gimed gubin, mi gimed guy rogon ngam nanged fan.

Roma 8:31

Mang e bay ni kagadad ra weliy u murung’agen e pin’ey? Fa’anra bay Got u ba’ rodad, me mini’ e rayag rok ni nge togopluw ngodad?

Efesus 5:17

Ere dab mpired ni gimed e balyang, ya ngam guyed rogon ngam nanged e n’en nib m’agan’ Somol ngay ni ngam rin’ed.

Deuteronomy 1:30

I SOMOL ni Got romed e bayi pow’iymed, ma bayi cham ni pa’med, nri bod rogon nim guyed ni rin’ u Egypt

Deuteronomy 20:1

“Nap’an ni gimed ra yan ni mael ngak e pi to’ogor romed mi gimed guy e chariot nma girengiy e os, nge os, nge barba’ i salthaw ni yad bayo’or ngomed, ma dab mu rusgad ngorad. Ya SOMOL ni Got romed nike fekmed nga wuru’ yu Egypt e bay romed.

Deuteronomy 20:4

Ya SOMOL ni Got romed e be un ngomed, mra pi’ e to’ogor romed nga pa’med.’

Deuteronomy 4:24

ya SOMOL ni Got romed e bod ba nifiy ni be daramram. Dabun yug reb e kan ni nge tagenging ngak.

Deuteronomy 7:16

Mu thanged owchen urngin e girdi’ ko pi nam ni SOMOL ni Got romed e bayi pi’ nga pa’med, ma dab mu runguyed yad. Dab mu ted fan ara mu meybilgad ko pi got rorad. Ya gimed ra rin’ ma ra yib riy’en ngomed.

Deuteronomy 7:22

I SOMOL ni Got romed e bay i chuweg girdi’en e pi nam u m’on romed ni be boech-mboechnag; gathi bay mu thanged owcherad ta’ab yay, ya ra yo’or e gamanman ni malboch ngar gafgow niged gimed.

Deuteronomy 9:6

Ngar mu nanged ni SOMOL e gathi nge pi’ ngomed e re nam nem nib yong’ol e but’ riy ni fan e bay rogon ni nge pi’ ni ngam tafned. Ri danga’, ya gimed bogi girdi’ ni gimed ba gelan’.

2 Thessalonika 1:8

nge nifiy ni be daramram, ni nge gechignag e pi’in nde t’uf rorad ni ngar nanged murung’agen Got nge pi’in ndarir folgad ko fare Thin Ni Bfel’ ni murung’agen e Somol rodad i Jesus.

Hebrews 12:29

ya Got rodad e riyul’ nib nifiy nma urfiy ban’en.

Joshua 11:12

Me kol Joshua gubin fapi binaw nge pilung riy, me thang e pogofan rok urngin e girdi’, nri bod ni yog Moses ni fare tapigpig rok SOMOL.

Joshua 11:8

Me gelnag SOMOL piyu Israel ngak e pi to’ogor rorad ko mael. Cham yu Israel ngorad ngar tulufedyad i yan ngalan e lel’och ngar mada’gad nga Misrefoth Maim ngu Sidon, mu kuyad tulufrad ngalan e ngek ngar mada’gad ko loway nu Mizpah. Min cham nge mada’ ko ngiyal nri dakuriy ta’reb fapi to’ogor rorad ni kabfos.

Joshua 14:12

Ere chiney e ngam pi’ ngog fare gi binaw ni bay u daken e ted ni ognag SOMOL ngog e rofen ni ba’aram ni gubad fapi pumo’on gu welyed murung’agen. Gogned ngom e ngiyal’nem ni fa mit i girdi’ nib ga’ ma ba tagyet ni kanog e Anakim ngorad e yad bay u rom u lan bogi binaw nib ga’ ma kan yororiy. Sana ra un SOMOL ngog, mu gu tulufrad ngar chuwgad u rom, ni bod ni yog SOMOL.”

Joshua 3:11

Fare Kahol ko M’ag rok Somol ni ir e Somol ko fayleng ni ga’ngin e bayi th’ab e Jordan nga baraba’ ni be m’on romed.

Joshua 3:14

Ma aram me chuw piyu Israel ko gin yad be par riy, ngranod ni ngar th’abed fare lul’ ni Jordan nga barba’. Ma fapi prist ni yad be mat’nag fare Kahol ko M’ag e yad bay nga m’on ko girdi’,

Judges 4:14

Me ga’ar Deborah ngak Barak, “Mman! Ya daba’ e ke gagiyegnag SOMOL ni ngam gel ngak Sisera ko mael. Ya SOMOL e be pow’iyem!” Me yan Barak u daken e burey ni Tabor nga p’ening ni yad fa 10,000 i pumo’on ni salthaw rok.