Deuteronomy 26:2 - Bible Ni Thothup

² mra bigimed ma thangri dugnag e tin som’on nike yib u bmit e woldug nge bmit ngam feked i yib ko ta’gin’en tagil’ e liyor.

Deuteronomy 26:2 Iomraidhean Croise

2 Kings 4:42

Ma bayay me yib be’ nib mo’on u Baal Shalishah, nike fek i yib ngak Elisa rliw’ i flowa ni lof, nni ngongliy ko tin som’on e barley nt’ar e re duw i n’em, nge ba thum i grain ni kafinni th’ab ni kab kak’ling. Me yog Elisa ngak e tapigpig rok ni nge durwi’iy fare ulung i profet ngay,

2 Kronicles 31:5

Yug nap’an ni yog fare pilung e ren’ey, me fek e girdi’ nu Israel e pi tow’ath rorad i yib ni tin th’abi fel’ e grain, nge wayin, nge gapgep ni olive, nge honey, nge ku boch ban’en ni wom’ngin e woldug, mu ku ra feked i yib ragag e pasent u gubin e tin ni bay rorad.

2 Kronicles 6:6

Machane chiney e ku gu mel’eg yu Jerusalem ni aram e gin ngu’un liyor ngog riy, me gur David e ngu’um gagiyegnag e girdi’ rog.’”

Nehemiah 12:44

Ngiyal’ nem e nni tay boch e pumo’on ni nge milfan e pi senggil ni tafen e cha’ar ngorad ni aram e gin ni yima cha’riy e pi f’oth nu Tempel riy, nib mu’un e ragag e pasent ni yima pi’ nge tin ni nga’on e grain nge wom’ngin e gek’iy nike lol u reb duw. Pi pumo’on ney e maruwel rorad ni ngar kunuyed ko milay’ i yan nib chugur ko fapi binaw e pi f’oth ni fan ngak e prist nge pi Levite ni bod ni bay ko Motochiyel. Urngin e girdi’ nu Judah mab m’aguwan’rad e maruwel rok e prist nge Levite,

Nehemiah 13:31

Mu gog ngal’an ni ngu’un fek i yib e l’ud ni fen e maligach ni mo’oruf, nge girdi’ ni ngi i fek e tin nga’on e grain rorad ni maligach nge tin som’on nike lol u wom’ngin e gek’iy rorad. A Got, dab mu pagtalin gubin e pin’ey, ma ga tow’ath nigeg riy.

Exodus 20:24

Mu ubungyed e altar rog ni but’, mi gimed tay e pi maligach ni ngan orfeg nga daken, ni bogi saf nge garbaw ni maligach ngog, nge pi maligach ko gapas u thildad. Ma gu ra yib ngomed nggu fal’eg wa’athmed u gubin yang ni kug turguy ni ngu’um meybilgad riy ngog.

Exodus 22:29

“Mu pi’ed ngog e tin gimed ma ognag ngog nike taw nga nap’an ko grain romed, wayin, nge gapgep ni olive. “Mu pi’ed ngog e tin ba nganni’ u pifakmed ni pumo’on.

Exodus 23:16

Mu madnom niged e Madnom ko T’ar Wom’ngin e Woldug ko ngiyal’ ni kam tababgad i t’ar wom’ngin e woldug romed. “Mu madnom niged e Madnom ko Nochi Na’un, ko ngiyal’ ni gimed ra kunuy wom’ngin e woldug romed.

Exodus 23:19

“Gubin e duw mu’um feked i yib nga naun rok SOMOL ni Got romed e tin som’on e grain romed ni ka mu t’ared. “Dab mu lithed ba fak e saf, fa ba fak e kaming u fithik’ i logowen thuthun e chitiningin.

Exodus 34:26

“Ra reb e duw ma dabisiy ni ngam fek i yib ko naun rok SOMOL e tin th’abi fel’ ko tin som’on i wom’ngin e woldug rom ni grain. “Ma dab mu lith ba fak e saf ara kaming u fithik’ logowen e thuth rok e chitiningin.”

Jeremiah 2:3

Israel, kemus ni gag e mmil suwom ngog, I gur e ga ba thothup nib milfam ngog. Gu pi e gafgow nge riya’, nga daken gubin e pi’in u ra gafgow niged gur. I Gag SOMOL e kugog e pi thin ney.”

Ezekiel 20:40

U rom u lan fare nam, ko fare burey rog nib thothup, ni fare burey nib tolang nu Israel, e gimed gubin e girdi’ nu Israel ni bay um liyorgad ngog. Bayi falan’ug ngomed ma gu be sap ngomed ni ngam feked e maligach romed i yib, ni tin th’abi fel’, nge pi tow’ath romed nib thothup.

Ezekiel 44:30

Fapi prist e yad e nge yag ngorad e bin thabi fel’ u wom’ngin gubin e woldug ni tin som’on nge gubin e tin ni kan pi’ ngog. Gubin ngiyal’ nra lith be’ e flowa, ma bin som’on e lof e ngan pi’ ko prist ni bod ba maligach, ma fal’eg wa’ath rog e bay i gif u daken e pi tabnaw rorad.

Ezekiel 48:14

Re gi binaw nni ognag ngak SOMOL e aram e gin th’abi fel u fithik’ gubin yang, ni dariy bang riy ni yira pi’ ni chuway’, fa ni thilyeg ngabang ara ni pi’ ni nge tafnay be’. Ya ba thothup nib milfan ngak SOMOL.

Levitikus 2:12

Tin ngan ognag ko tin som’on e grain ni ngan t’ar u reb e duw e ngan fek i yib ngak SOMOL, machane dab ni orfeg u daken e altar.

Levitikus 2:14

Nap’an ni yira fek i yib ngak SOMOL e tin som’on ko grain ni kan t’ar ni ngan ognag ngak, ma ngan pi’ e grain ni mo’ oruf ara grain ni kan bilig.

Roma 11:16

Fa’anra ni pi’ e gin som’on u ba yal’ i flowa ngak Got, ma aram e fare yal’ i flowa ni polo’ e ke milfan ngak; ma fa’anra ni pi’ lik’ngin ba ke gek’iy ngak Got, ma ku errogon papa’ngin nike milfan ngak.

Roma 16:5

Ngki felan’ Got ngak fare galesiya nma mu’ulung nga taferow. Nge felan’ Got ngak Epenetus, ni fager rog nrib t’uf rog, ni ir e som’on ni mich Kristus u wan’ u lan e nug nu Asia.

Roma 8:23

Gathi kemus ni tin ke sunumiy Got; gadad e pi’in bay fare Kan Nthothup rodad ni ir e bin som’on ko pi tow’ath rok Got, e ku er rogodad ni gadad be gel’gel’ u fithik’ i lanin’dad, ma gadad be sonnag Got ni nge ngongliydad ngad manged pifak, me chuwegdad u tan pa’ e wod.

1 Korinth 15:20

Machane bin nib riyul’ e ka ni faseg Kristus ko yam’, ni aram e mich riy ni pi’in karm’ad e bay ku ni fasegrad ko yam’.

1 Korinth 15:23

nib yaram nike tay Got: ni Kristus e som’on ni ngan faseg ko yam’; me migid e pi’in girdi’en Kristus ko ngiyal’ ni bayi sul Kristus riy.

1 Korinth 16:2

Chirofen nsom’on u gubin e wik ni aram e madnom e ra bigimed ma thangri fek boch u puluwon nge tay ngabang ni be yan u rogon e salpiy ni be yag ngak, ya nggu taw ma dakuriy fan ni ngan mukun salpiy.

Deuteronomy 16:10

ma aram e ngam madnom niged fare Madnom ko T’ar Wom’ngin e Woldug, ni ngam tedfan SOMOL ni Got romed, ni ngam feked i yib ngak e maligach ni gimed e ka mu leam niged ni ngam pi’ed ni bang ko tin ke fal’eg wa’athmed riy.

Deuteronomy 18:4

Ma yad e ngan pi’ ngorad e tin ba nga’an ko grain, wayin, nge gapgep ni olive, nge tin nsom’on u bunu’en e saf.

Deuteronomy 26:1

“Gimed ra yan mpired ngalan fare nam ni SOMOL ni Got romed e bayi pi’ ngomed,

Deuteronomy 26:3

Marod ko re prist ni ir e be maruwel e ngiyal’nem ngam ga’argad ngak, ‘Chiney e nggu pininged e magaer ngak SOMOL ni Got romad ya kug thapgad ngalan fare nam ni micheg ngak pi chitamangimad ni kakrom ni bayi pi’ ngomad.’

James 1:18

Mi ir e turguy u wan’ ni nge fakaydad u daken e thin rok nib riyul’, ni bochan e ngad pired ni gadad bm’on u fithik’ urngin e tin ni sunumiy ban’en ni tin ni bay e pogofan rok.

Joshua 18:1

Nga tomuren nike kol yu Israel fare nam miyad mu’ulung ni yad gubin nga Shiloh ngar n’ufed ngalang fare Tent u p’eowchen SOMOL.

Revelation 14:4

Yad fapi pumo’on nra ted yad ni yad bmachalbog ndar pired e ppin ma dar uned ko mabgol. Demturug e gin ni be yan fare Fak e Saf ngay ma yad be un ngak; ya kan biyuliyrad u fithik’ e tin ni kabay e girdi’ nu fayleng ma yad e tin som’on e girdi’ nni pi’rad ngak Got nge ngak fare Fak e Saf.