Deuteronomy 1:42 - Bible Ni Thothup

⁴² “Machane me ga’ar SOMOL ngog, ‘Mog ngorad ndab ranod ko mael, ya dab gu un ngorad, mra li’rad e pi to’ogor rorad.’

Deuteronomy 1:42 Iomraidhean Croise

Isaiah 30:17

Gimed ra guy ta’reb e to’ogor romed ma bbiyu’ i gimed e ra mil, ma ra yib lal e to’ogor ma ngam milgad ni gimed gubin. Dariy ta’reb e salthaw romed nra magey, ya kemus ni kolngin e flak e ra magey u daken e burey!

Hosea 9:12

Machane fa’an yad ra fakay e bitir, ma bay gu chuweg rorad ni dariy baygad nra fos. Nap’an ni gu ra n’ag e pi girdi’ ney, ma bayi buch bogi ban’en rorad nrib kireb.”

Levitikus 26:17

Bay gu pi’ keru’ug ngomed, ya ngam waergad, ma pi’in yad ba fananikaymed e bay ra gagiyeg niged gimed; bay um pired u fithik’ e marus ngu’um milgad ndariy be’ ni be tulufmed.

1 Samuel 4:10

Me cham e pi Filistine ngak piyu Israel nib el mirin; me waer piyu Israel ngranod nga taferad ni yad be mil. Ma ba pire’ e girdi’ ni yim’, ya 30,000 e salthaw nu Israel ni yim’.

1 Samuel 4:2

Me fal’eg e pi Filistine rogorad ni ngar oggad ngak piyu Israel, miyad mael ngorad ngar gelgad, ya gonap’an 4,000 e pumo’on nu Israel nra li’ed ko gin ba’aram nra maelgad riy.