Daniel 8:5 - Bible Ni Thothup

⁵ Nap’an ni ku gu be leamnag ko mangfan e ren’em, me yib ba kaming ni pumo’on u lan e ngal ni be mil, ni be yan nrib machreg ndakir math ay nga but’. Ma bay ta’ab gagey nib ga’ u thilin owchen.

Daniel 8:5 Iomraidhean Croise

Daniel 11:3

“Ma aram e bay yib ba pilung nib falu’ ko mael. Ma ba ga’ yang e nam ni bay i gagiyegnag mi i rin’ e tin ni ba’adag.

Daniel 2:32

Ma lolugen e tin th’abi fel’ e gol e ni ngongliy ngay. Ma ngorongoren nge pa’ e ni ngongliy ko silber, ma lukngun nge chagiyen e ni ngongliy ko wasay ni bronze.

Daniel 2:39

Bay yib reb e pilung nga tomrem ngi i gagiyeg, ma gagiyeg ni bay i tay e dabiyag ni nge yan i taw nga rogon e gagiyeg ni um tay, nge mu’ me yib e bin dalip e pilung, ni gagiyeg rok e bod e wasey ni bronze, ni ir e bay i gagiyegnag e fayleng ni polo’.

Daniel 7:6

Ku gu be changar mu gguy yugu reb e gamanman ni bod ya’an ba leopard, ni aningeg pon ni bay u daken keru’, ni bod pon e arche’, ma aningeg lolugen. Ma ka ni pi’ gelngin ni nge gagiyeg.

Daniel 8:21

Fare kaming ni pumo’on e aram e nam nu Greece, ma fare gagey ni ba ga’ ni bay u thilin owchen e aram e bin som’on e pilung.

Daniel 8:6

Ma fa’ani yib ngak fare saf ni pumo’on ni l’agruw e gagey rok ni fa’ani gguy nib sak’iy u to’oben fare lul’, me yan ngak ni be mil nike musmus nga machargin.

Daniel 8:8

Ma re kaming nem e be munmun ma be gel e tolngan’ rok nge ufanthin, machane nap’an ni yan i taw nga gelngin fare kaming me m’ing fare gagey rok. Me yib i for aningeg e gagey ni ba ga’ u luwan, nra reb ma gin ba sor ngay.