Daniel 7:1 - Bible Ni Thothup

¹ Bin som’on e duw ni Belshazzar e pilung nu Babylon, e gag Daniel e gu lik’ay ni nep’ gguy ban’en u malik’ay rog; mu gu yoloy e re lik’ay rog nem nga babyor, ere ba’aray e tin ni gu yoloy nga babyor,

Daniel 7:1 Iomraidhean Croise

Genesis 15:1

Tomuren e biney, mi ni piliyeg e changar rok Abram me rung’ag laman SOMOL ni be non ngak ni be ga’ar, “Abram, dab mu rus. I gag e bay gu yororiyem ni dabi buch ban’en rom; mu gu fal’eg wa’atham.”

Genesis 46:2

Me non Got ngak Israel nnep’ ni ga’ar, “Jakob, Jakob.” Me ga’ar Jakob, “Gu be motoyil.”

BABYOR NI JOB 4:13

Bod rogon ba lik’ay nib tamdag ni kirebnag e mol rog.

Isaiah 30:8

Got e yog ngog ni nggu yoloy ngalan ba ke babyor e n’en nib mrin’ e girdi’, ya ngi i par ni be micheg ferad kireb.

Isaiah 8:1

I SOMOL e ga’ar ngog, “Mu fek bangi n’en ni ba ga’ yang ni yima yol nga daken ngam yoloy e yol ni ba ga’ ngay ni be ga’ar: ‘Fek Chugom u Fithik’ e Yargal nib Machreg.’

Jeremiah 23:28

Ra lik’ay reb e profet ma thangri yog ni lik’ay e ke tay, ma re profet nike rung’ag e thin rog ni kug weliy ngak ni nge yog e thangri weliy u fithik’ e yul’yul’. Ra ni puluweg kenggin e wheat nga wom’ngin ma mang e bfel’ ni bay u kenggin e wheat?

Jeremiah 27:7

Urngin e nam ni bay ra pigpiggad ngak, ma bay ku ra pigpiggad ngak be’ nib mo’on ni fak nge be’ nib pagel ni fak e re mo’on ni fak nem nge taw ko ngiyal’ nike waer fare nam rok. Ma aram e nam rok e bay i pigpig ko pi nam nib gel gelngin nge pi pilung nib ga’ lungun.

Jeremiah 36:32

Ma aram mu gu fek bang e babyor ni yima bachiy nggu pi’ ngak Baruk ni tayol rog, me yoloy ngay urngin e thin ni gog ngak. I yoloy urngin e thin ni immoy u lan fare gi babyor nsom’on, nge ku boch e thin nib chugur fan ngay.

Jeremiah 36:4

Aram mu gu pining Baruk nib mo’on ni fak Neriah, mu gu weliy ngak urngin e pin’en nike weliy SOMOL ngak. Me yoloy Baruk ni gubin ngalan bangi babyor ni yima bachiy.

Ezekiel 1:1

Bin lal e rran ko pul ni aningeg ko duw ni guyey e ug pired e girdi’ nu Israel ni kan fekmad u Israel nga Babylon ni kalbus, ma gamad be par u to’oben e lul’ ni Kebar. Me mab lanelang me piliyeg Got e changar rog me dag ban’en ngog. (

Ezekiel 40:2

U lan e changar rog ni pilyeg e fekeg Got ko binaw nu Israel nge teg nga daken bburey nib tolang. Puluwon owcheg e gguy ban’en ni bod bbinaw nib ga’ nib sug ko naun.

Daniel 1:17

Me pi’ Got e llowan’ ngak fa aningeg i pagel ngar salapgad i be’eg e babyor miyad nang fan e tin ni bay u babyor, miyad salap i gonopiy urngin mit ban’en. Me pi’ Got e gonop ngak Daniel nrayag ni nge weliy fan e tin nma piliyeg e changar ngu’un guy nge lik’ay.

Daniel 2:1

Nga l’agruw e duw nike pilung Nebukadnezzar, me lik’ay. Ma rib gel e magafan’ ni yib ngak ni bochan e re lik’ay nem ndakiyag ni nge mol.

Daniel 2:26

Me ga’ar e en ni pilung ngak Daniel (ni reb i fithingan e Belteshazzar), “Mog, rayag rom ni ngam weliy ngog e lik’ay rog nge fan?”

Daniel 4:13

“Nap’an ni gu be leamnag e n’en ni kug guy u malik’ay mu gguy ba engel ni yugu be matanag nike yib u tharmiy nga but’.

Daniel 4:5

Machane mu gu tay ba lik’ay ni gu rus ngay, ya gguy bogi ban’en nrib tamdag ya’an ko ngiyal’ ni gu be mol.

Daniel 5:1

Nap’an ni Belshazzar e pilung me pi’ e thin nge yan ngak reb e biyu’ e pi tolang ni bay nga tan pa’ ni ngarbad ngab mur ni ba ga’, miyad un ngak i unum e wayin.

Daniel 5:22

“Me gur fak e dawor mu sobut’nag an’um, ni yugu aram rogon ni ga manang e pin’ey ni urngin.

Daniel 5:30

Ka re nep’ i n’em min thang e pogofan rok Belshazzar ni Pilung nu Babylon,

Daniel 7:13

Nap’an ni gu be guy e pin’ey u malik’ay rog ni nep’, mu gguy be’ ni bod ya’an ba girdi’, nike yib e manileng i ing, ma be chugur i yib min fek i yan ngak fa’anem ni kab kakrom i yib ni immoy.

Daniel 7:15

Pin’en ni gguy u malik’ay rog e gu rus ngay, mu gu par ni kari magafan’ug.

Daniel 7:7

Ma nap’an ni ku gu be changar, mu gguy e bin aningeg e gamanman, nrib tamdag ya’an ni yira rus ngak, ma ba gel. Ma bay nguwelen ni gagang’ ni wasey, me par ni yugu be longuy ma be popof e n’en ke kol ma be yot’yot’ e tin ke magey riy; ma de bod reb fa tinem e gamanman. Ma ragag e gagey rok,

Daniel 8:1

Re duw i n’en ni gaman e dalip e duw ngay nike pilung Belshazzar, me pilyeg e changar rog ni aram e yay ni l’agruw ngay.

Joel 2:28

’Ma tomur riy e bay gu pu’og e Kan Nthothup rog nga daken urngin e girdi’, ma pi’in pagel romed nge pi’in rugod romed e bay ra weliyed e thin rog ngak e girdi’; ma pi pumo’on ni kar pilibthirgad e bay i yib e lik’ay ngorad, ma pi’in pagel romed e bay ni piliyeg e changar rorad ngu’ur guyed bogi ban’en.

Amos 3:7

I SOMOL ni Th’abi Tolang e dariy ban’en nma rin’ nder ma dag ngak e pi profet, ni aram e pi tapigpig rok.

Habakkuk 2:2

Ba’aray e fulweg ni pi’ SOMOL ngog, “Mu yoloy nga but’ e pin’en ni kug dag ngom, ya nge mom nni be’eg.

Numbers 12:6

Me ga’ar SOMOL, “Mu telmew ko tin ni nggog! Ra bay e profet u fithik’med ma gu ma piliyeg e changar rorad ngar nanged gag, fa gu non ngorad u malik’ay.

Roma 15:4

Ya urngin ban’en nni yoloy ngalan e babyor nib thothup e ni yoloy ni nge fonow nagdad, ni bochan e nge yag e l’agan’ ngodad u fithik’ e gumaen’ nge athamgil laniyan’ ni be pi’ e thin ko babyor nib thothup ngodad.

2 Korinth 12:1

Thingar gu welthin ni nggu n’ufeg, ni yugu aray rogon ndariy ban’en nra yib riy ni bfel’. Machane chiney e nggu weliy murung’agen e tin ni kan piliyeg e changar rog kug guy nge tin ni kan dag ngog ni Somol e dag.

Revelation 1:19

Ere mu yoloy e pin’en ni ga be guy, ni pin’en ni bay e chiney nge pin’en ni bay fini yib i m’ug.

Revelation 10:4

Ma nap’an nra nonod mu gu wan ni nggu yol. Machane mu gu rung’ag ba lam nike non u tharmiy ni ga’ar, “Mu tay nib mith e tin keyog fa medlip i dirra’; dab mu yoloy!”