Daniel 3:17 - Bible Ni Thothup

¹⁷ Fa’anra bay reb e got nrayag rok ni nge ayuwegmad u lan fare tafen e nifiy ni be daramram ma ra yan i aw ni Got romad, ni ir e gamad ma fol ko thin rok, me ir e bayi ayuwegmad u pa’am.

Daniel 3:17 Iomraidhean Croise

Genesis 17:1

Nap’an ni mereb i ragay nge merab e duw yangren Abram, me yib i m’ug SOMOL ngak me ga’ar ngak, “I gag Got ni Gubin ma Rayag Rog. Mu par ni ga be fol rog u n’umngin nap’an e yafos rom ngam par ni dariy thibngim.

Genesis 18:14

Gur bay ban’en nrib mo’maw’ u puluwon SOMOL? Bayi taw nga nap’an, ni aram e ke mereb e pul ma bay gu sul, ma aram e bayi gargel Sarah ni bochi pagel.”

BABYOR NI JOB 34:29

Fa’anra turguy Got ndariy ban’en ni nge rin’, ma dariy be’ nrayag rok ni nge thibthibnag. Ma fa’anra mithag owchen, mra par e girdi’ ni dariy ban’en nrayag rorad.

BABYOR NI JOB 5:19

Gubin yay ni ir e ma ayuwegnem ni dabi buch ban’en rom;

Psalms 115:3

Got romad e bay u tharmiy, ni be rin’ e tin ni be finey.

Psalms 37:39

I SOMOL e ra thapeg e pi’in yad mmat’aw, me yororiyrad ko ngiyal’ nike yib e oloboch ngorad.

Psalms 37:40

I SOMOL e ma ayuwegrad nge lufrad u pa’ e pi’in kireb, ni bochan e ranod ngak ni nge mang manaf rorad.

Psalms 73:20

A Somol, yad bod ba lik’ay ni kadbul ma dariy; yira od ma ka ni pag talin.

Isaiah 12:2

Got e ta’ayuw rog; Bayi pagan’ug ngak ma dab ku gu tamdag. I SOMOL e pi’ gelingig; ya ir e ta’ayuw rog.

Isaiah 54:14

Ngongol nib yal’uw ma bmat’aw e bayi gel nigem; ma dakuriy e gafgow nge marus ni nge yib ngom.

Jeremiah 1:8

Dab mu tamdag ngorad, ya bay ug un ngom ngu’ug yoror rom. I Gag SOMOL e kugog e pi thin ney!”

Jeremiah 15:20

Bay gu gagiyeg nigem ngam par u puluwrad ni ga bod bangi rungrung nib el nni ngongliy ko wasey ni bronze. Bay ur bad ra chamgad ngom, ma dabiyag ni ngar gelgad ngom. Bay gu un ngom ngu’ug yoror rom ngam par ndabi buch ban’en rom.

Jeremiah 15:21

Bay gu chuwegem u pa’ e girdi’ nib kireb, mu gu ayuwegnem rok e pi’in yad ma gafgownag e girdi’. I Gag SOMOL e kugog e pi thin ney.”

Daniel 3:26

Me yan Nebukadnezzar ko mab ko fare tafen e nifiy ni be daramram me pong ni ga’ar, “Shadrak! Meshak! Abednego! Gimed e pi tapigpig rok Got ni Ir e Th’abi Tolang! Mired nga wean!” Miyad yib nga wean ni ka chingiyal’ nem.

Daniel 4:35

Ra ni paluwnag e girdi’ nu fayleng ngak mra yan i par e girdi’ nu fayleng nib m’ayfarad; i ir e be gagiyegnag e pi engel nu tharmiy nge girdi’ nu fayleng. Dariy be’ nrayag rok ni nge togopluw ko tin ke duwgiliy u wan’, ara fith ngak e n’en nma rin’.

Daniel 6:16

Me pi’ fare pilung e thin ni nga ni fek Daniel nganin’ ngalan fare low ni tafen e layon. Me ga’ar ngak Daniel, “Fare Got rom ni ir e ri ga be pigpig ngak u fithik’ e yul’yul’, e ir e nge ayuwegnem.”

Daniel 6:23

Mri felfelan’ fare pilung me yog ni nga ni girengiy Daniel u lan fare low ngalang. Ma aram miyad girengiy ngalang miyad guy ni dariy bochiyang nike maad’ad u downgin, ni bochan e pagan’ rok ngak Got.

Daniel 6:27

Ma ayuweg e pogofan mma chuwegey u fithik’ e riya’; ma ngongliy e tin yira ngat ngay nge pi maang’ang u tharmiy ngu but’. Ke ayuweg Daniel rok e layon.”

Mikah 7:7

Machane gag e gu be toer ngak SOMOL. Bay ug par nike l’agan’ug ngak Got ma gu be son nag, ya ir e bayi ayuwegneg; Got rog e bayi rung’ag lungug.

Luke 1:37

Ya dariy ban’en ndabiyag rok Got.”

Acts 20:24

Machane kug finey ni pogofan rog e dariy rogon ngog, ni fan e nge yag ni gu mu’nag e maruwel ni kan pag fan ngog mu gu mu’nag e maruwel ni Somol Jesus e ke pi’ ngog ni nggu rin’, ni aram e nggu weliy ngan nang fare Thin Ni Bfel’ ni murung’agen feni t’uf e girdi’ rok Got.

Acts 21:13

Machane me fulweg ni ga’ar, “Mang e kam rin’ed ni gimed be yor gimed be kirebnag an’ug? Kug fal’eg rogog ni gathi kemus ni ngan m’ageg u Jerusalem machane mus ni nggum’ ni fan ngak Somol Jesus.”

Roma 8:31

Mang e bay ni kagadad ra weliy u murung’agen e pin’ey? Fa’anra bay Got u ba’ rodad, me mini’ e rayag rok ni nge togopluw ngodad?

2 Korinth 1:10

Susun e nggu m’ad, machane ir e ayuwegmad nda gu m’ad, ma bay i ayuwegmad i yan; me ir e ke l’agan’mad ngak ni bay ki ayuwegmad ko riya’ bayay,

Hebrews 7:25

Ere chiney nge gubin ngiyal’ e rayag rok ni nge thapeg ngak Got e pi’in yad ra yib ngak Got u daken, ni bochan e bay i par nib fos ni dariy n’umngin nap’an, ngi i wenignagrad ngak Got.

1 Samuel 17:37

I SOMOL e ke ayuweg e pogofan rog u pa’ e layon nge bear, ere ku bayi ayuwegneg u pa’ e re Filistine nem.” Me ga’ar Saul, “Kefel’, mman, mi SOMOL e nge un ngom ngam marow.”

1 Samuel 17:46

Daba’ e nge pi’em SOMOL nga pa’ag; bay ggel ngom, mu gu th’ab k’angam nggu luf lolugem, mu gu pi’ downgin e salthaw ko pi Filistine ngak e arche’ nge gamanman ngar longuyed. Ma bayi nang ga’ngin e fayleng ni yu Israel e bay ba Got rorad,