Daniel 3:12 - Bible Ni Thothup

¹² Bay boch e girdi’ ni Jew ni kam tayrad ni yad e ngu’ur gagiyeg niged yu Babylon, ni aram Shadrak nge Meshak nge Abednego. Darir folgad ko tin kamog i gur pilung. Darir ted fan e birom e got, ara ra siro’gad ko fare liyos ni mu suweg ngalang.”

Daniel 3:12 Iomraidhean Croise

Ester 3:8

Aram me yog Haman ngak fare pilung ni ga’ar, “Bay bmit i girdi’ ni yad ba wear u daken gil’ilungum ni ga’ngin ni yira piri’egrad u lan urngin yang e pi nug ni ga ma gagiyegnag. Pi yalen rorad e yug ba thil nga yalen gubin e girdi’. Ma ku reb e darir ma folgad ko pi motochiyel u lan gil’ilungum, ere de fel’ ni ngam fek owchem rorad.

Proverbs 27:4

Damumuw e bbuchan’ ma ba magothgoth, machane talyag e ba thum’ ngaru’.

Eklesiastes 4:4

Mu ku gu nang ko mangfan nma maruwel e girdi’ nib gel ni nge fel’ rograd: fan e be awan’rad ko tin bay rok e pi’in yad bbuguliyoror. Machane ba m’ayfan. Bod ni yibe lol’oeg e nifeng

Daniel 1:7

Fa’anem ni ir e tolang ni yad bay u tan pa’ e thiliyeg fithingrad, nge tunguy Belteshazzar nge Shadrak nge Meshak nge Abednego ngorad.

Daniel 2:48

Ma aram me tay Daniel nga reb e liw nib tolang, me pi’ e tow’ath ngak ni pire’ ma rib fel’ me tay ni nge mil fan e nug nu Babylon ngak, me tay ni ir lolugen urngin e pi tafnow rok e en pilung.

Daniel 2:49

Me wenig Daniel ngak e en ni pilung min tay Shadrak nge Meshak nge Abednego ni ngu’ur gagiyeg niged e nug nu Babylon; me par Daniel u tafen e en ni pilung.

Daniel 3:11

Ma en ndabi siro’ nge tay fan e nga nin’ ngalan ba tafen e nifiy ni be daramram.

Daniel 3:16

Me fulweg Shadrak nge Meshak nge Abednego ni lungurad, “Pilung, dab gguyed rogon ni nggu yoror gad romad.

Daniel 3:29

“Ere chiney e nggog ni fa’anra non be’ u reb e nam, ara be’ u reb e racha’, ara be’ u reb e thin ni be darifannag fare Got rok Shadrak nge Meshak nge Abednego, ma nga ni popof pa’ nge ay min buthug e naun rok. Ya dakuriy yugu reb e got ngabang nrayag rok ni nge ayuweg e pogofan ni aray rogon.”

Daniel 3:30

Me tay fare pilung Shadrak nge Meshak nge Abednego ko liw nib tolang u lan yu Babylon.

Daniel 6:13

Ma aram miyad weliy ngak e en ni pilung ni lungurad, “Fa’anem i Daniel, ni reb fapi kalbus nni fekrad u Judah ngaray, e der tayfam i gur pilung, ma der fol ko fare motochiyel ni kam pi’. Ya be meybil ni dalip yay u reb e rran.”

Daniel 6:14

Fa’ani rung’ag e en ni pilung ni aram rogon, me kireban’ me par ngi i leamnag rogon e n’en nra rin’ me siy ku ni pi’ e binem e gechig ngak Daniel. Me par ni be leamnag nge aw e yal’.

Acts 17:7

ma ke tayrad Jason u lan e naun rok. Yad gubin ni yad be th’ab e motochiyel rok e Emperor nu Roma, ni fan e yad be yog ni kabay reb e pilung ngabang ni Jesus fithingan.”

Acts 5:28

“Kug ted chiylen ngomed ndab kum machib niged fithingan nge murung’agen e re mo’on nem; machane amuguyed aray e n’en ni kam rin’ed! Kam wereged e tin ni gimed be machibnag u gubin yang u Jerusalem, ma gimed ba’adag ni ngan leamnag ni gamad e gu warod u murung’agen ngan li’ ngem’!”