Daniel 2:4 - Bible Ni Thothup

⁴ Miyad fulweg ngak e en ni pilung ni thin ni Aramaic ni lungurad, “Gur pilung e ngam par ndariy n’umngin nap’an! Mog e lik’ay rom ngomad, ma gamad weliy fan ngom.”

Daniel 2:4 Iomraidhean Croise

Genesis 31:47

Me tunguy Laban fithingan fare ulung i malang ni Jegar Sahadutha, machane Jakob e tunguy fithingan ni Galeed.

Genesis 41:8

Ma fa’ani kadbul me par nike magafan’, me l’oeg e thin nge yan ngak urngin e pi tamerong nge pi’in ni gonop u Egypt ni ngarbad ngak. Me weliy ngorad e lik’ay rok, machane dariy bagayad ni yag rok ni nge weliy fan ngak.

1 Kings 1:25

Daba’ e pire’ e garbaw nge saf nge pifak e garbaw nib sugsug nike pi’ ni maligach, ma ke pi’ e thin ke yan ngak urngin pifakam ni pumo’on, nge ngak Joab ni pilungen e salthaw rom nge ngak Abiathar ni prist ni ngarbad. Chiney e yad be madnom ma yad be tolul ni be lungurad, ‘Adonijah ni Pilung e nge par nib n’uw nap’an!’

1 Kings 1:31

Me paraw Bathsheba nga but’ me ga’ar, “David ni gur e SOMOL rog nge pilung rog, e mang e yugum par ndariy n’umngin nap’an!”

2 Kings 18:26

Me ga’ar Eliakim nge Shebna nge Joah ngak fare pilungen e salthaw, “Wenig ngom, mu non ngomad nthin ni Aramaic. Ya gamad ra nang fan; ma dab mu non ni thin ni Hebrew, ya urngin e girdi’ ni bay u daken e yoror ko binaw e yad be motoyil.”

Ezra 4:7

Miki yan i bayay u na’pan e gagiyeg rok Artaxerxes ni Emperor nu Persia me yoloy Bishlam, nge Mithredath, nge Tabeel, nge pi’in yad ngabang bang e babyor ngan pi’ ngak fare emperor. Re gi babyor nem e ni yoloy nthin nu Aramaic, re ni pilyeg ngan be’eg.

Nehemiah 2:3

mu gu fulweg ni lungug, “Pilung, ngam par ndariy n’umngin nap’an! Ra di’in mu gu par ndabi kireban’ug ni re binaw ni ka ni k’eyag e pi ga’ rog riy kakrom e ke mogothgoth ma pi garog riy e kan urfiy?”

Isaiah 36:11

Ma aram me ga’ar Eliakim, Shebna, nge Joah ngak, “Mu non ngomad ni Aramaic. Ya gamad ra nang fan. Dab kum non ni Hebrew; ya urngin e girdi’ u daken e rungrung ma be motoyil.”

Isaiah 44:25

Gu be gagiyegnag e pi tamanbay yad be non non ngabang, ma gu be ngochngochan’nag e pi’in yad ma yaliy e t’uf. Thin ko pi llowan’ e gu be dalibnag, be m’ug ni gonop rorad e bbalyang.

Daniel 1:4

Ni dabisiy ni bogi pagel nib picho’ay ndariy bang u dowrad nib tagan, ma ba tamilangan’rad, ma bfel’ e sukul ni kan tay ngorad, ma yad ba lichow, nrayag rorad ni ngu’ur pigpiggad u tafen e en ni pilung. Mi Ashpenaz e nge fil ngorad rogon i be’eg e babyor nge rogon ni yima yoloy e thin nu Babylon.

Daniel 2:7

Me lungurad ngak bayay, “Pilung, fa’an ga ra yog ngomad e re lik’ay rom nem, ma aram e gamad ra weliy fan ngom.”

Daniel 3:9

Ya lungurad ngak Nebukadnezzar ni Pilung, “Pilung, ngu’um par ndariy n’umngin nap’an.

Daniel 4:19

Ma aram e Daniel (ni ku yima pining Belteshazzar ngak) e par nike magafan’ ndakiyag ni nge yog ban’en. Me ga’ar e en ni pilung ngak, “Belteshazzar, re lik’ay ney nge fan e dabi magafan’um ngay.” Me ga’ar Belteshazzar, “Pilung rog, re lik’ay nir nge fan e manga yigi par ni pi to’ogor rom e fan ngorad.

Daniel 4:7

Me yib urngin e pi tamanbey ngog, nge pi tamerong, nge pi llowan’, nge pi’in yad ma bon ko t’uf, mu gu weliy e lik’ay rog ngorad, machane de yag rorad ni ngar weliyed fan ngog.

Daniel 4:9

I lungug ngak: Belteshazzar, ni gur e th’abi ga’ u fithik’ e pi’in yad ma weliy e yi’iy, gu manang ni leam ko pi got nib thothup e bay rom, ma urngin e tin nib mith nda nnang e go’ gamanang. Ba’aray e lik’ay rog. Mu weliy fan ngog.

Daniel 5:10

Me rung’ag chitiningin e en pilung laman e en ni pilung nge pi tolang ni bay nga tan pa’ nike yan lamrad ngalang, me yib nga langgin fare senggil ni yibe mur riy. Me ga’ar, “Pilung rog, ngu’um par ndariy n’umngin nap’an! Wenig ngom, dabi magafan’um ni er gelngin ngam par nike m’ay racha’en owchem.

Daniel 5:8

Urngin e pi tafnow ni yad ma puruy’ e en ni pilung e rabad, machane dariy bagayad nrayag rok ni nge be’eg fapi yol ara weliy fan ngak e en ni pilung.

Daniel 6:21

Me fulweg Daniel ni ga’ar, “Pilung rog, ngu’um par ndariy n’umngin nap’an.

Daniel 6:6

Mranod ngar guyed e en ni pilung me lungurad ngak, “Darius ni Pilung, ngu’um par ndariy n’umngin nap’an!

Daniel 6:7

Gamad gubin e pi’in gamad be tay murung’agen ga’ngin e gin ga ma gagiyegnag, ni aram e gamad e pi’in ni gamad ma guy e maruwel, nge pi governor, nge pi ta’ayuw ko governor nge ku boch e pi tolang e ke ta’reb lungmad ni gur pilung e ga ra tiriggiliy bbugithin mag guy ni dab nthilyeg. Ngamog ni guyey e rran ni nga ni par ndariy be ni nge wenignag ban’en ngak ba got ara be’, ya kemus ni gur e en ni pilung e yira rin’ ngom. Ma en nra th’ab e re motochiyel rom ney e yira yin’ ngalan fare low nib sug ko layon.

Matthew 21:9

Ma fapi girdi’ ni pire’ ni pire’ ni yad bay ngam’on rok Jesus nge fapi girdi’ ni pire’ ni pire’ ni yad be lay u keru’ Jesus e ra tababgad ko tolul ni be lungurad, “Ke sorok Fak David! I Got e nge ayuweg e en ni ir e ke yib ni owchen Somol! Ke sorok Got!”

1 Samuel 10:24

Me ga’ar Samuel ngak e girdi’, “Ba’aray fare mo’on ni SOMOL e ke duwgiliy! Dariy be’ u fithik’dad ni bod ir.” Ma urngin e girdi’ nra tolulgad ni be lungurad, “Nge n’uw nap’an ni par e en pilung!”