Daniel 2:29 - Bible Ni Thothup

²⁹ “Pilung, nap’an ni ga be mol ma ga lik’aynag e tin ni bay nga m’on ni bay fini yib, mi Got, ni ir e ma dag e tin nda nnang e dag ngom e tin ni bay yib i m’ug.

Daniel 2:29 Iomraidhean Croise

Genesis 41:25

Me ga’ar Josef ngak Farao, “Gali lik’ay nir e ta’reb fan; ke weliy Got ngom e n’en ni nge rin’.

Ezekiel 38:10

Irera’ e n’en ni be yog SOMOL ni Th’abi Tolang ngak Gog: “Nap’an nrataw ko ngiyal’ i n’em ma bay mu tabab i tanomnag e kireb.

Daniel 2:22

Ma yib i dag e pin’en nib to’ar mab mith, ma manang e n’en ni be par u fithik’ e lumor nib mith; ya ir e be par u fithik’ e tamilang.

Daniel 2:23

Gu be pining e sorok ngom ma gu be liyor ngom, i gur Got rok pi chitamangimad. Kam pi’ e gonop ngog nge gelngig; kam fulweg taban e meybil rog ma kam dag ngomad e n’en ni ngu’ug weliyed ngak e en ni pilung.”

Daniel 2:28

Machane bay ba Got u tharmiy, nma dag e pin’en nda nnang. Nebukadnezzar ni Pilung, i Got e keyog ngom e n’en ni bay yib i m’ug. Ba’aray fare lik’ay, ni tin ni mu guy ni nap’an ni ga be mol.

Daniel 2:45

Mu guy faram ba malang ni mul u taban bangi war nib tolang ndariy be’ ni math ngay, nge rogon ni yib i aw ko fare liyos nni ngongliy ko wasey, nge wasey ni bronze, nge but’, nge silber, nge gol. Pilung, i Got ni ir e ba th’abi ga’ e be yog ngom e n’en ni bay nga m’on ni bay yib i m’ug. Kug weliy ngom e lik’ay rom, ma fan ni kug weliy ngom e rib riyul’.”

Daniel 2:47

Me ga’ar e en ni pilung ngak, “Got rom e ir e th’abi ga’ u fithik’ urngin e pi got, me ir e SOMOL rok e pi pilung, me ir e ma dag e pin’en ni bay nda nnang, ni bochan e ke yag rom ni ngam weliy fan e ren’ey ni ban’en nda nnang.”

Amos 4:13

I Got e ir e cha’ ni ngongliy e pi burey me ir e sunumeg e nifeng. Me ir e gagiyegnag nge nang e girdi’ e leam rok; me ir e be gagiyegnag ngi i rran ma be nep’. I ir e ma yan u pe’bugul e fayleng. Ba’aray fithingan: ni SOMOL ni Got ni Gubin ma Rayag Rok!