Daniel 2:21 - Bible Ni Thothup

²¹ Ya ir e ma gagiyegnag nap’an ban’en nge ngal’an; I ir e ma pilung nigey me ir e ma chuwegey ko pilung. I ir e ma pi’ e gonop ngak e girdi’ mma gagiyeg nagrad ngar nanged fan ban’en.

Daniel 2:21 Iomraidhean Croise

1 Kings 10:24

ma fayleng ni ga’ngin e yad ba’adag ni ngarbad ngak ngar motoyilgad ko gonop nike pi’ Got ngak.

1 Kings 3:28

Fa’ani rung’ag piyu Israel e tin ke duwgiliy Solomon, miyad par nike yib madgun u wun’rad, ya kar nanged ni Got e ke pi’ e gonop ngak ni nge pithig e oloboch nge yan i aw ni tin ke turguy e ba yal’uw.

1 Kings 4:29

Got e pi’ ngak Solomon e gonop nge tamilangan’ ni kay gi pag rogon, nge llowan’ ni kay gi ga’ ni dabkiyag i foleg.

1 Kronicles 22:12

Ma mang e yigi pi’ SOMOL ni Got rom e tamilang nge gonop ngom nge yag ni mu gagiyegnag yu Israel nib mat’aw ko Motochiyel rok.

1 Kronicles 29:30

Pi babyor ney e be yog rogon ni i gagiyeg, nge rogon feni gel gelngin, nge gubin e tin i yib ngak, nge tin i yib nga daken yu Israel, nge pi nam nib liyeg.

Ester 1:13

Ma ba yalen nma rin’ e pilung nma fith laniyan’ e pi’in llowan’ u murung’agen e motochiyel nge yalen, ma aram me pining e pi tafanow rok, ya yad manang e n’en ni ngan rin’.

BABYOR NI JOB 12:18

Ir e ma chuweg e pilung u tagil’rad nge kalbus nagrad;

Exodus 31:3

kug sugnag e cha’nem ko fare gelngin rog. Kug pi’ e tamilangan’ ngak, nge llowan’, nge gubin mit e salap ko ngongol bogi ban’en ni bfel’ ya’an —

Exodus 31:6

Kug mel’eg Oholiab nib mo’on ni fak Ahisamak, ni be’ ko fare ganong rok Dan, ni ngar maruwel gow Bezalel u ta’bang. Ma kug pi’ e salap ngak boch e pumo’on nrayag e maruwel rorad, ya nge yag nra muruwliyed gubin e tin kugog ni ngan mu’nag:

Daniel 1:17

Me pi’ Got e llowan’ ngak fa aningeg i pagel ngar salapgad i be’eg e babyor miyad nang fan e tin ni bay u babyor, miyad salap i gonopiy urngin mit ban’en. Me pi’ Got e gonop ngak Daniel nrayag ni nge weliy fan e tin nma piliyeg e changar ngu’un guy nge lik’ay.

Daniel 10:1

U lan e bin ba’aram e duw ni gaman e dalip ngay ni Cyrus e pilung nu Persia, me yib i gagyel ba thin ngak Daniel ni ku yima pining Belteshazzar ngak. Re thin nem e rib riyul’ machane rib mo’maw’ ni ngan nang fan. Ma aram mi ni piliyeg e changar rok nge nang fan.

Daniel 11:6

Ma bayi yan in e duw nga tomuren, me pi’ e pilung nu Egypt be’ ni ppin ni fak ngak e pilung nu Syria nge le’ay ni fan e ngar mangew nga baraba’. Machane gathi bayi par e gal nam nem ni aram rogon, ya fare pin nge figirngin, nge fapi tapigpig rok nra uned ngak ngaram, nge fak e re pin nem, e bay nli’rad ni yad gubin ngarm’ad.

Daniel 2:20

“I Got e ba gonop ma ba gel gelngin! Ngu’un pining e sorok ngak ni manechibog ko pi chibog.

Daniel 2:23

Gu be pining e sorok ngom ma gu be liyor ngom, i gur Got rok pi chitamangimad. Kam pi’ e gonop ngog nge gelngig; kam fulweg taban e meybil rog ma kam dag ngomad e n’en ni ngu’ug weliyed ngak e en ni pilung.”

Daniel 2:9

ni fa’anra dab mu weliyed e re lik’ay nem ngog, ma ta’reb rogon e gechig ni bay ni pi’ ngomed ni gimed gubin. Ya ke ta’reb lungumed ni ngam lifithed l’ugunmed ngog nge mada’ ko ngiyal’ ni nggu thiliyeg lanin’ug. Moged ngog fare lik’ay rog, ma aram mu gu nang nin ku rayag romed ni ngam weliged fan ngog.”

Daniel 4:14

Me non ni ba ga’ lungun ni ga’ar, ‘Ngan th’ab e re ke gek’iy nir min fabguy papa’ngin; min gunugunuy yuwan min wereg wom’ngin; ngan tuluf e pi gamanman ni bay u tanggin, nge pi arche’ ni bay u fithik’ i papa’ngin.

Daniel 4:17

Fapi engel ni yugu yad be matanag e yad e kar turguyed. Ere nge nang urngin e girdi’ u gubin yang ni Got ni ir e Th’abi Tolang e bay gelngin ni nge gagiyeg nga daken e pi gagiyeg ni be tay e pi pilung nu fayleng. Rayag rok ni nge gagiyegnag nge pilung be’ ni ir e ke turguy, ni mus ngak be’ ni ir e th’abi sobut’ u fithik’ e girdi’.’”

Daniel 4:22

“Pilung rog, i gur e re ke gek’iy nem nib n’uw ma ba gel. Ke ga’ buguwam ke yan i tun nga lanelang, ma gagiyeg ni ga be tay e ke taw nga urngin yang u fayleng.

Daniel 4:32

Bay ni tulufem ngam chuw u fithik’ e girdi’ ma ga yan mpar nga fithik’ e gamanman ni malboch. Ma medlip e duw ni bay um par ni ga be kay e pan ni bod ba garbaw. Ma aram e bay mu nang ni Got ni Ir e Th’abi Tolang e ma gagiyegnag e pi gagiyeg ni be tay e pi pilung nu fayleng, mrayag rok ni nge gagiyegnag nge pilung be’ ni ir e ke duwgiliy.”

Daniel 7:25

Bayi welthin nib togopluw ku Got ni Ir e Th’abi Tolang me gafgownag e girdi’ rok Got. Ya bayi guy rogon ni nge thiliyeg e pi motochiyel rorad nge pi madnom ni yad ma madnomnag, ma bayi par e girdi’ rok Got u tan gelngin ni dalip nge baley e duw.

Luke 21:15

ya bay gu pi’ e thin ni nga mogned nge gonop romed ndariy reb e pi to’ogor romed nrayag rok ni nge togopluw ngay ara yog nde riyul’.

Roma 13:1

Gubin e girdi’ ma thingar rfolgad ko am; ya dariy reb e am ni gathi Got e pag nge yib, ma pi am ni bay e Got e ke tayrad.

1 Korinth 1:30

Machane Got e ke fekmed ke ta’ab girdi’nagmed Kristus Jesus, ma ke tay Got Kristus ni ir e kemang e birodad e gonop; nu daken Kristus e ke mat’aw nagdad Got riy ngak, kad manged e tirok’ Got e girdi’ nib thothup, ma ke pithigdad u gelngin mo’onyan’.

James 1:17

Ya urngin e tin ni bfel’ ni be pi’ Got ngodad nge urngin e tow’ath nrib manigil ma be yib u tharmiy ngodad, ni be yib rok Got nga but’, ni ir e sunumiy urngin ban’en ni be gal ram’en u lanelang. Mi ir e der ma thil, ma der pi’ keru’ ngodad ngad pired u fithik’ e lumor.

James 1:5

Machane fa’anra dariy e gonop rok bigimed, ma nge wenignag ngak Got, ye ir e ra pi’ ngak; yi Got e ba gol ngak urngin e girdi’.

Revelation 19:16

Ma daken e mad rok nge daken ay e kan yoloy fare ngachal ngay ni ga’ar, “Pilung ko pi pilung nge Somol ko pi somol.”