Daniel 12:2 - Bible Ni Thothup

² Ma pire’ e pi’in karm’ad ni bay ra fosgad ko yam’. Bochi yad e bay i par nib felfelan’ ndariy n’umngin nap’an, ma bochi yad e bay ur pired ndariy n’umngin nap’an ni yad be tamra’ ma dakuriy farad.

Daniel 12:2 Iomraidhean Croise

Proverbs 12:8

Fa’anra ga ba tamilngan’, ma yira pining e sorok ngom; ma fa’anra ga ba pinat, mra changar e girdi’ ngom nga but’.

Isaiah 26:19

Girdi’ rodad ni karm’ad e yad ra fos bayay! Dowef rorad e ku ra sul e yafos ngay. Urngin e pi’in yad bmol u lan e low rorad e bay ra odgad miyad tangnag e felfelan’. Bod nma gal ra’en e wa’angchol ko garbeb nge kak’lingnag e fayleng, aram rogon SOMOL ni bayi faseg e pi’in karm’ad kakrom.

Isaiah 66:24

“Nap’an ni yad ra chuw miyad guy e ldow ko pi’in ur tagopluwgad ngog. Fakl’ud ni be longuyrad e dariy e ngiyal’ nra yim’, ma nifiy ni be urfiyrad e dariy e ngiyal nra math. Ya’arad e ba sosonogor u owchen gubin e girdi’.”

Jeremiah 20:11

Machane gur SOMOL e ga bay u ba’ rog ni gab gel ma gubin mrayag rom, ma pi’in yad be gafgow nigeg e bay ra parawgad. Bay ra pir’ed nike m’ayfarad ni manemus, ya dabiyag ni nge yan i aw nga rogon e tin yad be leamnag. Tamra’ ni yad ra tay e dariy n’umngin nap’an ma dab ni pag talin.

Ezekiel 37:12

Ere mu yi’iy ngak piyu Israel ni girdi’ rog ngamog ngorad ni Gag SOMOL ni Th’abi Tolang e bay gu bing e pi malangen e yam’ ni yad bay riy. Mu gu chuwegrad riy, nggu fulwegrad ko nam nu Israel.

Hosea 13:14

Dab gu ayuweg e pi girdi’ ney u pa’ e fayleng ko yam’ ara gu lagrad u gelngin e yam’. Gur fayleng ko yam’ mfek e riya’ rom i yib! Dabki kireban’ug ko pi girdi’ ney.

Matthew 25:46

Ere picha’ ney e bay ni pi’rad ko gechig ndariy n’umngin nap’an; ma pi’in yad bmat’aw e bay ranod ko yafos ndariy n’umngin nap’an.”

Acts 24:15

Ma ta’reb rogon e l’agan’ ni gu be tay ngak Got ko l’agan’ ni be tay e pi cha’ney ngak, ni aram e be l’agan’mad ngak Got ni bayi faseg urngin e girdi’ ko yam’, ni tin ni bfel’ nge tin nib kireb.

Acts 7:60

Me ragbug nga but’ me non nri ba ga’ laman ni ga’ar, “Somol, dab mu tay ngan’um e re denen ney ni nge togopluw ngorad!” I yog e re bugithin ney nge mu’ me aw e fan rok.

Roma 9:21

Bmuduwgil ni en nma ngongliy e rume’ ko but’ e bay mat’wun ni nge maruwel ko fa gi but’ nrogon ni be finey, ni nge ngongliy l’agruw i rume’ ko fa gi but’, nreb e yima fanay ko tin ni ba ga’ fan ban’en, ma reb e yima fanay ko tin gathi ba ga’ fan ban’en.

1 Thessalonika 4:14

Mmich u wun’mad ni yim’ Jesus ngki fos ko yam’ bayay; ere bmich u wun’mad ni bayi uneg Got e pi’in karm’ad nib mich Jesus u wun’rad ngak Jesus nge fulwegrad ngak.

Revelation 20:12

Ma aram mu gguy e pi’in ni karm’ad, ni pi’in nib tolang nge pi’in nib sobut’ ni kar sak’iygad u m’on u tagil’ Got. Min pithig e babyor, mu kun pithig ba kaen, ni fare ke babyor ni babyoren e pi’in ni kar fosgad. Ma pi’in ni karm’ad e ni pufthinnagrad ni be yan u rogon e n’en ni ur ngongliyed, ni bod rogon ni kan yoloy ngalan fa yu ke babyor.