Daniel 11:30 - Bible Ni Thothup

³⁰ Ma bay yib piyu Roma u barkow ngar maelgad ngak, ma bay i rus ngorad. “Ma aram e bayi sul ni kari damumuw me guy rogon ni nge kirebnag fare m’ag nib thothup ni bay u thilin Got nge tirok Got e girdi’. Ma bayi fol ko thin rok e pi’in ni kar pi’ed keru’rad ko re m’ag nem.

Daniel 11:30 Iomraidhean Croise

Genesis 10:4

Ma pi pumo’on ni pifak Javan e yad e girdi’ ni owchen fa yuke girdi’ nu Elishah, Spain, Syprus ngu Rhodes;

1 Kronicles 1:7

Ma pi’in owchen Javan e girdi’ nu Elishah, Spain, Cyprus, ngu Rhodes.

Nehemiah 6:12

Mu gu par ngu’ug leamnag mu gunang ni gathi Got e ke non ngak Shemaiah, ya Tobiah nge Sanballat e kar pi’ew talin ni nge yibi ginangeg.

Isaiah 23:1

Irera’ e thin ni murung’agen yu Tyre. Mu gogo’gad ko gafgowan’ gimed e sala u maday! Gin ma yan i gif e barkow romed ngay e ka ni gathay; naun riy nge gin yima yuluy e barkow riy e ke mogoth. Ra sul e barkow romed u Cyprus, mi gimed nang salpen.

Isaiah 23:12

Binaw nu Sidon, felfelan’ romed e kemus, ma girdi’ romed e nge gafgow. Ni dariy fan ni yad ra mil nga Cyprus, ya ku dariy ba ayuw nra yib ngorad.

Jeremiah 2:10

Mmarod ko ngal ko fare donguch nu Cyprus ngam guyed; mpi’ed e girdi’ ngranod ko ngek nga Kedar ngar fal’eged i yaliy: gur bay ban’en ni ara’ rogon ni ka’a yib i m’ug kafaram?

Ezekiel 27:6

Ra feked e gek’iy ni oak u Bashan ngar ngongliyed ni yap’; Miyad ngongliy e faraf rom ko gek’iy ni pine nu Cyprus Min nunuw nagem ko ivory.

Daniel 11:28

Pilung nu Syria e bayi sul nga tafen nike fek urngin e chugum ni fek u fithik’ e mael, ma ke duwgiliy u wan’ ni nge kirebnag fare m’ag nib thothup ni bay u thilin Got nge tirok Got e girdi’. Bayi rin’ e tin ba’adag nge mu’ me sul ko nam rok.

Daniel 11:29

“Ma bayi munmun miki sul bayay nge m’ag e mael ngak yu Egypt, machane dabiyag ni nge bod fa yanem.

Daniel 7:25

Bayi welthin nib togopluw ku Got ni Ir e Th’abi Tolang me gafgownag e girdi’ rok Got. Ya bayi guy rogon ni nge thiliyeg e pi motochiyel rorad nge pi madnom ni yad ma madnomnag, ma bayi par e girdi’ rok Got u tan gelngin ni dalip nge baley e duw.

Numbers 24:24

Salthaw e bay ra afgad nga barkow u Cyprus ngarbad ni mael; bay ra koled yu Assyria nge yu Eber, machane bay nthang owcherad.”

Matthew 24:10

Ma bo’or e girdi’ e bay dab kug mich u wun’rad e re ngiyal’ i n’em; ma bayi bagayad me yagnag bagayad, ma bayi bagayad me fanenikay bagayad.

Revelation 12:12

Ere mu felfelan’gad e pi tharmiy, ni gimed urngin e pi’in ni gimed be par u wur! Machane ri bayi gafgow e fayleng nge day! Ya ke yib fare Mo’onyan’ ngomed ni kari damumuw, ya manang ndaki n’uw nap’an ni nge par.”