Daniel 11:23 - Bible Ni Thothup

²³ Bay i ngongliy e m’ag u thilrad yugu boch e nam ni aram e be ban nagrad, ma bay i gel i yan, ni yugu aram rogon ni ba nam nib achig e be gagiyegnag.

Daniel 11:23 Iomraidhean Croise

Genesis 34:13

Ma fapi pagel ni fak Jakob e ra lifithed l’ugunrad ngak Shekem nge Hamor ni chitamngin, ni bochan Dinah ni walagrad ni kan dariy fannag.

Psalms 52:2

Ga be t’ar liben ni nge math owchen boch e girdi’; balowthem e bod bangi resa nib m’uth. Gubin ngiyal’ ni ga ma tunguy e thin.

Proverbs 11:18

Girdi’ ni kireb e gathi rmayag ban’en ngorad, machane fa’anra ga ra rin’ e n’en ni bfel’, ma rib mich ni yira tow’ath nagem.

Daniel 11:22

Demturug be’ nra togopluw ngak, ni mus ko fare Prist rok Got ni Th’abi Ga’, ma yira chuwegrad nga ni thirifrad u but’

Daniel 11:24

Bayi m’ag e mael nga bangi nug ni bfel’ rogon e girdi’ riy ma yad be par u fithik’ e gapas, ngi i rin’ bogi ban’en ntin ni kakrom e pi chitamngin ma de rin’ bagayad. Chugum nge binaw nike kol ko mael e bayi wereg u pa’ e girdi’ nib fol ngak. Ma bay i leamnag rogon ngi i m’ag e mael ko yungi n’en ni ka ni yororiy ni fan ko mael, machane ba ngoch nap’an.

Daniel 8:24

Bayi gel gelngin i yan, machane gathi ir e gelngin. Ba gel e mogothgoth ni bayi k’aring ma urngin e tin nra ngongliy mra yan i aw nga tagil’. Ba gel e gafgow ni bayi tay ngak e girdi’ nib gel, nge ngak e tirok Got e girdi’.

Daniel 8:25

Ma bay i mon’og i yan e tin ni be rin’ u fithik’ e sabanban ni bochan e ba sasaliyeb. Bay i par nib ufanthin me li’ bo’or e girdi’ ni yugu yad ra gin ma ke og ngorad. Ma bayi togopluw ngak fare Pilung ni ir e th’abi ga’ u fithik’ e pilung, machane bay ni thirif u but’ ni gathi gelngin e girdi’ e bay ni maruwel ngay.

Roma 1:29

Ke suguyrad urngin mit e tin nde mat’aw, nge tin nib kireb, nge chogow, nge kireb laniyan’; ma yad ba sug ko awan’, ma yad ma thang e pogofan, ma yad ma cham, ma yad ma sasalyeb, ma yad ba’adag ni ngar gafgow niged e girdi’. Ma yad ma dugdugthin,

2 Korinth 11:3

Kug rusnagmed nri yib e kireb nga fithik’ i lanin’med nge dab kum yul’yul’gad ngak Kristus, ni bod rogon ni bannag fare porchoyog Eva.

2 Thessalonika 2:9

Ma Fa En nib Kireb e bay yib ni bay gelngin Satan rok, ma bayi ngongliy gubin mit e maang’ang nge pow ni be ban, nge ngongol ni yira gin ngay,