Daniel 1:5 - Bible Ni Thothup

⁵ Ma en ni pilung e ki yog ni gubin e rran ma ngu’un pi’ garad nge wayin ni ngar unumed ni ta’reb rogon ko pi’in yad ma sabal e en pilung. Ma nap’an nra m’ay dalip e duw ni kar sukulgad ma ngani fekrad i yan nga p’eowchen.

Daniel 1:5 Iomraidhean Croise

Genesis 41:46

Guyey e duw yangren Josef ko ngiyal’ ni ba’aram ni pigpig ngak Farao, ni pilung nu Egypt. I milekag Josef u lan e nam nu Egypt i yan.

1 Kings 10:8

Rib fel’ wa’athan e pi le’engim, ma rib fel’ wa’athan e pi tapigpig rom ni gubin ngiyal’ ni yad be par rom ngu’ur rung’aged e thin rom nib gonop!

2 Kings 25:30

Ma gubin e rran u n’umngin nap’an e yafos rok ni un pi’ e salpiy ni nge yag ngak.

2 Kronicles 9:7

Rib fel’ wa’athan e pi’in yad be pigpig ngom, ni gubin ngiyal’ ni yad bay rom ma ri yad ba tow’ath ni yad be rung’ag e pi thin rom nib gonop!

Proverbs 23:3

Dab mu nemow nigem ko fapi ggan ni bfel’ ni be pi’, ya rayag ni be guy rogon ni nge ban nigem.

Jeremiah 15:19

Me fulweg SOMOL ni ga’ar, “Fa’an ga ra sul ngog, mu gu fekem ngam mang reb e tapigpig rog bayay. Fa’an ga ra weliy ban’en ni bay fan, ma gathi tin ndariy fan e ngam weliy, ma rayag ni ngam mang profet rog bayay. Girdi’ e bay ra sulod ngom bayay, machane gathi gur e ngam man ngorad.

Daniel 1:19

Me non fare pilung ngorad ni yad gubin, me pir’eg ni Daniel, nge Hananiah, nge Mishael, nge Azariah ni dabi ta’reb rogorad ngak urngin fapi pagel. Ma aram miyad un nga fithik’ fapi girdi’ nma maruwel u tafen e pilung.

Daniel 1:8

Me duwgiliy Daniel u wan’ ndabi kay e ggan ma dabi unum e wayin ni yibe pi’ ngorad u tafen e en ni pilung, ya ra rin’ mra par ndaki machalbog nrogon ko yalen rorad yu Judah. Me wenig Daniel ngak Ashpenaz ni nge ayuweg,

Matthew 6:11

Mpi’ ngomad e daba’ e ggan ni nge yag ngomad.

Luke 1:19

Me fulweg fare engel ngak ni ga’ar, “I gag Gabriel, gu ma par u p’eowchen Got, ni ir e ke l’oegeg ni nggu non ngom ni nggu weliy e re bugithin ni bfel’ ney ngom.

Luke 11:3

Mpi’ ngomad u reb e rran ngu reb e rran e ggan ni nge yag ngomad.

Luke 21:36

Um pired ni kam fal’eged rogomed ma gimed be meybil ni gubin ngiyal’ nge yib gelngimed nge yag ni mmarod u fithik’ urngin e pin’ey ni bayi m’ug ni dabi buch ban’en romed mi gimed yan mu sak’iygad nga p’eowchen e en ni Fak e Girdi’.”

1 Samuel 16:22

Ma aram me pi’ Saul e thin nge yan ngak Jesse ni ga’ar, “Gu ba’adag daken David. Mpag nge par u roy ngi i pigpig rog.”