Daniel 1:2 - Bible Ni Thothup

² Me gagiyegnag SOMOL Nebukadnezzar nge kol Jehoyakim ni Pilung me fek boch e machaf u Tempel. Me fek boch e kalbus nge un ngak nga tempel ko pi got rok u lan yu Babylon, me tay fapi machaf ni fek ngalan e pi senggil ni yima chubgil riy u lan fare tempel ko pi got rok.

Daniel 1:2 Iomraidhean Croise

Genesis 10:10

Mu’un yu Babylon ko gin ni i gagiyegnag ni som’on nge yu Erek ngu Akkad. Dalip yang i n’ey e bay u lan yu Babylonia.

Genesis 11:2

Ma nap’an nranod i yan u lane ngek, miyad yib nga bangi tafel’fel’ nib ga’ yang ni bay u lan yu Babylonia, ni aram e gin nra pired riy.

2 Kings 24:1

Nap’an nib pilung Jehoyakim me yib Nebukadnezzar ni Pilung nu Babylonia i kol yu Judah, ma dalip e duw ni par Jehoyakim u tan pa’; ma aram me cheal Jehoyakim nge togopluw.

2 Kronicles 36:5

Jehoyakim e rliw’ nge lal e duw yangren me mang pilung nu Judah, me gagiyeg u Jerusalem ni ragag nge ta’reb e duw. Me denen nib togopluw ngak SOMOL ni Got rok.

2 Kronicles 36:7

Me fek Nebukadnezzar boch fapi machaf ko fare Tempel nge tay ngalan e naun rok ni tafen e pilung u Babylon.

Ezra 1:7

Me sulweg Cyrus ni Emperor fa yu raba’ i dabiy nge kap ni fek Nebukadnezzar ni Pilung u Jerusalem nge yib i tay ngalan e tempel ko tirok e got.

Isaiah 11:11

Rofen nem, e ra maruwel Somol nga gelngin nge fulweg e girdi’ rok nga tabinaw, ni pi’in nra magachgad u Assyria ngu Egypt, u lan fare nam nu Pathros ngu Sudan, ngu Elam, ngu Babylonia, ngu Hamath, nge pi binaw u charen e day nge pi donguch u lan e day.

Isaiah 42:24

Mini’ e ke pi’ yu Israel nga pa’ e to’ogor rorad ka ni fek e chugum rorad? I SOMOL, ni ir e ud denengad nib togopluw ngak! Da ud pired nrogon ni ba’adag ni ngad pired ara u da folgad ko machib rok.

Jeremiah 25:1

U lan e bin aningeg e duw ni Jehoyakim nib mo’on ni fak Josiah e pilung u Judah, me thap e thin rok SOMOL ngog nib l’ag rogon ko girdi’ nu Judah. (Irera’ e re duw ni som’on nike pilung Nebukadnezzar u Babylon.)

Jeremiah 27:16

Ma aram mu gog ngak e prist nge girdi’ ni SOMOL e ke ga’ar, “Dab mu telmed ko pi profet ni yad ra yog ni pi machaf nu Tempel e dabki n’uw nap’an mi ni fulweg u Babylon. Ya yad be ban’ niged gimed.

Jeremiah 28:3

U lan l’agruw e duw e bay gu fulweg ngaray urngin e machaf ko Tempel ni fek Nebukadnezzar ni Pilung nga Babylon.

Jeremiah 35:11

Ya nap’an ni kol Nebukadnezzar ni Pilung fare binaw, mu gu duwgiliyed ni ngugbad nga Jerusalem nggu paloggad ko salthaw nu Babylon ngu Syria. Aram fan ni gamad be par u Jerusalem.”

Jeremiah 50:2

“Mu weliy fapi thin ngak e pi nam! Ngam weliy i yan! Mu dag e pow riy ma ga be weliy fapi thin! Dab mu tay nib mith! Ke thay pa’ yu Babylon! Fare got rok ni Marduk e ke wearwear! Pi liyos rok yu Babylon e ka ni tamra’nag; ma fapi ya’an bogi n’en ni kan toy nib sonogor e kan bilbilig!

Jeremiah 51:44

Bay gu gechignag Bel, ni fare got nu Babylon, mu gu gagiyegnag nge chuwan’ ko tin ni iring; ma pi nam e bay dab kur tedfan bi’id. “Ke puth e yoror nu Babylon nga but’.

Daniel 5:13

Min fek Daniel i yib nga p’eowchen e en ni pilung ni ka chingiyal’ nem. Me ga’ar fare pilung ngak, “Mog, i gur fa’anem i Daniel, ni reb fapi kalbus nu Judah ni fekmed e chitamag u Judah e ngaray ni nnap’an nib pilung?

Daniel 5:18

“Got ni Ir e Th’abi Tolang e gagiyegnag Nebukadnezzar ni chitamam nge mang ba pilung ni ba ga’, me gagiyegnag e girdi’ ngu’ur ted fan me par nib sorok.

Habakkuk 1:16

Yad ma meybil ko pi nug rorad ma yad ma pi’ e gamanman ni maligach ni fan ngay, ya nug rorad e be yagnag ngorad urngin e pin’en nib th’abi fel’.

Zekariah 5:11

Me fulweg ni ga’ar, “Nga Babylon, ni aram e gin bay ra toyew e tempel riy ni fen. Nap’an e yira mu’ nag fare tempel, ma fare dug e bay ni tay u rom ngu’un meybil ngay.”

Deuteronomy 32:30

Mangfan nra ta’reb e biyu’ me gel ta’abe’ ngorad, ma ri l’agruw e girdi’ me gel ngak ragag i biyu’? I SOMOL ni Got rorad e ke pagrad; Got rorad ni ba’ gelngin nib gel e ke n’agrad.

Judges 2:14

Mri damumuw SOMOL ngak piyu Israel me pag ngan giliw nagrad ngan fek e tirorad ban’en. Me pag e to’ogor rok piyu Israel u to’obrad i yan ngar gelgad ngorad, ma dakiyag rok piyu Israel ni ngar ayuweged yad.

Judges 3:8

Ma aram me damumuw SOMOL ngak yu Israel me pag e Kushan Rishathaim ni Pilung nu Mesopotamia nge kolrad. Miyad par u tan pa’ ni meruk e duw.

Judges 4:2

Me pagrad SOMOL nge gel Jabin ngorad ko mael, ni ir e pilung u Kanaan mma gagyeg u lan e binaw nu Hazor. Ma en ni be tay murung’agen e salthaw rok e Sisera, nma par u Harosheth nma par e pi Gentile riy.

1 Samuel 5:2

Miyad fek ngalan fare tempel rok fare got rorad ni Dagon, ma ranod rted nga to’oben ba liyos ni ka ni ngongliy ni ya’an.