Amos 9:8 - Bible Ni Thothup

⁸ I gag SOMOL ni Th’abi Tolang e ku gup’ owcheg ngak girdi’en e nam nu Israel ni yad be denen, bay gu thirifrad u daken e fayleng. Machane dab gu thirif urngin e pi’in owchen Jakob.

Amos 9:8 Iomraidhean Croise

Genesis 6:7

Me ga’ar, “Bay gu thang owchen urngin e girdi’ ni kug sunumeg, ndemturug e gin’en ni yad bay riy. Ma bay kug thang owchen urngin e gamanman nge urngin e arche’, ya kug kolngan’ug ni kug sunumegrad.”

Genesis 7:4

Ya ka medlip e rran mu gu pi’ e n’uw nge yib nga daken e fayleng ni bayi par ni nge aw ni aningeg i ragag e rran nge nep’, ni fan e nge thang mit urngin e pin’en nib fos ni kug sunumeg.”

1 Kings 13:34

Re denen rok ney ni rin’ e ir e girengiy e kireb nga daken e tabaw rok, nge chuw ko gagiyeg me math mit u roy u fayleng.

Proverbs 15:3

I SOMOL e be guy urngin ban’en ni yibe rin’ u gubin yang, ndemturug ko tin bfel’ ara tin kireb e gadad be rin’ ma be yaliydad.

Proverbs 5:21

I SOMOL e be guy gubin e tin ga be rin’. Demturug e gin ga be yan ngay ma be yaliy.

Jeremiah 30:11

Bay gub ngomed nggu aywegmed. Bay gu thirif urngin e nam u but’ ko yung i n’en ni gu werweregmed riy, machane gimed e dab gu thang owchamed. Dab gu pagmed ngam thay gad ko gechig; machane gechig ni gu ra tay ngomed, e ba mat’aw rogon ni gu ra rin’. I Gag SOMOL e gu be non.”

Jeremiah 44:27

Bay gguy ni nge par ni dab kum man’ogad, ma bay ni thirifmed u but’. Gimed gubin ni bay m’ad, ni de muduwgil ko ngam m’ad u fithik’ e mael ara liliy, nge taw ko ngiyal ni dakriy bigmed nike magach.

Jeremiah 46:28

Bay gub ngomed nggu ayuwegmed. Bay gu thirif gubin e nam u but’ ko yungi n’en ni gu weregmed riy i yan, machane dab gu thang owchamed. Ma dab gu pagmed ngam marod ni dab ni gechig nagmed; machane gu ra gechig nagmed, mab mat’aw rogon ni gu ra rin’. I Gag SOMOL e kugog e pi thin ney.”

Jeremiah 5:10

Bay gul’og e to’ogor ni nge th’ab nga but’ e grape ni fi’in e girdi’ rog, machane gathi gubin ni ngan thang mit. Bay gog ngorad ni ngar th’abed papa’ngin, ni bochan e pi papa’ngin nem e de milfan ngog.

Hosea 1:4

me ga’ar SOMOL, “Mu tunguy fithingan ni Jezreel, ya dabki n’uw nap’an mug gechignag fare pilung nu Israel ni bochan e mathang pogofan ni i tay Jehu ni reb e ga’ rok kakrom u Jezreel. Aram e nggu moseg e birok Jehu e gagiyeg.

Hosea 1:6

Me diyen Gomer bayay nge gargel ni bochi pin. Me ga’ar SOMOL ngak Hosea, “Mu tunguy ‘Det’uf’ ngak ya dabku gu dag e t’ufeg rog ngak e girdi’ nu Israel ara gu n’ag fan e kireb rorad.

Joel 2:32

Machane urngin e pi’in yad ra wenig ngak SOMOL ni nge ayuwegrad e yad ra fos. Ni bod nike yog SOMOL ni ga’ar, ’Boch e girdi’ u daken e burey ni Zion nge yu yang u Jerusalem e bay ra thaygad. Pi’in kugu mel’egrad e yad ra fos.’ ’

Amos 3:12

Be ga’ar SOMOL, “Rogon ba layon ni be longuy ba saf me yib be’ nma gafaliy e saf i laeg rok l’agruw raba’ i ay fare saf ara ta’ab raba’ i yuwan tel, e aram rogon ni bayi ayuweg Got piyu Israel ni be par u Samaria — rib lich i yad e bayi fos. Ma chiney e yad ba thig u daken e pi couch ni tolang puluwon.”

Amos 7:17

Amaziah, bochan e re bugithin nir ni kamog, me ere be ga’ar SOMOL ngom, ‘Le’engim e bay i pi’ ir nchuway’ u lan binaw, ma pifakam e bay nli’rad u fithik’ e mael. Ma binaw rom e bay ni th’eth’ab u but’ nga ni pi’ ngak yugu boch e girdi’, me gur e bay mum’ u daken e nam rok e pi’in ndar nanged Got. Ma girdi’ nu Israel e rib mich ni bay nchuwegrad ko nam rorad ngan kalbus nagrad.’”

Amos 9:10

Ma pi tadenen ni bay u fithik’ e tirog e girdi’ e bay nli’rad u fithik’ e mael ngarm’ad, ni urngin e pi’in ni be lungrad, ‘I Got e dabi pag e riya’ nge chugur nga to’obdad.’”

Amos 9:4

Ma fa’anra kolrad e pi to’ogor rorad, ma bay gog ngan thang e pogofan rorad. Kug turguy u wunug ni nggu thang owcharad, ma dab kug ayuwegrad.”

Deuteronomy 4:31

I SOMOL ni Got romed e ba Got ko runguy. Dabi n’agmed fa thang owchemed. Ya dabi pag talin fare m’ag ni ngongliy u thilin pi chitamangimed nge ir.

Deuteronomy 6:15

Ya fa’an gimed ra rin’, ma damumuw rok SOMOL e ra yib ngomed ni bod ba daramram nib gel nge thirifmed u but’, ya SOMOL ni Got romed, ni ir e bay romed e dabiyag ni nge k’adan’ ni fa’an gimed ra togopluwnag reb e got ngak.