Amos 9:5 - Bible Ni Thothup

⁵ I SOMOL ni Th’abi Tolang ma Gubin ma Rayag Rok e math ko fayleng, me durru’; ma urngin e girdi’ ni yad ma par u rom e yad ra yor. Ma fayleng ni polo’ e ra i puw ngalang me mul nga but’ ni bod e lul’ ni Nile.

Amos 9:5 Iomraidhean Croise

Psalms 104:32

Ra sap ko fayleng, me durru’ e fayleng; ma ra math ko pi burey, me waer e ath riy.

Psalms 144:5

A SOMOL, mu sey e tharmiy nga mub nga but’; mmath ko pi burey nge yib e ath riy.

Psalms 32:6

Ere urngin e girdi’ rom nib yul’yul’ ngom e thi’ngar ra meybilgad ngom ko ngiyal’ ni kari t’uf e ayuw rorad; ra yib e gafgow ni bod e ran nga daken e binaw nib machreg, ma dabi taw ngorad.

Psalms 46:6

Ke m’age marus e pi nam, ma gil’ilungun e pi pilung e ke morur; me non Got ni be chob ndirra’, me ranran e fayleng.

Psalms 97:5

Pi yochi burey e ranran ni bod e wax u p’eowchen SOMOL, u p’eowchen fare Somol ko fayleng ni polo’.

Isaiah 64:1

Mang ndab mu bing lanelang nga mub nga but’ me guyem e pi burey ngar t’on gad ko marus?

Jeremiah 12:4

Uw n’umngin nap’an ni nge par e but’ romad nike fengfeng, nge pan nike maroroy u gubin yang e flang romad? Gamanman nge arche’ e be yim’ ni bochan e kireb ko girdi’ romad, ni pi girdi’ ni be ga’ar, ‘Got e darguy ko mang e gadad be rin’.’”

Hosea 4:3

Ere bayi m’ay e ran u daken e nam, ma urngin ban’en nib fos e bay yim’, ni urngin e pi gamanman nge pi arche’, mus ko nig ni bayi yim’.”

Amos 8:8

Ere bayi durru’ e fayleng’, ma urngin e girdi’ ni bay u daken e re nam ney e bayi kireban’rad. Re nam ney ni polo’ e bayi rur; bayi puw ngalang me sul nga but’ ni bod e lul’ ni Nile.

Nahum 1:5

Pi burey e durru’ u p’eowchen SOMOL; me ranran e yochi burey u p’eowchen. Fayleng e rur u nap’an ni m’ug SOMOL; fayleng nge girdi’ riy e ra t’on gad.

Nahum 1:6

Nap’an e ra damumuw, me mini’ e rayag ni fas? Mini e rayag ni fas u gelngin e damumuw rok? I pu’og e damumuw rok ni be daramram; me pilpil e war nge par ni bod e fiyath u p’eowchen.

Habakkuk 3:10

Fa’ani guyem e pi burey miyad durru’; me map’ e ran u lanelang nga but’. Me chub lingan e ran u tan e but’, me puw e n’ew rorad nge tolang.

Matthew 7:27

Me aw e n’uw, nge sugubur e lul’ nge yib nga daken e binaw, me yib e nifeng nib gel i aw ko fare naun me puth. Nrib ga’ lingan ni puth!”

Revelation 20:11

Ma aram mu gguy ba tagil’ e pilung nib ga’ ma ba wechwech nge en nike par ngay. Me mil e fayleng nge tharmiy u p’eowchen nga bayang nge da ku ni guy.