Amos 8:9 - Bible Ni Thothup

⁹ Rofen nem e bay gu gagiyegnag nge ling e yal’ ni misiw’, me nep’ ni kab rran u fayleng. I Gag SOMOL ni Th’abi Tolang e kugog e pi thin ney.

Amos 8:9 Iomraidhean Croise

BABYOR NI JOB 5:14

ni yu gu ra lukngun misiw’ ma yad be chaman u fithik’ e lumor.

Isaiah 13:10

Gubin e t’uf nge pin’en nma mat ra’en e ra m’ay ra’en ndabki mat, ra lumor ra’en e yal’ ni nge yib ngalang, ma m’ay ra’en e pul.

Jeremiah 13:16

Mu mathangeluwol naged SOMOL, ni Got romed, u m’on ni nge fek e lumor i yib, ngam dol gad u daken e pi burey; ngu m’on ni nge pilyeg nge ngal’ ni rumug fare tamilang ni be lagan’med ngay.

Jeremiah 15:9

Re pin nike yim’ medlip e bitir ni fak e ke aw nga but’ nike m’ay e fan rok, ni be guy rogon ni manga yigi pogofan. Tamilang e ke ngal’ ni lumor u puluwon, kem’ay fan ma ke par nike kireban’. Bay gu gagiyegnag e pi to’ogor romed ngar thanged e pogofan rok e pi aromed nike magey. I Gag SOMOL e kugog e pi thin ney.”

Ezekiel 32:7

Nap’an ni gu ra kireb nagem, mu gu upnguy lanelang mu gu m’aynag ram’en e t’uf. Ma yal’ e bayi mith nga fon e manileng, me m’ay ra’en e pul.

Amos 4:13

I Got e ir e cha’ ni ngongliy e pi burey me ir e sunumeg e nifeng. Me ir e gagiyegnag nge nang e girdi’ e leam rok; me ir e be gagiyegnag ngi i rran ma be nep’. I ir e ma yan u pe’bugul e fayleng. Ba’aray fithingan: ni SOMOL ni Got ni Gubin ma Rayag Rok!

Amos 5:8

I SOMOL e ngongliy e pi t’uf, ni fa gal ulung i t’uf ni Pleiades nge Orion fithingan. Ir e be pingeg e nep’ nge rran me pingeg e rran nge nep’. Ma pining e day u maday nge pu’og nga daken e fayleng. I SOMOL fithingan.

Mikah 3:6

“Bochan e kam feked e girdi’ rog nga wuru’ e kanawo’, ma aram e dab kun piliyeg e changar romed ngam guyed e tin ni bay yib, ma dabkiyag ni ngam yi’iy niged ban’en. Gimed e pi profet, biromed e rran e ke chugur ni nge m’ay; ya nge ling e yal’ u puluwmed.”

Zekariah 14:7

ma ku dabki nep’. Yug bay i par nib rran, ni mus ko ngiyal’ nma nep’ riy. Re ngiyal’ nra yodrom e pin’ey e kemus ni go’ SOMOL e manang.

Matthew 24:29

“Nap’an ni yugu ra m’ay e re gafgow nem ko pi rran nem ma bayi talumor mit e yal’, ma dabki mat ram’en e pul, ma t’uf e bay mul u lanelang, ma gelngin e pin’en ni bay u lanelang e bay ni pingegrad ngranod ko gin ni gathi ir e yad be sor ngay.

Matthew 27:45

Ma nap’an ni misiw’ me neap’ u daken fare nam ni polo’, me par ni aram rogon ndalip e awa.

Mark 15:33

Ma nap’an ni misiw’ me neap’ u daken fare nam ni polo’, me par ni aram rogon ndalip e awa.

Luke 23:44

Gonap’an e ragag nge l’agruw e kolok me m’ay ram’en e yal’ ngabang me neap’ u daken e re nam nem ni polo’ nge yan i mada’ ko dalip e kolok ni mithig yal’;

Revelation 6:12

Mu gguy fare Fak e Saf nike th’ab fa bin nel’ e hang. Me yib ba durru’ nib gel, me talumor lan mit e yal’ ni bod bangi mad nib talumor ni yima ngongliy e tutuw riy, me piliyeg ram’en e pul ngari row, ni bod ram’en e racha’;

Revelation 8:12

Me thoy e bin aningeg e engel e rappa rok. Ma ta’ab guruy ko dalip guruy i ram’en e yal’ nge pul nge t’uf e m’ay; ma ta’ab guruy ko dalip guruy ko rran e par nib talumor, ma ku errogon e neap’.