Amos 8:5 - Bible Ni Thothup

⁵ Ma gimed be ga’ar u wun’med, “Manga yigi papey nge m’ay e pi rran nib thothup ney nge yag nda pi’ed e grain rodad ni chuway’. Mingiyal’ e ra mus e Sabbath nge yag nda tababgad bayay ko market? Ma gadad pi’ nchuway’ nib tolang puluwon, ma gadad maruwel ko thabthabel ni kan dalibnag ngu’ud sasalapgad ko pi’in nge chuway’.

Amos 8:5 Iomraidhean Croise

2 Kings 4:23

Me ga’ar fare pumo’on rok ngak, “Mangfan ni ngari mman e daba’? Ya gathi daba’ faram e Sabbath ara Madnom ko M’ug e Pul.” Me fulweg fare pin ni ga’ar, “Dariy fan.”

Exodus 31:13

ni nge non ngak e girdi’ nu Israel ni nge ga’ar, “Mu ayuweged e Sabbath, ni yaran e toffan rog, bochan e irera’ e pow u thildad e chiney i yan ngaram, ni be dag ni Gag SOMOL e kug me’legmed ni kam manged girdi’ rog.

Proverbs 11:1

I SOMOL e ba fanenikay e girdi’ nma maruwel ko thabthabel nde paluw’. Mma felan’ ko thabthabel nib puluw.

Proverbs 16:11

I SOMOL e ba’adag e thabthabel nge yungi fol nib yul’yul’ ya nge gubin e chuway’ ni ngan tay ma bfel’ rogon.

Proverbs 20:23

I SOMOL e ba fanenikay e girdi’ ni yad ma sasalpiy e thabthabel nge rogon i tomaleg ban’en.

Isaiah 1:13

Dariy gam’ingin e pin’en ni gimed be pi’ ngog. Kar gu dabuy bon e incense ni gimed be urfiy. Dabkiyag ni gu kadan’ug ko pi Madnom ko M’ug e Pul, nge pi Sabbath romed, nge pi mu’ulung ni gimed be tay ni fan ngog; urngin nike kireb ni bochan e denen romed.

Isaiah 58:13

Be ga’ar SOMOL, “Fa’anra um ayuwegned fare rran ni Sabbath ngu’um ted nib thothup, me siy um leam niged e win ni nge yib ngomed e rofen nem; me yib fan u wun’med e birog e rran nib thothup mi gimed tay fan nge siy um milekaggad e rofen nem, mi gimed pag e maruwel, me siy ku mu weliyed e thin nib m’ay fan,

Hosea 12:7

Be ga’ar SOMOL, “Girdi’ nu Israel e yad ba sasalap ni bod e piyu Kanaan; yad ba’adag ni yad ma sasalpiy i thabthabelnag e chugom rok e pi’in karbad nni chuway’.

Hosea 12:8

Yad be ga’ar, ‘Kefel’ rogodad, bo’or bogi ban’en ni bfel’ nike yag ngodad. Ma dariy be’ nrayag ni nge yog ni kad fla’abgad u fithik’ e sasalap.’

Levitikus 19:36

Ngu’um marwelgad ko thabthabel ni bfel’, nge rogon i tomaleg ban’en, nge rogon i foleg ban’en. I Gag SOMOL ni Got romed, ni gag e gu fekmed nga wuru’ e nam nu Egypt.

Zekariah 5:6

Mug fith ni lungug, “Ba mang?” Me fulweg ni ga’ar, “Ba dug, ni be yip fan e denen ko fare nam ni polo’.”

Zekariah 5:8

Me ga’ar fare engel, “Re bpin ney e be yip’ fan e kireb.” Me chuchuy fare pin nga but’ u lan fare dug me fulweg e upong riy nga daken.

Malaki 1:13

Ke lungumed, ‘Ke chalabdad ko pin’ey ni urngin!’ Ma gimed be tartareg lechngen p’ethungmed ngog. Gimed ra maligach ngog me pi’ bigimed ba gamanman ngog ni iring, ara reb nib marwoth ara bm’ar. Gimed be finey nra fel’ u wun’ug e pin’nir?

Numbers 10:10

Ma ku er rogon e pi madnom ko felfelan’ — u ngilan’ e Madnom ko M’ug e Pul nge ku boch e madnom romed ko liyor — ma ngam thoyed fa gali yabul ko ngiyal’ ni ngam pi’ed e maligach romed ni mo’oruf nge maligach nma gapaseg thilin Got nge girdi’. Ma aram e gu ra ayuwegmed. I Gag SOMOL ni Got romed.”

Kolose 2:16

Ere dariy be’ ni nge ngongliy e motochiyel u murung’agen e n’en ni ngam ked ara n’en ni ngam garbodgad ngay ara pi rran nib thothup, ara madnom ni yima tay ko m’ug e pul ara Sabbath.

1 Samuel 20:5

Me ga’ar David, “Gabul e Madnom ko M’ug e Pul ni susun e nggu un ngak Saul ko abich. Machane fa’anra fel’ u wun’um mu gu wan gu mith nga daken e ted nge yan i mada’ ko langilath nnep’.